ມາມາກໜ້າດ້ວຍໝາກຫຸ່ງກັນດີກວ່າ

ນອກ​ເໜືອ​ຈາກ​ຄຸນ​ປະໂຫຍດ​ທີ່​ໄດ້​ຈາກ​ການ​ກິນ​ແລ້ວ​ ເນື້ອຂອງໝາກຫຸ່ງ​​ສຸກ​ຍັງ​ສາມາດ​ເຮັດ​ເປັນ​ມາ​ກ​ພອກ​ໜ້າ​ໄດ້​ຢ່າງ​ດີ​ດ້ວຍ​ ເພາະ​ອຸດົມ​ໄປ​ດ້ວຍ​ວິ​ຕາ​ມິນ​ຊີ​ແລະ​ອີ​ສູງ​ ຊຶ່ງ​ມີ​ຄຸນສົມບັດ​ທີ່​ຊ່ວຍ​ໃນ​ເລື່ອງ​ຫຼຸດ​ຄວາມ​ມັນ​ເທິງ​ໃບ​ໜ້າ​, ລົບ​ຮອຍ​ດ່າງ​ດຳ​, ຊ່ວຍ​ຂັດ​ເຊວ​ຜິວ​ທີ່​ຕາຍ​ແລ້ວ​ ເຮັດໃຫ້​ຜິວ​ຊຸ່ມ​ຊື້ນ​ແລະ​ອ່ອນ​ນວນ​ອີກ​ດ້ວຍ​ ​ເຮົາຈື່ງ​ມີ​ສູດ​ມາກ​ໜ້າ​ມາ​ໃຫ້​ສາວ​ໆ​ທີ່​ຢາກ​ຜິວ​ດີ​ດ້ວຍ​ວິທີ​ງ່າຍໆ​ທັງ​ໝົດ​ 3 ສູດ​.​

1. ສູດ​ໝາກຫຸ່ງລົບ​ຮອຍ​ດ່າງ​ດຳ​ ບົດ​ໝາກຫຸ່ງ​ສຸກ​ໃຫ້​ລະອຽດ​ ພອກ​ໜ້າ​ປະ​ໄວ້​ຈັກ​ 10 ນາ​ທີ​ ແລ້ວ​ລ້າງ​ອອກ​ຈະ​ຊ່ວຍ​ລົບ​ຮອຍ​ດ່າງ​ດຳ​ເທິງ​ໃບ​ໜ້າ​ໄດ້.​

2. ສູດ​ຊ່ວຍ​ເຮັດໃຫ້​ຜິວ​ນຸ່ມ​ຊຸ່ມ​ຊື້ນ​ດ້ວຍໝາກຫຸ່ງ​ - ກ້ວຍ​ຫອມ.​

ສູດ​ນີ້​ຈະ​ເຫັນ​ຜົນ​ໄດ້​ຊັດເຈນ​ຫລາຍ​ທີ່ສຸດ​ ພຽງແຕ່ມາ​ກ​ເທື່ອ​ທຳອິດ​ກໍ່ເຫັນ​ເຖິງ​ຄວາມ​ນຸ່ມ​ຂອງ​ຜິວ​ໜ້າ​ ສ່ວນ​ປະສົມ.​

1. ໝາກຫຸ່ງ​ສຸກ​ບົດ​ 3 ບ່ວງແກງ​.

2. ກ້ວຍ​ຫອມ​ບົດ​ 2 ບ່ວງແກງ​.

3. ນ້ຳ​ເຜີ້ງ 1 ບ່ວງແກງ.

4. ນ້ຳ​ໝາກ​ນາວ​ 1 ບ່ວງກາເຟ.​

ວິທີ​ເຮັດ​ :

ປະສົມ​ທຸກ​ຢ່າງ​ໃຫ້​ເຂົ້າ​ກັນ​ໃສ່​ກະ​ປຸກ​ທີ່​ມີ​ຝາ​ປິດ​ແຊ່​ເຢັນ​ໄວ້​ໃຫ້​ເຢັນ​ນຳ​ມາພ​ອກ​ໜ້າ​ປະ​ໄວ້​ປະ​ມານ​ 30-60 ນາ​ທີ​ ລ້າງ​ອອກ​ດ້ວຍ​ນ້ຳ​ສະ​ອາດ.​

3. ສູດ​ຜິວ​ນຽນ​ ສູດ​ນີ້​ຊ່ວຍ​ໃຫ້​ຜິວ​ນຸ່ມ​ນຽນ​ໜ້າ​ສຳ​ຜັດ​ຫຼາຍ​ຂຶ້ນ​ ສ່ວນ​ປະສົມ​.

1. ໝາກຫຸ່ງສຸກ​ບົດ​ 3 ບ່ວງຊາ​

2. ນ້ຳ​ມັນ​ງາ​ 3 ບ່ວງຊາ

3. ກິ່ນ​ລາ​ເວນ​ເດີ​​ນ້ອຍໆ​

ວິທີ​ເຮັດ​

1.ປະສົມ​ທຸກ​ຢ່າງ​ໃນ​ຖ້ວຍ​ໃຫ້​ເຂົ້າ​ກັນ​ແລ້ວ​ນຳ​ໄປ​ແຊ່​ໃນ​ນ້ຳ​ຮ້ອນ​ ໃຫ້​ສ່ວນ​ປະສົມ​ທັງ​ໝົດ​ພໍ​ອຸ່ນ​ໆ​.

2.ນຳ​ໄປ​ພອກ​ໜ້າ​ ໃຊ້​ຜ້າຂົນ​ໜູ​ຈຸ່ມ​ນ້ຳ​ອຸ່ນ​ໆ​ບິດ​ໃຫ້​ພໍ​ໝາດ​ໆ​ ປິດ​ໜ້າ​ປະ​ໄວ້​ຈັກ​ 15 ນາ​ທີ​ ແລ້ວ​ລ້າງ​ອອກ​.

======================================================================================================================

ບົດຄວາມໃຫມ່ໆ