ພິດໄພໜາວ ສັດໃຫຍ່ໃນແຂວງ ພາກເໜືອຕາຍແລ້ວເກືອບ 30 ໂຕ

 

ຈາກ​ສະ­ພາບ​ອາ­ກາດ​ໃນ​ຂອບ​ເຂດທົ່ວ​ປະ­ເທດ​ໜາວ​ເຢັນ​ເຖິງ​ໜາວ​ຈັດ​ໃນ ໄລ­ຍະ 2-3 ວັນ​ຜ່ານ​ມາໂດຍ​ສະ­ເພາະທາງ​ພາກ​ເໜືອ​ຂອງ​ລາວ, ຊຶ່ງ​ເຮັດ​ໃຫ້​ສັດລ້ຽງ (ງົວ, ຄວາຍ, ໝູ ແລະ​ປາ) ຂອງ​ພໍ່​ແມ່​ປະ­ຊາ­ຊົນ​ບັນ­ດາ­ເຜົ່າ​ເກີດ​ລົ້ມ​ຕາຍ, ມາ​ຮອດ​ປະ­ຈຸ​ບັນ​ສາ­ມາດ​ສະ­ຫຼຸບ​ຕົວ​ເລກ ຈຳ­ນວນ​ສັດ​ຕາຍ​ໄດ້​ແລ້ວ​ເປັນ​ບາງ​ຂົງ ເຂດ ໃນ​ນີ້, ສະ­ເພາະ​ສອງ​ແຂວງ​ຊຽງ ຂວາງ ແລະ​ແຂວງ​ຫົວ­ພັນ​ມີ​ສັດ​ລົ້ມ​ຕາຍ ລວມ​ກັນ 27 ໂຕ, ໃນ​ນີ້ ຕາຍ​ຫຼາຍ​ກວ່າ​ໝູ່​ແມ່ນ​ຢູ່​ເມືອງ​ຊຳ​ເໜືອ.

   ຕາມ​ການ​ລາຍ​ງານ​ຈາກ​ພະ­ນັກ­ງານ ວິ­ທະ­ຍຸ​ແຂວງ​ຫົວ­ພັນ​ຕໍ່​ນັກ​ຂ່າວ​ໜັງ­ສື­ພິມພວກ​ເຮົາ​ໃນ​ຕອນ​ແລງ​ວັນ​ທີ 26 ມັງ­ກອນຜ່ານ​ມາ​ຮູ້​ວ່າ: ສະ­ພາບ​ອາ­ກາດ​ຢູ່​ແຂວງ ຮອດ​ວັນ​ທີ 26 ມັງ­ກອນ 2016 ຍັງ​ຄົງສືບ­ຕໍ່​ໜາວ​ເຢັນ ແລະ​ມີ​ຝົນ­ຕົກ​ໃນ​ລະ­ດັບຄ່ອຍ​ຢູ່​ຕະ­ຫຼອດ, ວັດ­ແທກ​ອຸນ­ຫະ­ພູມ​ປະ ມານ 1 ອົງ­ສາ, ສ່ວນ​ສັດ­ລ້ຽງ​ຂອງ​ພໍ່​ແມ່ປະ­ຊາ­ຊົນ​ບັນ­ດາ­ເຜົ່າ​ທີ່​ລົ້ມ​ຕາຍ​ນັ້ນສາມາດ​ສັງ​ລວມ​ໄດ້​ແລ້ວ​ໃນ​ບາງ​ເຂດ​ທີ່​ເມືອງລາຍ​ງານ​ເຊັ່ນ: ເມືອງ​ຫົວ​ເມືອງ​ມີ​ສັດ​ຕາຍ ທັງ​ໝົດ 4 ໂຕ, ໃນ​ນີ້ ມີ​ຄວາຍ 3 ແລະ ງົວ 1 ໂຕ, ເມືອງ​ຊຳ​ເໜືອ​ຕາຍ 14 ໂຕ, ໃນ​ນີ້​ມີ​ງົວ 5 ໂຕ, ທີ່​ເຫຼືອ​ແມ່ນ​ຄວາຍ, ສັງ ລວມ​ແລ້ວ​ທີ່​ແຂວງ​ຫົວ­ພັນ​ສັດ­ລ້ຽງ​ປະ ເພດ​ຄວາຍ,ງົວ​ຕາຍ​ແລ້ວ​ທັງ​ໝົດ 18 ໂຕ.

   ໃນ​ມື້​ດຽວ​ກັນ ນັກ​ຂ່າວ​ໜັງ­ສື­ພິມ​ພວກເຮົາ​ກໍ​ໄດ້​ສອບ​ຖາມ​ໄປ​ຍັງ​ທ່ານ ຄຳ​ໄພພົມ​ມະ​ວົງ ຮອງ​ຫົວ­ໜ້າ​ຂະ­ແໜງ​ລ້ຽງ­ສັດ ແຂວງ​ຊຽງ​ຂວາງ ຊຶ່ງ​ສະ­ພາບ​ອາ­ກາດ ຍັງ​ສືບ­ຕໍ່​ໜາວ ແລະ​ຝົນ​ກໍ​ຍັງ​ຕົກ​ໃນ​ລະ­ດັບ ຄ່ອຍ​ຕໍ່​ເນື່ອງ, ອຸນ­ຫະ­ພູມ​ວັດ​ໄດ້​ປະ­ມານ 7-8 ອົງ­ສາ, ງົວ, ຄວາຍ ຂອງ​ພໍ່​ແມ່​ປະ ຊາ​ຊົນ​ບັນ­ດາ­ເຜົ່າ​ລົ້ມ​ຕາຍ ຊຶ່ງ​ເລີ່ມ​ແຕ່​ວັນ ທີ 24 ມັງ­ກອນ​ເປັນ­ຕົ້ນ​ມາ​ຮອດ​ວັນ​ທີ 26 ຂອງ​ເດືອນ​ດຽວ​ກັນ​ມີ​ສັດ​ຕາຍ​ທັງ​ໝົດ 7 ໂຕ ແລະ​ໝູ ອີກ 2 ໂຕ, ຈຳ­ນວນ​ສັດ​ທີ່​ຕາຍ​ທັງ​ໝົດ​ແມ່ນ​ຢູ່​ເມືອງ​ໜອງ​ແຮດ.

