ມະຫັດສະຈັນ ( ຂຸນນ້ຳກອງແລງ )

ຂຸນນ້ຳກອງແລງ ເປັນສະຖານທີ່ທ່ອງທ່ຽວທາງທຳມະຊາດຕັ້ງຢູ່ບ້ານນາຄື,ເມືອງຫີນບູນ ຂຶ້ນລົດຕາມເສັ້ນທາງເລກ 13  ໃຕ້, ຫ່າງຈາກຕົວ ເມືອງ 19 ກິໂລແມັດ. ຂຸນນໍ້າກອງແລງເປັນບ່ອນກຳເນີດຂອງນ້ຳກອງແລງເຊິ່ງເປັນສາຂາຂອງນ້ຳຄອນແກ້ວ, ເປັນວັງນ້ຳສີຟ້າເຂັ້ມກວ້າງ 1960-1970 ແມັດ, ເລິກກວ່າ 25 ແມັດ, ນ້ຳໃນຂຸນກອງໃນປີໜຶ່ງຈະປ່ຽນເປັນ 3 ສີຄື: ສີຂຽວມໍລະກົດ, ແດງ ແລະ ສີຟ້າໃສ. ລັກສະນະຂອງນໍ້າຂຸນ ກອງແລງເປັນວົງຮູບຫນ່ວຍມົນຄືກັບກອກສູບຢາ.ພື້ນລຸ່ມນໍ້າມີແປວນໍ້າຢູ່ 1 ແປວ ຍາວ 22 ແມັດ (ສະເພາະບ່ອນທີ່ສາມາດເຂົ້າໄດ້) ອ້ອມຮອບ ​​ວົງນີ້ເຕັມໄປດ້ວຍຕົ້ນຂະມ້າ.ຂຸນ ກອງແລງແມ່ນເອີ້ນຕາມຕໍານານວ່າ: ຮອດເວລາແລງວັນສິນມາສະໃຫມກ່ອນຈະໄດ້ຍິນສຽງດັງຕຶ່ງໆຄືກັບສຽງ  ກອງແລງທີ່ຄູບາຕີຢູ່ວັດໃນຍາມແລງ,ຕາມຄວາມເຊື່ອແມ່ນຄົນບັງບົດເປັນຜູ້ຕີ.ຂຸນນ້ຳນີ້ຫ້າມຫາປາ ແລະ ຫ້າມອາບນ້ຳ. ນິທານພື້ນບ້ານກ່ຽວກັບຂຸນນໍ້າກອງແລງ ກ່ອນຫນ້ານີ້ຫຼາຍຮ້ອຍປີຜ່ານມາທີ່ວັດບ້ານນາຄືມີພະອາຈານ ອົງຫນຶ່ງຊື່ວ່າ: ຍາຄູ  ປາກບ້ຽວ ແລະ ສຳມະເນນນ້ອຍອົງຫນຶ່ງ (ບໍ່ປະກົດມີຊື່) ທັງສອງໄດ້ມາອາບນໍ້າຢູ່ໃນຂຸນແຫ່ງນີ້ອາບນ້ຳແລ້ວກໍ່ນັ່ງງອຍງ່າ ໄມ້ສູບຢາພໍດີກອກຢາຫຼຸດມືຕົກລົງພື້ນນ້ຳເພື່ອຊອກຫາກອກຢາ ສ່ວນອ້າຍຈົວນ້ອຍກໍ່ຢູ່ເທິງຖ້າຕໍ່ສົ້ນໄໝໃສ່ຫຼອດອື່ນຈົນ ຫມົດ 7 ຫຼອດພໍດີຍາຄູກໍ່ເຖິງພື້ນນ້ຳຢູ່ຈຸດໃຈກາງຂອງຂຸນນັ້ນຍາຄູໄດ້ພົບທໍ່ແກ້ວໃຫຍ່ອັນຫນຶ່ງເປັນສີມໍລະກົດໃສງາມ ແຕ່ມີນ້ຳຢູ່ໃນໃຫຍ່ເທົ່າກັບກອງ(ກອງດຶກ, ກອງເພນຫຼື​ກອງແລງ)ທີ່ຄູບາໃຊ້ຕີຢູ່ວັດກໍ່ເລີຍຮ້ອງຂຸນແຫ່ງນີ້ວ່າ:ຂຸນກອງແລງຫຼືຂຸນນ້ຳກອງແລງ ມາຮອດປະຈຸບັນນີ້. 

 

 

 

 

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

ຂໍຂອບໃຈທີ່ມາ : http://vtlaos.com