ມາຕິເນສຕັ້ງເປົ້າຕິດທັບກະທິງລຸຍບານຢູໂຣ 2016

 

     ກາບີ ມາຕິເນສ ມິດຟິວ ບາເຢິນ ມິວນິກ ກ່າວວ່າ ກຳລັງເລັ່ງໂຊຜົນງານເພື່ອທ່ຈະຕິດທີມຊາດສະເປນ ຊຸດທີ່ຈະໃຊ້ຫຼິ້ນ ບານ ຢູໂຣ 2016 ຫຼັງຈາກທີ່ຫາຍດີຈາກອາການບາດເຈັບ ແລະ ກັບມາລົງສະໜາມໄດ້ແລ້ວ ທາງດ້ານ ດາວິດ ອະລາບາ ຟູແບັກ ເສືອໃຕ້ ເວົ້າວ່າ ມາຕິເນສກັບມາຊ່ວຍທີມໄດ້ໃນຊ່ວງສຳຄັນໄດ້ພໍດີ

     ກາບີ ມາຕິເນສ ມິດຟິວ ບາເຢິນ ມິວນິກ ສະໂມສອນຍັກໃຫຍ່ໃນ ບຸນເດສລີກາ ເຢຍລະມັນ ກ່າວວ່າຕົນເອງກຳລັງກຳລັງຕັ້ງເປົ້າທີ່ຈະຕິດທີມຊາດ ສະເປນ ຊຸດລຸຍບານເຕະຊິງແຊ້ມແຫ່ງຊາດເອີຣົບ “ຢູໂຣ 2016” ໃນຮອບສຸດທ້າຍທີ່ປະເທດຝຣັ່ງເປັນເຈົ້າພາບໃຫ້ໄດ້

 

ມາຕິເນສ ໃຫ້ສຳພາດກັບນັກຂ່າວວ່າ “ບານເຕະຊິງແຊ້ມແຫ່ງຊາດເອີຣົບເປັນເປົ້າໝາຍຂອງຂ້ອຍ ຂ້ອຍຫວັງວ່າຈະໄດ້ຫຼິ້ນໃຫ້ທີມຊາດສະເປນເມື່ອເວລວນັ້ນມາຮອດ ຂ້ອຍຮູ້ສຶກວ່າໂຕເອງແລ່ນໄດ້ໄວ, ແຂງແກ່ນແລະ ມີສະມາທິ ຂ້ອຍຍັງບໍ່ຟິດເຕັມຮ້ອຍ ແຕ່ຂ້ອຍກໍມີສະພາບຄວາມຟິດໃນລະດັບນັ້ນແລ້ວ”

 

ທາງດ້ານ ດາວິດ ອະລາບາ ແບັກຊ້າຍຕົວເກັ່ງຂອງທີມ ບາເຢິນ ເຊື່ອວ່າ ມາຕິເນສ ກັບມາຊ່ວບທີມໄດ້ໃນເວລາທີ່ເຫມາະສົມພໍດີເລີຍ ເພາະວ່າ ທີມ ເສືອໃຕ້ ກຳລັງຈະພໍ້ກັບເກມທີ່ສຳຄັນຫຼາຍນັດ ເຂົາເຄີຍສະແດງໃຫ້ເຫັນໃນເກມກ່ອນໆ ແລ້ວວ່າເຂົາເປັນນັກເຕະທີ່ເກັ່ງ ພວກເຮົາອອກສະຕາດໄດ້ດີ ແຕ່ມັນມີເກມໃຫຍ່ອີກຫຼາຍໆເກມລໍຖ້າຢູ່

 

------------------------------------------------------------------------------------------------------------------------------------------------------------