   ສ່ວນ​ແຂວງ​ຜົ້ງ​ສາ­ລີ​ມີ​ຂ່າວ​ສັດ​ລົ້ມ ຕາຍ​ເຊັ່ນ​ດຽວ​ກັນ ແຕ່​ທັງ​ນີ້​ສື່​ພວກ​ເຮົາ​ກໍ​ຍັງ​ບໍ່​ທັນ​ໄດ້​ຮັບ​ລາຍ​ງານ​ການ​ຕາຍ​ຂອງ​ສັດ​ຈາກ​ພະ­ນັກ­ງານ​ກ່ຽວ­ຂ້ອງ​ຢູ່​ແຂວງ ດັ່ງ­ກ່າວ​ເທື່ອ.

    ຂະ­ນະ​ທີ່​ແຂວງ​ຫຼວງ​ນ້ຳ​ທາ ແລະ​ແຂວງອຸ­ດົມ​ໄຊ ຊຶ່ງ​ມີ​ອາ­ກາດ​ໜາວ​ຈັດ​ເຊັ່ນ​ກັນ ແຕ່​ຍັງ​ບໍ່​ມີ​ລາຍ​ງານ​ກ່ຽວ​ກັບ​ສັດ​ຕາຍ​ເທື່ອ,ຊຶ່ງ​ຄວາມ​ໜາວ​ຢູ່​ແຂວງ​ຫຼວງ​ນ້ຳ​ທາ​ວັດ ອຸນ­ຫະ­ພູມ​ໄດ້​ປະ­ມານ 5 ອົງ­ສາ, ຂະ­ນະ​ທີ່ ແຂວງ​ອຸ­ດົມ​ໄຊ ແມ່ນ​ມີ​ຄວາມ​ໜາວ​ເຢັນ -1 ອົງ­ສາ.

    ແນວ­ໃດ​ກໍ​ດີ ຕໍ່​ກັບ​ສະ­ພາບ​ອາ­ກາດ ໜາວ​ເຢັນ​ແບບ​ນີ້ ພໍ່​ແມ່​ປະ­ຊາ­ຊົນ​ຄົນ​ລາວ ທຸກ​ຖ້ວນ​ໜ້າ​ກໍ​ບໍ່​ໄດ້​ນິ້ງ​ເສີຍ ໂດຍ​ໄດ້​ນຳເອົາ​ເຄື່ອງ​ກັນ​ໜາວ​ມາ​ຊ່ວຍ­ເຫຼືອ​ຜູ້​ໄດ້​ຮັບໄພ​ໜາວ​ໂດຍ​ສະ­ເພາະ​ຜູ້​ທີ່​ອາ​ໃສ​ຢູ່​ເຂດ ພາກ​ເໜືອ, ຫຼ້າ​ສຸດ ບໍ­ລິ­ສັດ​ການ​ລົງ­ທຶນ​ຢາງພາ­ລາ​ແຂວງ​ຢຸນ​ນານ ສປ ຈີນ ຊຶ່ງ​ປະ ກອບ​ມີ 28 ກຸ່ມ​ບໍ­ລິ­ສັດ​ພັດ­ທະ­ນາ​ກະ­ສິ­ກຳ ແຂວງ​ຢຸນ​ນານ ໄດ້​ສົມ­ທົບ​ກັນ​ຈັດ​ຕັ້ງ​ລະ ດົມ​ເຄື່ອງ­ນຸ່ງ​ຫົ່ມ​ມາ​ຊ່ວຍ­ເຫຼືອ​ພໍ່​ແມ່​ປະຊາ​ຊົນ​ບັນ­ດາ­ເຜົ່າ 2 ບ້ານ ຂອງ​ເມືອງແລະ​ແຂວງ​ຫຼວງ​ນ້ຳ​ທາ, ໂດຍ​ເຄື່ອງ​ທີ່​ນຳ ມາ​ມອບ​ປະ­ກອບ​ມີ ໂສ້ງ, ເສື້ອ​ກັນ​ໜາວ, ຜ້າ​ຮົ່ມ ແລະ​ເກີບ​ທັງ​ໝົດ 10.388 ຜືນ, ລວມ​ເປັນ​ມູນ​ຄ່າ 30 ລ້ານ​ກີບ

ຂໍ້​ມູນ​ລາຍ​ງານ​ຂອງ​ນັກ​ຂ່າວ​ປະ­ຈຳ​ແຂວງ​ດັ່ງ­ກ່າວ.

 

ທີ່ມາ: www.sedthakid.la