ພິກ!!!ອິສໂກຫວັງເຊັນສັນຍາຢູ່ຍາວກັບຊຸດຂາວຕໍ່

 

ສະຖານະການພິກຜັນ ເມື່ອຫຼ້າສຸດ ອິສໂກ ມິດຟິວຂອງ ເຣອັນ ມາດຣິດ ລະບຸເອງວ່າຫວັງທີ່ຈະໄດ້ເຊັນສັນຍາສະບັບໃໝ່ກັບທີມ ເຜີຍວ່າແຮັບປີສຸດໆທີ່ຕອນນີ້ໄດ້ຮັບໂອກາດໂຊຄວາມສາມາດຢ່າງຕໍ່ເນື່ອງ.

 

ອິສໂກ ກອງກາງເລືອດກະທິງຂອງ ເຣອັນ ມາດຣິດ ສະໂມສອນຍັກໃຫຍ່ຂອງ ລາ ລີກາ ສະເປນເປີດເຜີຍວ່າຕົນເອງຄາດຫວັງທີ່ຈະໄດ້ເຊັນສັນຍາສະບັບໃໝ່ກັບຕົ້ນສັງກັດ ເຖິງວ່າກ່ອນໜ້ານີ້ມີຂ່າວວ່າກຽມຍ້າຍໄປຫຼິ້ນໃນ ພຣີເມຍລີກ ກໍຕາມ.

 

ກ່ອນໜ້ານີ້ມີກະແສຂ່າວວ່າ ອິສໂກ ກຽມທີ່ຈະປະຕິເສດຂໍ້ສະເໜີສັນຍາສະບັບໃໝ່ຈາກຕົ້ນສັງກັດ ເພາະບໍ່ຢາກເປັນຕົວສຳຮອງໃນຖິ່ນ ຊານຕິເອໂກ ເບີນາເບວ ໂດຍເຊື່ອກັນວ່າເຂົາກຳລັງໄດ້ຮັບຄວາມສົນໃຈຈາກ ທັອດແນມ ຮັອດສະເປີ ແລະ ແມນເຊສເຕີ ຢູໄນເຕັດ.

 

ຢ່າງໃດກໍຕາມຫຼ້າສຸດດາວເຕະທີມຊາດສະເປນ 24 ປີເຊິ່ງໄດ້ລົງສະໜາມເປັນຕົວຈິງໃນເກມດາບີເມືອງມາດຣິດທີ່ “ລາຊາຊຸດຂາວ” ບຸກຊະນະ ແອັດເລຕິໂກ ມາດຣິດ 3-0 ເມື່ອວັນເສົາທີ່ຜ່ານມານັ້ນ ລະບຸວ່າຢາກຈະຢູ່ຫຼິ້ນໃຫ້ ເຣອັນ ມາດຣິດ ຕໍ່ໄປ.

 

“ຂ້ອຍຍັງເຫຼືອສັນຍາຢູ່ກັບທີ່ນີ້ເຊິ່ງທັງສະໂມສອນ ແລະ ໂຕຂ້ອຍເອງກໍເບິ່ງໄປໃນທິດທາງດຽວກັນ ເຮົາຫວັງວ່າທຸກຢ່າງຈະຫາທາງອອກໄດ້ ຕອນນີ້ຂ້ອຍເລີ່ມໄດ້ລົງຫຼິ້ນຢ່າງຕໍ່ເນື່ອງແລ້ວ ແລະ ມີຄວາມສຸກທີ່ໄດ້ຊ່ວຍເຫຼືອທີມ” ອະດີດແຄ່ງ ມາລາກາ ກ່າວ.

 

ທັງນີ້ ອິສໂກ ລົງຫຼິ້ນໃຫ້ ເຣອັນ ມາດຣິດ ໄປແລ້ວທັງໝົດ 161 ນັດຍິງໄດ້ 24 ປະຕູນັບຕັ້ງແຕ່ຍ້າຍມາຈາກ ມາລາກາ ເມື່ອຊ່ວງຊຳເມີປີ 2013.

 

ບົດຄວາມໃຫມ່ໆ