ຟີຟາປັດຄຳຮ້ອງມ້ວງປະທ້ວງສິງກໍລະນີຂອງ ຊາລາ

 

ຟີຟາ ປັດການປະທ້ວງຂອງ ຟິອໍເລັນຕິນາ ໃນເລື່ອງທີ່ຟ້ອງວ່າ ເຊວຊີ ເຮັດຜິດສັນຍາຈາກການສົ່ງ ໂມຮາເມັດ ຊາລາ ໃຫ້ ໂຣມາ ຢືມຕົວເມື່ອລະດູການທີ່ຜ່ານມາ ແຕ່ມັນຍັງບໍ່ແມ່ນຄຳຕັດສິນທີ່ເປັນທີ່ສິ້ນສຸດ.

 

ສະຫະພັນບານເຕະນານາຊາດ ຫຼື ຟີຟາ ປະຕິເສດການປະທ້ວງຂອງ ຟິອໍເລັນຕິນາ ສະໂມສອນດັງຂອງ ກັນໂຊ ຊີຣີ ອາ ໃນກໍລະນີທີ່ ເຊວຊີ ຕັດສິນໃຈປ່ອຍໃຫ້ ອາເອສ ໂຣມາ ຢືມໂຕ ໂມຮາເມັດ ຊາລາ ໄປຮ່ວມທີມເມື່ອລະດູການກ່ອນ.

 

ຊາລາ ຍ້າຍມາຢູ່ກັບ ເຊວຊີ ເມື່ອຊ່ວງຕົ້ນເດືອນກໍລະກົດປີ 2014 ກ່ອນທີ່ຈະຖືກປ່ອຍໃຫ້ ຟິອໍເລັນຕິນາ ຢືມຕົວໄປໃຊ້ງານ 1 ປີເຊິ່ງ ຟິອໍ ກໍຄິດວ່າດາວເຕະທີມຊາດອີຢິບຈະຢູ່ກັບພວກເຂົາຕໍ່ໄປໃນລະດູການ 2015-2016 ແຕ່ກາຍເປັນວ່ານັກເຕະໄປຫຼິ້ນແບບຢືມຕົວກັບ ໂຣມາ .

 

ເລື່ອງດັ່ງກ່າວເຮັດໃຫ້ ຟິອໍເລັນຕິນາ ເບິ່ງວ່າ ເຊວຊີ ລະເມີດສັນຍາ ແລະ ຍື່ນເລື່ອງຟ້ອງຮ້ອງກັບທາງ ຟີຟາ ແຕ່ເມື່ອວັນພຸດທີ່ຜ່ານມາ ສະຫະພັນລູກໜັງໂລກກໍຕັດສິນໃຈແລ້ວວ່າ ເຊວຊີ ບໍ່ໄດ້ເຮັດຜິດກົດໃດໆທັງນັ້ນ ຢ່າງໃດກໍຕາມການຕັດສິນຂອງ ຟີຟາ ຍັງບໍ່ແມ່ນຄຳຕັດສິນທີ່ເປັນທີ່ສິ້ນສຸດ.

 

“ເຮົາຢືນຢນໄດ້ວ່າຄະນະແກ້ໄຂຂໍ້ພິພາກ (ດີອາຊີ) ໄດ້ຄັດຄ້ານຄໍາຮ້ອງຂອງ ເອຊີເອຟ ຟິອໍເລັນຕິນາ ທີ່ຟ້ອງຮ້ອງ ໂມຮາເມັດ ຊາລາ ກາລີ ແລະ ເຊວຊີ ເອຟຊີ ແລ້ວ ຜົນການກວດສອບຂອງການຕັດສິນນີ້ໄດ້ຖືກສົ່ງໄປໃຫ້ທຸກຝ່າຍທີ່ກ່ຽວຂ້ອງຮັບຊາບເມື່ອວັນທີ 8 ທີ່ຜ່ານມາ ຄຳອ້າງຂອງສະໂມສອນຈາກອີຕາລີຖືກປະຕິເສດແລ້ວ ແຕ່ຈາກການຕັດສິນນີ້ຍັງບໍ່ແມ່ນຄຳຕັດສິນຂັ້ນສຸດທ້າຍ ແລະ ຍັງຢູ່ໃນຂັ້ນຕອນດຳເນີນການຢູ່ ເຮົາຈຶ່ງບໍ່ໄດ້ໄປຢູ່ໃນສະຖານະການທີ່ຈະສະແດງຄວາມເຫັນໄດ້ຫຼາຍກວ່ານີ້” ຟີຟາ ລະບຸ.

 

 

ບົດຄວາມໃຫມ່ໆ