ພຸງ​ຢືດ​! ສັນຍາ​ນອັນຕະລາຍ​ຂອງ​ຊາຍ​ໜຸ່ມ​ Belly Off !

ຂຶ້ນ​ຊື່​ວ່າ​ ຕຸ້ຍ​' ກໍ​ບໍ່​ໄດ້​ສົ່ງ​ຜົນລົ​ບ​ສະເໝີ​ໄປ​ ຊ່ວງ​ນີ້​ຫຼາຍ​ຄົົນທີ່​ນ້ຳ​ໜັກ​ເພີ່ມ​ເພາະ​ບໍ່​ອອກ​ກຳ​ລັງ​ກາຍ​ຫາ​ຄວາມ​ມັກ​ເຮັດດ້ວຍ​ການ​ຫາ​ຕົວ​ຢ່າງ​ຮູບ​ຮ່າງ​ຂອງ​ PSY ເຈົ້າ​ຂອງ​ເພງ​ແລະ​ທ່າ​ເຕັ້ນ​ກັງ​ນຳ​ສະໄຕຮທີ່ສ້າງ​ລາຍ​ໄດ້​ເຂົ້າ​ກະ​ເປົາ​ກວ່າ​ 10 ລ້ານ​ຫຼຽນ​ ແລະ​ຫລາຍ​ຂຶ້ນ​ເລື້ອຍ​ໆ​ມາ​ອ້າງ.​

ຄວາມຕຸ້ຍບໍ່​ມີ​ບັນຫາ​ຖ້າ​ຮູບ​ຮ່າງ​ຂອງ​ເຮົາ​ຍັງ​ສົມ​ສ່ວນ​ຢູ່ແຕ່​ຖ້າ​ເປັນ ‘ຕຸ້ຍ​ແບບ​ລົງ​ພຸງ​' ກໍ່​ຄົງ​ຕ້ອງ​ກັບ​ມາ​ພິຈາລະນາ​ຕົວ​ເອງ​ດ້ວຍ​ວ່າ​ເຖິງ​ຂັ້ນ​ສຸກ​ເສີນ​ຫລື​ບໍ​ ເພາະ​ຍິ່ງ​ພຸງ​ຢືດ​ຫລາຍ​ເທົ່າໃດ​ ກໍ່ແຮງສ່ຽງ​ຕາຍ​ເທົ່າ​ນັ້ນ.

ກະ​ຕິ​ກາ​ ຕຸ້ຍ​ແບບ​ລົງ​ພຸງ​'

ຄົົນທີ່​ຕຸ້ຍ​ລົງ​ພຸງ​ນັ້ນ​ເກີດ​ຈາກ​ການ​ມີ​ໄຂ​ມັນ​ສະ​ສົມ​ໃນ​ບໍລິເວນທ້ອງ​ປະລິມານ​ຫລາຍກວ່າ​ຄົນ​ປົກກະຕິ​ ແຮງ​ມີ​ເສັ້ນ​ອ້ອມ​ແອວ​ຫລາຍ​ເທົ່າ​ໃດ​ ໄຂ​ມັນ​ຍິ່ງສະ​ສົມ​ໃນ​ບໍລິເວນທ້ອງ​ຫລາຍ​ເທົ່າ​ນັ້ນ​ ແລະ​ໄຂ​ມັນ​ທີ່​ສະ​ສົມ​ນີ້​ຈະ​ແຕກ​ຕົວ​ເປັນ​ກົດ​ໄຂ​ມັນ​ອິດສະຫລະ​ເຂົ້າ​ສູ່​ຕັບ​ ມີ​ຜົນ​ໃຫ້​ອິນ​ຊູ​ລິນ​ອອກ​ລິດ​ໄດ້​ບໍ່​ດີ​ ເກີດ​ເປັນ​ ‘ພາ​ວະ​ພະຍາດ​ຕຸ້ຍ​ລົງ​ພຸງ​' ຕົ້ນ​ເຫດ​ຂອງ​ພະຍາດ​ຊຳເຮື້ອ​ຕ່າງ​ໆ​ເຊັ່ນ​ ນ້ຳ​ຕານ​ໃນ​ເລືອດ​ສູງ​, ຄວາມ​ດັນ​ເລືອດ​ສູງ​, ພະຍາດ​ໄຂ​ມັນ​ໃນ​ເລືອດ​ສູງ,​ ພະຍາດ​ເບົາ​ຫວານ,​ ພະຍາດ​ຫຼອດ​ເລືອດ​ຫົວ​ໃຈ,​ ພະຍາດ​ຫຼອດ​ເລືອດ​ສະ ຫມອງ,​ ປວດ​ຕາມ​ຂໍ້,​ ໄຂ​ມັນ​ເກາະ​ຕັບ.​

