ພົບຜູ້ຕິດເຊື້ອພະຍາດໂປລີໂອຢູ່ ມາລີ

ຕາມ​ຂ່າວ ຕ່າງປະ​ເທດ, ​ວັນ​ທີ 8 ກັນຍາ ປີ 2015, ເຈົ້າ​ໜ້າ​ທ່ີ ອົງການ​ ອະນາ​ໄມ​ໂລກ ​ໃຫ້​ຮູ້​ວ່າ: ກວດພົບ​ຜູ້​ຕິດ ​ເຊື້ອພະຍາດ ​ໂປ​ລີ​ໂອ ຢູ່​ທາງ​ພາກ ຕາ​ເວັນ​ຕົກ ປະ​ເທດ​ມ​າລີ ຂອງ​ອາ​ຟຣິກກາ ຊຶ່ງ​​ແມ່ນ ​​ເດັກນ້ອຍ ​ແລະ ​ເປັນ​ຜູ້​ທຳ​ອິດ ​ໃນ​​ຮອບ 4 ປີຜ່ານ​ມາ.

ກ່ອນ​ໜ້າ​ນີ້ ອົງການ ​ອະນາ​ໄມ​ໂລກ(WHO) ພະຍາຍາມ ​ລົບ​ລ້າງ ພະຍາດ​ນີ້​ ແຕ່​ເມື່ອ​ບໍ່​ດົນ​ມາ​ນີ້ ​ເຈົ້າ​ໜ້າ​ທ່ີ​ ກ່ຽວຂ້ອງ ຂອງ ​WHO ​ໄດ້​ຢືນຢັນ​ວ່າ ກວດ​ພົບ ​ຄົນ​ເປັນ​ພະຍາດ ​ໂປ​ລີ​ໂອ 2 ຄົນ ຢູ່​ປະ​ເທດ ອູ​ແກຣນ.

     ທ່ານ ຄໍຣຣີ ກູ​ອີ​ຢາດ ​ໂຄສົກ​ຂອງ​ ອົງການ​ ອະນາ​ໄມ​ໂລກ ​​ກ່າວວ່າ ປະ​ເທດ​ມາລີ ​ແລະ ກີ​ນີ ອາດ​ຈະ ມີ​ຄວາມ​ສ່ຽງ​ສູງ ກ່ຽວກັບ ການ​ແຜ່​ລະບາດ ​ຂອງ​ເຊື້ອ​ພະຍາດ ​ໂປ​ລີ​ໂອ ຄັ້ງ​ໃໝ່  ເນື່ອງ​ຈາກ ​​ບັນດາ ​ປະ​ເທດ​ນີ້ ບໍ່​ມີ​ການ​ປຸກລະດົມ​ ​ໃຫ້​ສັກ​ຢາ​ ປ້ອງ​ກັນ​ ພະຍາດ ​ໂປ​ລີ​ໂອ. ນອກຈາກ​ນັ້ນ, ຍັງ​ກວດ​ພົບ ຄົນ​ເປັນ ​ພະຍາດໂປ​ລີ​ໂອ ຜູ້​ໃໝ່ 2 ຄົນ ຈາກ​ ປະ​ເທດ​ ປາ​ກິດ​ສະຖານ ​ແລະ ອາ​ຟະກາ​ນິດ​ສະຖານ.

……………………………………………………………………………………………………………………..