ພົບແລ້ວເຮືອບິນມຽນມາ ຜູ່ສື່ຂ່າວຄາດຜູ່ໂດຍສານດັບຍົກລຳກາງທະເລອັນດາມັນ

 

ບີບີຊີລາຍງານວ່າ ຫຼັງຈາກທີ່ເກີດເຫດເຮືອບິນກອງທັບມຽນມາຂາດກັນຕິດຕໍ່ໄປ ໂດຍມີລູກເຮືອ ແລະ ຜູ່ໂດຍສານຢູ່ເທິງຍົນລວມ 122 ຊີວິດ ຫຼ້າສຸດ ກອງທັບມຽນມາໄດ້ອອກມາເປີດເຜີຍວ່າພົບເສດຊາກຊິ້ນສ່ວນເຮືອບິນຢູ່ກາງທະເລອັນດາມັນ ນອກຈາກນີ້ຍັງພົບສົບຜູ່ໂດຍສານແລ້ວ.

ເຮືອບິນດັ່ງກ່າວເປັນເຮືອບິນລຳລຽງອະເນກປະສົງລຸ່ນ ວາຍ-8 ທີ່ຜະລິດຂຶ້ນໂດຍປະເທດຈີນ ໂດຍບັນທຸກລູກເຮືອ 14 ຄົນ ນອກຈາກນີ້ຍັງມີທະຫານ ແລະ ສະມາຊິກຄອບຄົວອີກ 106 ຄົນເຊິ່ງມີເດັກນ້ອຍພ້ອມ ໂດຍເດີນທາງອອກຈາກເມືອງມະຣິດເມື່ອເວລາ 13.06 ໄປນະຄອນຫຼວງຍ່າງກຸ້ງຂອງມຽນມາ ແລະ ຂາດການຕິດຕໍ່ຂະນະບິນຢູ່ເໜືອທະເລອັນດາມັນ ຫ່າງຈາກເມືອງທວາຍປະມານ 32 ກິໂລແມັດ.

ທາງດ້ານທີມຄົ້ນຫາຂອງກອງທັບລະບຸວ່າ ຈາກການຄົ້ນຫາໃນຊ່ວງເຊົ້າຂອງມື້ນີ້ພົບສົບຜູ່ເສຍຊີວິດທັງຍິງ-ຊາຍ ແລະ ເດັກລວມທັງພົບກັບເສດລໍ້, ເສື້ອຊູຊີບ ແລະ ສຳພາລະບາງສ່ວນ ຢ່າງໃດກໍຕາມຍັງພົບຊິ້ນສ່ວນສຳຄັນເຮືອບິນ.

ຜູ່ສື່ຂ່າວຂອງບີບີຊີລາຍງານວ່າ ຄາດວ່າຜູ່ໂດຍສານທັງໝົດໜ້າຈະເສຍຊີວິດແລ້ວ ເຊິ່ງຖືເປັນໂສກຄະນາຕະກຳທາງອາກາດທີ່ສະຫຼົດທີ່ສຸດ.

ຢ່າງໃດກໍຕາມ ສຳລັບສາເຫດໃນການເກີດອຸບັດຕິເຫດຄັ້ງນີ້ຍັງບໍ່ຊັດເຈນ ເນື່ອງຈາກວ່າສະພາບອາກາດຂະນະທີ່ເຮືອບິນໆອອກໄປກໍຢູ່ໃນສະພາວະປົກກະຕິ.