ມາຕິໂນ້ ຍອມຮັບຍັງບໍ່ຮູ້ຈະເອົາໃຜມາແທນ ເມສຊີ

ເຄຣາໂດ້ ມາຕິໂນ້ ເທຣນເນີ້ທີມຊາດ ອາເຈນຕິນາ ເປີດເຜີຍຍັງບອກບໍ່ໄດ້ວ່າຈະເອີ້ນໃຜມາແທນ ເມສຊີ ດາວຍິງໂຕເກັ່ງຈາກ ບາເຊໂລນາ ທີ່ມີອາການບາດເຈັບຕ້ອງພັກຢ່າງໜ້ອຍ 2 ເດືອນ ໃນເກມຄັດເລືອກບານໂລກ 2 ນັດທີ່ຈະຕ້ອງພົບກັບ ເອກວາດໍ ແລະ ປາລາກວາຍ.

ເຄຣາໂດ້ ມາຕິໂນ້ ນາຍໃຫຍ່ ອາເຈນຕິນາ ຍອມຮັບວ່າ ຍັງຄົງໜັກໃຈ ແລະ ປະຕິເສດທີ່ຈະລະບຸວ່າຈະໃຫ້ໃຜມາແທນ ເມສຊີ ກອງໜ້າ ບາເຊໂລນາ ທີ່ມີອາການບາດເຈັບຫົວເຂົ່າຕ້ອງພັກຍາວເຖິງ 2 ເດືອນ ໃນເກມບານໂລກ 2018 ຮອບຄັດເລືອກ ໂຊນອາເມຣິກາໃຕ້ 2 ນັດຂ້າງໜ້າທີ່ຈະພົບກັບ ເອກວາດໍ ແລະ ປາລາກວາຍ ລວມເຖິງຕ້ອງພັກຍາວໄປຈົນເຖິງເດືອນພະຈິກ ເຊິ່ງຈະມີເສິກໜັກກັບ ບຣາຊິວ ແລະ ໂຄລຳເບຍ.

ມາຕິໂນ້ ເປີດເຜີຍວ່າ “ສຳລັບໃນຕອນນີ້ຂ້ອຍຍັງບໍ່ຄິດວ່າຈະດຶງໃຜມາດີ ດັ່ງນັ້ນ ມັນຈຶ່ງເຮັດໃຫ້ເຮົາໄດ້ເອີ້ນໂຕນັກເຕະມາທັງ 27 ຄົນເພື່ອການນີ້”.

ນອກຈາກນັ້ນ ມາຕິໂນ້ ຍັງຕອບຄຳຖາມທີ່ວ່າ ອາເຈນຕິນາ ບໍ່ເຄີຍຊະນະເລີຍເມື່ອບໍ່ມີ ເມສຊີ ລົງຫຼິ້ນວ່າ “ຖ້າເຮົາເສຍພວກເຮົາກໍມັກຈະບອກວ່າເປັນຍ້ອນຂາດ ເມສຊີ ແລະ ຖ້າເຮົາເກັບໄຊຊະນະໄດ້ ການທີ່ຂາດເຂົາໄປມັນກໍຈະກາຍເປັນເລື່ອງນ້ອຍໆທີ່ບໍ່ມີໃຜເວົ້າເຖິງໄປເລີຍ”.

ທັງນີ້ ອາເຈນຕິນາ ຈະເປີດບ້ານພົບກັບ ເອກວາດໍ ໃນວັນພະຫັດທີ 8 ຕຸລານີ້ ກ່ອນທີ່ຈະບຸກໄປຢາມ ປາລາກວາຍ ໃນອີກ 5 ມື້ຕໍ່ຈາກນັ້ນ.

.....................................................................................................................................