ມອບຮັບໜ້າທີ່ລັດຖະມົນຕີ ກະຊວງພາຍໃນ

ຫວ່າງບໍ່ດົນມານີ້, ທີ່ກະຊວງພາຍໃນໄດ້ມີພິທີມອບຮັບໜ້າທີ່ລະຫວ່າງທ່ານ ໄຊສີ ສັນຕິວົງ ກຳ­ມະການສູນກາງພັກ, ເລຂາຄະນະພັກ, ລັດຖະມົນຕີວ່າການກະຊວງພາຍໃນ (ຜູ້ເກົ່າ) ແລະ ທ່ານ ຄຳໝັ້ນ ສູນວິເລີດ ກຳມະການສູນກາງພັກ, ເລຂາຄະນະພັກ, ລັດຖະມົນຕີວ່າການ ກະຊວງພາຍໃນ (ຜູ້ໃໝ່) ໂດຍມີ ທ່ານ ອາຊາງລາວລີ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນຳຂົງເຂດວຽກງານການປົກຄອງ, ມີບັນດາລັດຖະມົນຕີຊ່ວຍວ່າການ, ຄະນະພັກ, ຫົວໜ້າກົມ-ຮອງກົມ, ຫົວໜ້າພະແນກຮອງພະແນກ ຕະ­ຫຼອດຮອດພະນັກງານລັດຖະກອນພາຍໃນກະຊວງເຂົ້າຮ່ວມ.

ພາຍຫຼັງທີ່ມອບຮັບໜ້າທີ່ແລ້ວທ່ານ ໄຊສີ ສັນຕິວົງ ແມ່ນຈະໄດ້ໄປຮັບໜ້າທີ່ໃໝ່ຢູ່ຄະນະຈັດຕັ້ງສູນກາງພັກ, ສຳລັບທ່ານ ຄຳໝັ້ນ ສູນວິເລີດ ແມ່ນມາເຮັດໜ້­ທີ່ເພື່ອສືບຕໍ່ຊີ້ນຳໆພາ ແລະຄຸ້ມຄອງບໍລິຫານວຽກງານຂອງກະຊວງພາຍໃນກໍຄືຂະແໜງພາຍໃນ ໃນທົ່ວປະເທດທີ່ການຈັດຕັ້ງພັກລັດຖະບານມອບໝາຍໃຫ້ທັງປະຕິບັດພາລະບົດບາດ, ໜ້າທີ່ ແລະ ຂອບເຂດສິດຂອງກະຊວງພາຍໃນໃຫ້ປະສົບຜົນສຳເລັດ.

ໃນພິທີ ທ່ານ ໄຊສີ ສັນຕິວົງ ໄດ້ຂຶ້ນລາຍງານການຊີີ້ນຳໆພາເຄື່ອນໄຫວວຽກງານຂອງກະຊວງພາຍໃນໄລຍະ 1 ປີກວ່າ ທີ່ຜ່ານມາ ຊຶ່ງເຫັນວ່າ ມີທັງດ້ານດີ ແລະດ້ານທີ່ຕ້ອງໄດ້ສືບຕໍ່ເອົາໃຈໃສ່ແກ້ໄຂໃນຕໍ່ໜ້າ.

ທີ່ມາ CRI-FM93