ມອບ-ຮັບຕຳແໜ່ງປະທານສະຫະພັນກຳມະບານແຂວງ ພາຍຫຼັງໄດ້ສຳເລັດກອງປະຊຸມໃຫຍ່ຄັ້ງທີ VI ມາໄດ້ 4 ເດືອນ(3343)

ພິທີມອບ-ຮັບຕຳແໜ່ງປະທານສະຫະພັນກຳມະບານແຂວງສະຫວັນນະເຂດ ໄດ້ຈັດຂຶ້ນໃນວັນທີ 6 ຕຸລາ 2015 ທີ່ຫ້ອງປະຊຸມຂອງສະຫະພັນກຳມະບານແຂວງ. ໃຫ້ກຽດເຂົ້າຮ່ວມໃນພິທີຄັ້ງນີ້ ໂດຍ ມີ ທ່ານ ສົມເພັດ ອິນທະທິລາດຄະນະປະຈຳພັກແຂວງ ຮອງປະທານຄະນະສະມາຊິກສະພາແຫ່ງຊາດເຂດເລືອກຕັ້ງທີ 13 ແຂວງສະຫວັນນະເຂດເຂົ້າຮ່ວມ.
ໃນພິທີ, ທ່ານ ທອງໄຫຼ ໄຊມຸງຄຸນ ປະທານສະຫະພັນກຳມະບານແຂວງຜູ້ເກົ່າກໍ່ໄດ້ລາຍງານການເຄື່ອນໄຫວ ແລະຜົນງານດ້ານຕ່າງໆຂອງສະຫະພັນກຳມະບານແຂວງທີ່ໄດ້ຈັດຕັ້ງປະຕິບັດໃນໄລຍະຜ່ານມາ ໂດຍເຫັນໄດ້ວ່າວຽກງານດ້ານຕ່າງໆທີ່ປິ່ນອ້ອມໜ້າທີ່ວຽກງານຂອງກຳມະບານແຂວງແມ່ນມີຫຼາຍດ້ານທີ່ພົ້ນເດັ່ນ ແລະກ້າວໜ້າ. ຈາກນັ້ນ, ໃນພິທີກໍ່ໄດ້ມີການເຊັນມອບ-ຮັບຕຳແໜ່ງປະທານສະຫະພັນກຳມະບານແຂວງລະຫວ່າງປະທານສະຫະພັນກຳມະບານແຂວງຄົນເກົ່າ ທ່ານ ທອງໄຫຼ ໄຊມຸງຄຸນ ແລະປະທານສະຫະພັນກຳມະບານແຂວງຄົນໃໝ່ ທ່ານ ສົມພານໄຊ ເກດຕະວົງ. ຮ່ວມເປັນສັກຂີພະຍານໃນການເຊັນມອບ-ຮັບໜ້າທີ່ປະທານສະຫະພັນກຳມະບານແຂວງໃນຄັ້ງນີ້ ໂດຍແມ່ນ ທ່ານ ສົມເພັດ ອິນທະທິລາດ ແລະບັນດາແຂກທີ່ຖືກເຊີນເຂົ້າຮ່ວມ. ເປັນເວລາເກືອບ 4 ເດືອນ ພາຍຫຼັງທີ່ສະຫະພັນກຳມະບານແຂວງໄດ້ສຳເລັດກອງປະຊຸມໃຫຍ່ຄັ້ງທີ VI ຂັ້ນຂອງຕົນ ໃນວັນທີ 10-11 ມິຖຸນາ 2015