ພິກລັອກນາດາວຕົກຮອບ-ໂນເລຍັງສະບາຍເຂົ້າຮອບ 8 ຄົນ

 

ຣາຟາເອວ ນາດາວ ນັກເທັນນິດເລືອດກະທິງພິກລັອກຕົກຮອບ 4 ລາຍການເທັນນິດ ແກຣນສະແລມ ຢູເອສ ໂອເພັນ 2016 ແບບໜ້າຕົກໃຈຫຼັງຈາກທີ່ເສຍໃຫ້ກັບ ລູຄັສ ປູອິວ ຄູ່ແຂ່ງຈາກຝຣັ່ງ 2-3 ເຊັດຂະນະທີ່ ໂນວັກ ໂຢໂຄວິກ ນັກຫວດເລືອດເຊີບເຂົ້າຮອບ 8 ຄົນສຸດທ້າຍແບບສະບາຍໆໂດຍການເອົາຊະນະ ຄາຍ ເອັດມັນ ຈາກສະຫະລາດຊະອານາຈັກ 3 ເຊັດລວດເມື່ອວັນອາທິດທີ່ຜ່ານມາ.

 

ສະຫຼຸບຜົນການແຂ່ງຂັນເທັນນິດລາຍການ ແກຣນສະແລມ ຢູເອສ ໂອເພັນ 2016 ຊິງເງິນລາງວັນລວມ 36,324,000 ໂດລາສະຫະລັດທີ່ນະຄອນນິວຢອກປະເທດອາເມລິກາເມື່ອວັນອາທິດທີ່ຜ່ານມາ.

 

ປະເພດຊາຍດ່ຽວຮອບ 4

ໂນວັກ ໂຢໂຄວິກ ຊະນະ ຄາຍ ເອັດມັນ 3-0 ເຊັດ 6-2,6-1,6-4.

ໂຈ-ວິວຟຣິດ ຊອງກາ ຊະນະ ແຈັກ ຊັອກ 3-1 ເຊັດ 6-3,6-3,6-7(7-9),6-2.

ກາເອວ ມອງຟິນ ຊະນະ ມາກອສ ແບັກດາຕິສ 3-0 ເຊັດ 6-3,6-2,6-3.

ລູຄັສ ປູອິວ ຊະນະ ຣາຟາເອວ ນາດາວ 3-2 ເຊັດ 6-1,2-6,6-4,3-6,7-6(8-6).