ໂດຍ​ອ້ອມ​ແອວ​ຫລາຍກວ່າ​ຫລື​ເທົ່າ​ກັບ​ 90 ຊັງຕິ​ແມັດ​ໃນ​ຊາຍ​ ແລະ​ອ້ອມ​ແອວ​ຫລາຍກວ່າ​ຫລື​ເທົ່າ​ກັບ​ 80 ຊັງ​ຕິ​ແມັດ​ໃນ​ຊາວ​ເອ​ເຊຍ​ ບວກ​ກັບ​ອີກ​ 2 ໃນ​ 4 ຂໍ້​ຕໍ່ໄປ​ນີ້​ເປັນ​ສັນຍາ​ນທີ່​ຕ້ອງ​ລະ​ວັງ​ຢ່າງ​ຈິງ​ຈັງ​ແລະ​ຈະ​ໄດ້ຮັບ​ການ​ພິຈາລະນາ​ວ່າ​ເປັນ​ພະຍາດ​ຕຸ້ຍ​ລົງ​ພຸງ​ ຄວນ​ຈະ​ມີ​ການ​ປັບ​ປ່ຽນ​ພຶດຕິກຳ​ການ​ກິນ​ອາຫານ​ ເພີ່ມ​ການ​ອອກ​ກຳ​ລັງ​ກາຍ​ແລະ​ຫຼຸດ​ນ້ຳ​ໜັກ​ລົງ​ຢ່າງ​ນ້ອຍ​ຮ້ອຍ​ລະ​ 7 ຈາກ​ນ້ຳ​ໜັກ​ຕົວ​ ທັງ​ໝົດ​ນີ້​ກໍ່ເພື່ອລົດຄວາມ​ສ່ຽງ​ຕໍ່​ການ​ເກີດ​ພະຍາດ​ເບົາ​ຫວານ​ໃນ​ອະນາຄົດ​ ເພື່ອ​ຕົວ​ເຈົ້າ​ທັງ​ນັ້ນ​ !

ສາ​ເຫດ​ຂອງ​ການ​ເປັນ​ພະຍາດຕຸ້ຍ​ ແພດ​​ບອກ​ວ່າ​ເກີດ​ໄດ້​ຈາກ​ຫຼາຍ​ປັດ​ໄຈ​ໄດ້​ແກ່​ ພະ ຍາດຕຸ້ຍ​ທີ່​ເກີດ​ຈາກ​ກຳມະພັນຫລື​ຢີນ​ບາງ​ຊະນິດ​ທີ່​ຜິດ​ປົກກະຕິ​ຫລື​ຈາກ​ພຶດຕິກຳ​ການ​ກິນ​ ເຊັ່ນ​ ການ​ກິນ​ອາຫານ​ທີ່​ມີ​ໄຂ​ມັນ​ສູງ​, ອາຫານ​ທີ່​ມີ​ກາກ​ອາຫານ​ຕ່ຳ​, ຟາດ​​ຟູ້ດ,​ ຂະໜົມ​ກິນຫຼີ້ນຕ່າງໆ,​ ນ້ຳ​ອັດ​ລົມ​ແລະ​ພຶດຕິກຳ​ການ​ອອກ​ກຳ​ລັງ​ກາຍ​ທີ່​ນ້ອຍ​ລົງ​ ສ່ວນ​ອີກ​ໜຶ່ງ​ສາ​ເຫດ​ກໍ່​ມາ​ຈາກ​ພະຍາດເຊັ່ນ​ ໄທ​ຮອຍ​​ເຮັດວຽກ​ຕ່ຳ​, ການ​ຮັບ​ຢາສະໝຸນ​ໄພ​ທີ່​ມີ​ສ່ວນ​ປະກອບ​ຂອງ​ສານ​ສ​ະເຕຍ​ຮອຍ​ເລື້ອຍໆ​ ພະຍາດ​ທີ່​ຮໍ​​ໂມນ​ການ​ຈະເລີນ​ເຕີບໃຫຍ່​ເຮັດວຽກ​ຕ່ຳ​ແລະ​ໂດຍ​ທົ່ວ​ໄປ​ຈະ​ພົບ​ວ່າ​ສ່ວນ​ໃຫຍ່​ຜູ້ຍິງ​ຈະ​ຕຸ້ຍ​ງ່າຍ​ກວ່າຜູ້ຊາຍແລະ​ອາ​ຍຸ​ທີ່​ຕຸ້ຍ​ຫລາຍ​ທີ່ສຸດ​ຈະ​ຢູ່ໃນ​ລະຫວ່າງ​ຊ່ວງ​ 45-49 ປີ​.

