ມັງກອນຄຳ ມອບຄອມພິວເຕີ 50 ເຄື່ອງ ໃຫ້ຫ້ອງວ່າການລັດຖະບານ

ວັນ​ທີ 30 ກັນຍາ 2015 ທ່ານ ​ດຣ. ແອນ ດູ ຢາງ ປະທານ​ກຸ່ມບໍລິສັດ ມັງກອນ​ຄຳ ສ ເກົາຫຼີ ໄດ້​ນຳ​ເອົາ​ຄອມ​ພິວ​ເຕີ (Laptop) ຈຳນວນ 50 ເຄື່ອງ ມູນ​ຄ່າ 159.990.000 ກີບ ມອບ​ໃຫ້​ແກ່ຫ້ອງ​ວ່າການ​ລັດຖະບານ ກ່າວຮັບ​ໂດຍ​ທ່ານ ສົມ​ສະຫວາດ ເລັ່ງສະ​ຫວັດ ຮອງ​ນາຍົກລັດຖະມົນຕີ ເຊິ່ງ​ເຄື່ອງ​ຄອມ​ພິວ​ເຕີ​ຈຳນວນ​ດັ່ງກ່າວ​ນີ້ ທາງ​ຫ້ອງ​ວ່າການ​ລັດ​ຖະບານ ​ຈະ​ນຳ​ໃຊ້​ເຂົ້າ​ໃນ​ວຽກ​ງານວິຊາ​ສະເພາະ ​ໃຫ້​ເກີດ​ປະໂຫຍດສູງ​ສຸດ ໂດຍ​ສະເພາະ​ຈະ​ນຳ​ໃຊ້ເຂົ້າ​ໃນ​ການ​ພັດທະນາ​ວິຊາ​ການ​ ໃຫ້​ມີ​ປະສິດທິພາບ.

ໂອກາດ​ນີ້ ທ່ານ​ຮອງ​ນາຍົກລັດຖະມົນຕີ ໄດ້​ສະແດງ​ຄວາມຂອບໃຈ ແລະ ຊົມເຊີຍ​ມາ​ຍັງທ່ານ​ປະທານ​ກຸ່ມ​ບໍລິສັດ ມັງກອນຄຳ ທີ່​ໄດ້​ປະກອບສ່ວນ​ຊ່ວຍເຫຼືອເຄື່ອງ​ຄອມ​ພິວ​ເຕີ ຫ້ອງ​ວ່າການລັດຖະບານ​ຄັ້ງ​ນີ້ ພ້ອມ​ທັງ​ອວຍພອນ​ໃຫ້​ບໍລິສັດ​ດຳເນີນ​ທຸລະ​ກິດ ປະສົບ​ຜົນສຳເລັດ ແລະ ຫວັງຢ່າງ​ຍິ່ງ​ວ່າ ​ໂອກາດ​ໜ້າ​ຈະ​ໄດ້​ຮັບການ​ຊ່ວຍເຫຼືອ​ຈາກ​ບໍລິສັດ ມັງກອນ​ຄຳ​ ຕື່ມ​ອີກ.

ບົດຄວາມໃຫມ່ໆ