ຜົນງານເທບ!!ເມັດຊີຮັບເກີບຄຳໄປນອນກອດ

 

ລີໂອເນວ ເມັດຊີ ກອງໜ້າ ບາເຊໂລນາ ໄດ້ເກີບຄຳໄປນອນກອດຮຽບຮ້ອຍຫຼັງຈາກທີ່ຖະຫຼຸງຕານ່າງໃນລີກເອີຣົບເມື່ອລະດູການທີ່ຜ່ານມາໄດ້ 37 ເມັດ.

 

ສະກາຍ ສະປອດ ລາຍງານຂ່າວເມື່ອວັນທີ 29 ທີ່ຜ່ານມາວ່າດາວເຕະຊາດອາເຈັນຕິນາໄດ້ຮັບລາງວັນດັ່ງກ່າວເປັນເທື່ອທີ 4 ແລ້ວ ແລະ ເປັນສະຖິຕິສູງສຸດຮ່ວມກັບ ຄຣິສຕຽນໂນ້ ໂຣເນົາໂດ້ ຫົວຫອກຂອງ ເຣອັນ ມາດຣິດ.

 

ທັງນີ້ລາງວັນເກີບຄຳຄິດແຕ້ມໂດຍຄຳນຶງເຖິງຄວາມແຂງແກ່ນຂອງແຕ່ລະລີກດ້ວຍເຊັ່ນກັນໂດຍ ເມັດຊີ ເຮັດແຕ້ມໄດ້ 74 ແຕ້ມຂະນະທີ່ ບາສ ດອສ ດາວຍິງຂອງ ສະປອດຕິ້ງ ລິສບ້ອນ ເຊິ່ງຍິງໄດ້ 34 ປະຕູເຂົ້າມາເປັນອັນດັບ 2 ໂດຍມີແຕ້ມ 68 ແຕ້ມ ສ່ວນອັນດັບ 3 ແມ່ນເປັນຂອງ ປິແອ-ເອເມິຣິກ ໂອບາເມຢອງ ກອງໜ້າຂອງ ໂບຣຸສເຊຍ ດອດມຸນ ຈາກຜົນງານ 31 ລູກ ແລະ 62 ແຕ້ມ.

 

ທາງດ້ານຂອງ ໂຣເນົາໂດ້ ທີ່ຍິງໃນ ລາ ລີກາ ລະດູການທີ່ຜ່ານມາໄດ້ 25 ລູກບໍ່ຕິດ 1 ໃນ 5 ອັນດັບຕົ້ນ.