ພະ​ນັກ​ງານ​ອັອບ​ຟິດ​ຕ້ອງ​ລະ​ວັງ​

ຜູ້​ທີ່​ນັ່ງ​ເຮັດວຽກ​ຢູ່ໃນ​ອັອບ​ຟິດ​ເປັນ​ເວລາ​ດົນ​ໆ​ ບໍ່​ຄ່ອຍ​ໄດ້​ເຄື່ອນ​ໄຫວ​ຮ່າງກາຍ​ຫລື​ໃຊ້​ພະ ລັງ​ງານ​ຫລາຍ​ກໍ່ເຮັດໃຫ້​ລະບົບ​ເຜົາ​ຜານ​ເຮັດວຽກ​ຕ່ຳ​ ຕຸ້ຍ​ລົງ​ພຸງ​ໄດ້​ງ່າຍ​ ມີ​ໄຂ​ມັນ​ສະ​ສົມ​ຫລາຍກວ່າ​ຄົນ​ປົກກະຕິ​ ນອກ​ຈາກ​ນີ້​ການ​ຊີ້​ວັດ​ຄວາມ​ຕຸ້ຍ​ຈະ​ເບິ່ງ​ທີ່​ດັດຊະ​ນີມ​ວນ​ກາຍ​ ມາດຕະຖານ​ຂອງ​ຄົນ​ເອ​ເຊຍ​ທີ່​ມີ​ນ້ຳ​ໜັກ​ເກີນ​ຈະ​ມີ​ດັດຊະ​ນີມ​ວນ​ກາຍ​ຫລາຍກວ່າ​ຫລື​ເທົ່າ​ກັບ​ 23 ກິ​ໂລ​ກຮາມ​ແລະ​ຫລາຍກວ່າ​ຫລື​ເທົ່າ​ກັບ​ 25 ກິ​ໂລ​ກຮາມ​​ ສຳລັບ​ພະຍາດຕຸ້ຍ ໃນ​ປະຈຸບັນ​ຍັງ​ສາມາດ​ໃຊ້​ວິທີ​ເຈາະ​ເລືອດ​ກວດ​ໄຂ​ມັນ​ແລະ​ໃຊ້​ເຄື່ອງ​ມື​ທັນ​ສະໄໝຄື​ເຄື່ອງ​ Bioelectrical Impedance Analysis ເຂົ້າ​ມາ​ຊ່ວຍ​.

ແລະ​ທີ່​ບອກ​ວ່າ​ສ່ຽງ​ອັນຕະລາຍ​ເຖິງ​ຕາຍ​ ເປັນ​ເພາະ​ຫາກ​ຄົນ​ເຮົາ​ມີ​ໄຂ​ມັນ​ສະ​ສົມ​ໃນ​ບໍລິເວນທ້ອງ​ຫລາຍ​ນັ້ນ​ຈະ​ສົ່ງ​ຜົນ​ເສຍ​ຕໍ່​ຮ່າງກາຍ​ ເຮັດໃຫ້​ເກີດ​ພາ​ວະ​ດື້​ຕໍ່​ອິນ​ຊູ​ລິນ​ ສົ່ງ​ຜົນ​ໃຫ້​ຕັບ​ມີ​ການສ້າງ​ນ້ຳ​ຕານ​ກູໂຄດ​ເພີ່ມ​ຫລາຍ​ຂຶ້ນ​ ເບ​ຕ້າ​ເຊວຂອງ​ຕັບ​ອ່ອນ​ຖືກ​ທຳ ລາຍ​ແລະ​ລະ​ດັບ​ນ້ຳ​ຕານ​ໃນ​ເລືອດ​ສູງ​ຕາມ​ມາ​ ນຳ​ໄປ​ສູ່​ການ​ເປັນ​ພະຍາດ​ເບົາ​ຫວານ​ ພາ​ວະ​ໄຂ​ມັນ​ໃນ​ເລືອດ​ທີ່​ສູງ​ຂຶ້ນ​ຈະ​ເຮັດໃຫ້​ເກີດ​ກ້ອນ​ໄຂ​ມັນ​ ນຳ​ໄປ​ສູ່​ການ​ເກີດ​ຫຼອດ​ເລືອດ​ອຸດ​ຕັນ​ ສ່ຽງ​ຕໍ່​ພະຍາດ​ອຳມະພຶກອຳມະພາດ.​

========================================================================================================