ພະຍາຍາມລັກຊັບພົນລະເມືອງແຕ່ບໍ່ສໍາເລັດ

ໃນວັນທີ 12 ມິຖຸນາ 2018 ນີ້ ເຈົ້າໜ້າທີ່ພະແນກສືບສວນ­ສືບສວນ ປກສ ແຂວງບໍ່ແກ້ວ ໄດ້ນໍາຕົວທ້າວອຸດອນ ຈະເລີນຜົນ ຫຼື ໂດ່ງ ອາຍຸ 21 ປີ ອາຊີບ ກຳມະກອນ ປະຈຸບັນຢູ່ບ້ານ ປ່າອ້ອຍ ເມືອງຫ້ວຍຊາຍ ແຂວງບໍ່ແກ້ວ ຜູ້ຖືກຫາຄະດີລັກຊັບ ແລະ ທຳຮ້າຍຮ່າງກາຍ ມາທຳແຜນປະກອບຄະດີຄືນໃໝ່

ໃນຄັ້ງວັນທີ 25 ພຶດສະພາ 2018 ເວລາປະມານ 03 ໂມງເຊົ້າ ຜູ້ກ່ຽວໄດ້ພະຍາຍາມໃຊ້ກະແຈໂຕT ທີ່ມີສົ້ນແຫຼມຄົມເຂົ້າໄປງັດປະຕູເຮືອນຄົວຂອງຄົນຈີນ ສັນຊາດຈີນ ທີ່ມາເຊົ່າເຮືອນຢູ່ຂອບເຂດບ້ານປ່າອ້ອຍ ເມືອງຫ້ວຍຊາຍ ແຂວງບໍ່ແກ້ວ ແຕ່ບໍ່ສໍາເລັດ ຈາກນັ້ນ, ຜູ້ກ່ຽວຈຶ່ງໄດ້ລອດປ່ອງປະຕູເຫຼັກເຂົ້າໄປ ພາຍຫຼັງເຂົາໄປແລ້ວກໍ່ໄດ້ພົບເຫັນນາງລົວຢີຟົງ ອາຍຸ 56 ປີ ສັນຊາດຈີນ ອາຊີບແມ່ເຮືອນ ຊ່ອງໄຟສາຍໃສ່ຜູ້ກ່ຽວ. ເມື່ອເຫັນແນວນັ້ນ, ຜູ້ກ່ຽວຈຶ່ງໄດ້ໃຊ້ກະແຈໂຕT ທີ່ຜູ້ກ່ຽວຖືຕິດຕົວໄປນໍາ ແທງເຂົ້າບໍລິເວນຮ່າງກາຍຂອງນາງ ລົວຢີຟົງ ແລ້ວກໍ່ຈັບເອົາຫົວຂອງນາງລົວຢີຟົງທຸບລົງໃສ່ຂອບພື້ນປະຕູ ຈົນເຮັດໃຫ້ນາງລົວຢີຟົງໄດ້ຮັບບາດເຈັບ ແລ້ວຜູ້ກ່ຽວກໍ່ໄດ້ເອົາຕົວຫຼົບໜີໄປ ຈົນຕົກມາຮອດວັນທີ 27 ພຶດສະພາ 2018 ທາງເຈົ້າໜ້າທີ່ຈຶ່ງສາມາດຈັບຕົວຜູ້ກ່ຽວໄດ້.

CR : tonamcha