ມາຕີເນດດູກມີດຫັກພັກຍາວຈົບຊີຊັນ

 

ຊາບີ ມາຕີເນດ ກອງຫຼັງ ບາເຢີນ ມິວນິກ ຈະອົດຊ່ວຍທີມຕະຫຼອດ 2 ນັດທີ່ເຫຼືອຂອລະດູການນີ້ ຫຼັງຈາກທີ່ໂຊກຮ້າຍກະດູກມີດຫັກຕອນໄຕ່ເຂົາໃນບ້ານເກີດ ແລະ ເຂົ້າຮັບການຜ່າຕັດແລ້ວ.

 

ຊາບີ ມາຕີເນດ ກອງຫຼັງຂອງ “ເສືອໃຕ້” ບາເຢີນ ມິວນິກ ສະໂມສອນຍັກໃຫຍ່ຂອງ ບຸນເດສລີກາ ໄດ້ຮັບບາດເຈັບກະດູກມີຫັກລະຫວ່າງທີ່ຂຶ້ນໄປຍ່າງໄຕ່ເຂົາ ແລະ ຈະຕ້ອງພາດຊ່ວຍຕົ້ນສັງກັດໃນຊ່ວງ 2 ເກມສຸດທ້າຍຂອງລະດູການ ຈາກການລາຍງານເມືອວັນທີ 10 ທີ່ຜ່ານມາ.

 

ບາເຢີນ ປະກາດຜ່ານເວັບໄຊຢ່າງເປັນທາງການວ່າ “ນັກເຕະກະດູກມີດຂ້າງຊ້າຍຫັກເມື່ອວັນອາທິດ ຂະນະທີ່ກຳລັງປີນເຂົາໃນບ້ານເກີດທີ່ສະເປນ”.

 

ມາຕີເນດ ເດີນທາງກັບມາທີ່ນະຄອນມິວນິກເພື່ອເຂົ້າຮັບການຜ່າຕັດເມື່ອວັນອັງຄານ ແລະ ເຂົາຈະຕ້ອງໝົດສິດລົງຫຼິ້ນໃຫ້ກັບທີມໃນເກມລີກທີ່ເຫຼືອ 2 ນັດ.

 

ຂະນະທີ່ ມານູເອວ ນອຍເອີ ແລະ ສະເວນ ອູຣິດ ນາຍທະວານມື 1 ແລະ 2 ຂອງທີມກໍຈະຕ້ອງພາດຫຼິ້ນໃນຊ່ວງທີ່ເຫຼືອຂອງລະດູການນີ້ ເນື່ອງຈາກອາການບາດເຈັບເຊັ່ນກັນເຮັດໃຫ້ ທອມ ສະຕາເຄ ມື 3 ໄດ້ລົງເຝົ້າເສົາແທນ.