ຟອມກາກ!!ປະທານຊຸດຂາວຈໍ່ເສັ້ງຣາມອສພົ້ນທີມ

 

ຟໍເລັນຕິໂນ ເປເຣດ ປະທານສະໂມສອນ ເຣອັນ ມາດຣິດ ຕົກເປັນຂ່າວກຳລັງວ່າຈະພິຈາລະນາເຂ່ຍ ເຊຄິໂອ ຣາມອສ ເຊັນເຕີແບັກໂຕເກັ່ງພົ້ນທີມຫຼັງຈາກເຮັດຜົນງານໄດ້ຕົກຕຳ່ໃນລະດູການນີ້ ແລະ ຫາກມີຂໍ້ສະເໜີທີ່ເໝາະສົມກໍພ້ອມປ່ອຍໂຕທັນທີ ໂດຍມີ ເຊວຊີ ແລະ ຢູເວັນຕຸດ ທີ່ຈ້ອງດຶງໂຕເຂົາ.

 

ຟໍເລັນຕິໂນ ເປເຣດ ປະທານສະໂມສອນ ເຣອັນ ມາດຣິດ ສະໂມສອນຍັກໃຫຍ່ຂອງ ລາ ລີກາ ສະເປນຕົກເປັນຂ່າວວ່າກຳລັງພິຈາລະນາປ່ອຍໂຕ ເຊຄິໂອ ຣາມອສ ແນວຮັບກັບຕັນທີມພົ້ນຮັງໃນຊ່ວງຈົບລະດູການນີ້ ຈາກການລາຍງານເມື່ອວັນພະຫັດທີ່ຜ່ານມາ.

 

ກອງຫຼັງອາຍຸ 30 ປີ ຍ້າຍຈາກ ເຊບີຢາ ມາຮ່ວມທັບ “ລາຊາຊຸດຂາວ” ຕັ້ງແຕ່ປີ 2005 ແລະ ລົງສະໜາມໃຫ້ຕົ້ນສັງກັດໄປແລ້ວກວ່າ 500 ນັດໃນທຸກລາຍການ ໂດຍໃນລະດູການກ່ອນເຂົາເກືອບໄດ້ຍ້າຍໄປຮ່ວມງານກັບ ຫຼຸຍ ຟານກາວ ຜູ້ຈັດການທີມ ແມນເຊສເຕີ ຢູໄນເຕັດ ໃນອັງກິດແຕ່ວ່າສຸດທ້າຍແລ້ວກໍເລືອກຢູ່ກັບ “ລາຊາຊຸດຂາວ” ຕໍ່ໄປ ແລະ ລົງລາຍເຊັນຕໍ່ສັນຍາອອກໄປອີກ 5 ປີ.

 

ຢ່າງໃດກໍຕາມໃນລະດູການນີ້ ຣາມອສ ເຮັດຜົນງານໄດ້ຕຳ່ກວ່າມາດຕະຖານ ຫຼັງຈາກທີ່ເຂົາມີສ່ວນຮ່ວມໂດຍກົງກັບການທີ່ທີມເສຍປະຕູຫຼາຍຕໍ່ຫຼາຍເທື່ອໂດຍເຮັດໃຫ້ທີມເສຍຈຸດໂທດໄປແລ້ວເຖິງ 4 ເທື່ອຈາກການລົງສະໜາມ 12 ນັດໃນລະດູການນີ້ທັງກັບສະໂມສອນ ແລະ ທີມຊາດສະເປນ.

 

ຫຼ້າສຸດມີລາຍງານວ່າ ເປເຣດ ກຳລັງພິຈາລະນາຕັດ ຣາມອສ ຫາກວ່າມີຂໍ້ສະເໜີທີ່ໜ້າພໍໃຈເຂົ້າມາໂດຍໃນຂະນະນີ້ທັງ ເຊວຊີ ແລະ ຢູເວັນຕຸດ ແຊມ ກັນໂຊ ຊີຣີ ອາ ກຳລັງໃຫ້ຄວາມສົນໃຈໃນໂຕນັກເຕະຢູ່.

 

ບົດຄວາມໃຫມ່ໆ