ຜົນກະທົບຈາກການໃສ່ເກີບສົ້ນສູງ

ເກີບ​ສົ້ນ​ສູງ​ປຽບ​ເໝືອນ​ຕົວຊ່ວຍ​ເພີ່ມ​ຄວາມ​ສະ­ຫງ່າ​ງາມ ແລະ ສ້າງ​ຄວາມ​ໝັ້ນ​ໃຈ​ໃຫ້​ກັບ​ສາວໆແຕ່​ຮູ້ ຫຼື ບໍ່​ວ່າ­ການ​ໃສ່​ເກີບ​ສົ້ນ​ສູງເປັນ​ເວ­ລາ​ດົນໆ ແລະ​ ໃສ່​ເລື້ອຍໆ​ຈະ​ເຮັດ​ໃຫ້​ເປັນ​ອັນ­ຕະ­ລາຍ​ຕໍ່​ສຸ​ຂະພາບ​ຮ່າງ­ກາຍ​ໄດ້​ ເຊັ່ນ:

   1. ກ້າມ­ຊີ້ນ​ສົ້ນ​ນ່ອງ​ເອັນ​ຮ້ອຍຫວານ: ເພາະ​ໃນ​ຂະ­ນະ​ທີ່​ໃສ່​ເກີບສົ້ນ​ສູງ​ສາວໆ​ຕ້ອງ​ຢືນ​ຢູ່​ໃນ​ທ່າ​ບໍ່​ທ່ຽງ​ຊຶ່ງ​ຖ້າ​ຮ່າງ­ກາຍ​ຕ້ອງ​ຢູ່​ໃນທ່າ​ນີ້​ເປັນ​ເວ­ລາ​ດົນໆ​ຈະ​ເຮັດ​ໃຫ້ກ້າມ­ຊີ້ນ​ສົ້ນ​ນ່ອງ​ເອັນ​ເຄັ່ງ ແລະ ​ຫົດສັ້ນ ໂດຍ​ສັງ­ເກດ​ໄດ້​ຈາກ​ການປວດ​ສົ້ນ​ນ່ອງ​ຈາກ​ການ​ຍ່າງ.

   2. ໂຄງ​ສ້າງ​ຂອງ​ຕີນ: ເມື່ອກ້າມ­ຊີ້ນ​ເອັນ​ສົ້ນ​ນ່ອງ​ສັ້ນ​ຢູ່​ເລື້ອຍໆຈະ​ສົ່ງ​ຜົນ​ເສຍ​ຕໍ່​ໂຄງ​ ສ້າງ​ຂອງຕີນ​ໄດ້ເມື່ອ​ຢືນ​ດ້ວຍ​ຕີນ​ເປົ່າ​ຈະເຫັນ​ວ່າ​ຕີນ​ໃຫຍ່ ແລະ​ ເຮັດ​ໃຫ້​ເກີດອາ­ການ​ປວດ​ທີ່​ບໍ­ລິ­ເວນ​ອົ້ງ​ຕີນ.

   3. ກະ­ດູກ​ສັນ­ຫຼັງ: ການ​ໃສ່​ເກີບສົ້ນ​ສູງ​ຈະ​ເຮັດ​ໃຫ້​ປາຍ​ຕີນ​ສ່ວນ​ໜ້າ​ຕ້ອງ​ເຮັດ​ໜ້າ­ທີ່​ຮັບ​ ນ້ຳ­ໜັກຂອງ​ຮ່າງ­ກາຍ​ໄວ້​ເກືອບ​ທັງ​ໝົດ ເພື່ອ​ໃຫ້​ສາ­ມາດ​ຢຶດ​ຕົວ​ໃຫ້​ຕັ້ງ​ຊື່ ແລະ​ ຊົງ​ຕົວ​ໄດ້ໃນ​ຂະ­ນະ​ດຽວ​ກັນຮູບ​ຮ່າງ​ຂອງ​ຮ່າງ­ກາຍ​ກໍ​ຈະ​ປັບ​ໃຫ້​ອະ​ໄວ​ຍະ​ວະ​ສ່ວນ​ຫຼັງ​ບໍ­ລິ­ເວນເອວ​ແອ່ນ​ໄປ​ດ້ານ​ຫຼັງ​ຈົນ​ສົ່ງ​ຜົນ​ໃຫ້​ເກີດ​ ອາ­ການ​ຄຶງ​ຂອງ​ກ້າມ­ຊີ້ນຈົນ​ເຖິງ​ຂັ້ນ​ປວດ​ຫຼັງ​ໄດ້​ໃນ​ທີ່​ສຸດ.

 

ບົດຄວາມໃຫມ່ໆ