ມາສຊາປະກາດລາວົງການຟໍມູລາ ວັນ ແລ້ວຫຼັງໝົດລະດູການນີ້

 

ເຟລິເປ ມາສຊາ ຍອດນັກຊິງແຊມບາຢັນລົງແຂ່ງ ເອຟ ວັນ ລະດູການນີ້ເປັນປີສຸດທ້າຍແລ້ວ ຫຼັງຈາກທີ່ຢູ່ໃນວົງການລົດສູດໜຶ່ງມາຢ່າງຍາວນານເຖິງ 15 ປີ.

 

ເຟລິເປ ມາສຊາ ນັກຂັບລົດສູດໜຶ່ງຄົນແຊມບາຂອງທີມ ວິນລຽມ ປະກາດຢືນຢັນເມື່ອວັນພະຫັດທີ່ຜ່ານມາວ່າຕົນເອງຈະອຳລາການແຂ່ງຂັນ ຟໍມູລາ ວັນ ຫຼັງໝົດສັນຍາກັບຕົ້ນສັງກັດຫຼັງຈາກຈົບລະດູການນີ້.

 

ນັກຊິ້ງເຊິ່ງໄດ້ແຊມ 11 ລາຍການສະໄໝຢູ່ກັບທີມ ເຟີຣາຣີ ລະຫວ່າງປີ 2006-2008 ແລະ ເປັນຮອງແຊມໂລກເມື່ອປີ 2008 ກ່າວກ່ອນລົງແຂ່ງລາຍການ ອີຕາລຽນ ແກຣນພຣິກ ໃນຊ່ວງທ້າຍອາທິດນີ້ວ່າ “ຫຼັງຈາກທີ່ລົງແຂ່ງໃນ ຟໍມູລາ ວັນ ມາ 15 ປີ ນີ້ຈະເປັນລະດູການສຸດທ້າຍຂອງຂ້ອຍແລ້ວ”.

 

ທັງນີ້ ມາສຊາ ທີ່ເຄີຍປະສົບອຸບັດຕິເຫດຮຸນແຮງທີ່ຫົວໃນລາຍການ ຮັງກາລຽນ ແກຣນພຣິກ ຮອບຈັດອັນດັບເມື່ອປີ 2009 ຍ້າຍຈາກ ເຟີຣາຣີ ມາຢູ່ກັບ ວິນລຽມ ເມື່ອປີ 2014.