ຜູ້ນຳ ລັດເຊຍ ວາງກຳນົດ ບຸລິມະສິດ ເຂດຕາເວັນອອກໄກ

ຕາມ​ຂ່າວຕ່າງປະ​ເທດ, ວັນ​ທີ 4 ​ກັນ​ຍາ 2015 ທີ່​ຜ່ານ​ມາ, ປະທານາທິບໍດີ ລັດ​ເຊຍ ວາ​ລາ​ດີ​ເມຍ ປູ​ຕິນ ກ່າວ​ໃນ ​ວາລະ​ປະຊຸ​ມ ຄົບ​ຊຸດ ຂອງ ​ເວທີ​ປາ​ໄສ ​ເສດຖະກິດ ພາກ​ຕາ​ເວັນ​ອອກ ຊຶ່ງ​ພວມ​ຈັດ​ຂຶ້ນ​ ຢູ່ ເມືອງວາ​ລາ​ດີ​ ວ​ອສຕອກ (Vladivostok) ປະ​ເທດ​ ລັດ​ເຊຍ, ປະ​ເທດ​ນີ້ ​ໄດ້​ເປິ​ດກວ້າງ​ ບຸລິມະສິດ ​ເສດຖະກິດ​ເສລີ ​ແລະ ສ້າງ​ເງື່ອນ​ໄຂ​ ສະດວກຕ່າງໆ ​ຢ່າງດີ​ທ່ີ​ສຸດ ​ໃຫ້​ ບັນດາ​ນັກ​ລົງທຶນ​ ພາຍ​​ໃນ​ປະ​ເທດ ​ເພື່ອ​ເຂົ້າ​ໄປ ​ເຄື່ອນ​ໄຫວ ດຳ​ເນີນ​ທຸລະ​ກິດ ຢູ່​ເຂດ​ຕາ​ເວັນ​ອອກ​ໄກ ​ໃຫ້​ໄດ້​ຮັບ​ປະສິດທິ​ຜົນ​ຫລາຍ​ຂຶ້ນ ​ເພື່ອ​ອາດ​ຈະສາມາດ​ແກ່ງ​ແຍ່ງ  ກັບ ບັນດາ​ ສູນ​ເສດຖະກິດ ​ແຖວ​ໜ້າ​ ໃນ​ໂລກ.

            ທ່ານ ວາ​ລາ​ດີ​ເມຍ ປູ​ຕິນ ​ໄດ້​ຮຽກຮ້ອງ​ ບັນດາ​ ນັກ​ລົງທຶນ ຈາກ​ປະ​ເທດ​ຕ່າງໆ ​​ໃນພາກ​ພື້ນ ອາຊີ-ປາຊີ​ຟິກ ວ່າ, ລັດ​ຖະບານ​ ລັດ​ເຊຍ ຈະ​ເພີ່​ມທະວີ​ ຄວາມ​ພະ​ຍາ​ຍາມ​ຕ່າງໆ ​ເພື່ອ​ພັດທະນາ​ ​ເຂດ​ຕາ​ເວັນ​ອອກ​ໄກ. ນອກຈາກ​ນັ້ນ, ທ່ານ ປູ​ຕິນ ຍັງ​ກ່າວ​ວ່າ ກຸ່ມ​ນ້ຳມັນ​ເຊື້​ອ​ໄຟ ​ໂຣສ​ເນັຟ ຊຶ່ງ​ມີຂະໜາດ​ໃຫຍ່​ສຸດ ຂອງ ລັດ​ເຊຍ ຈະ​ລົງທຶນ 1.300 ຕື້ຣຸບ(19,56 ຕື້​ໂດ​ລາ​ສະຫະລັດ) ​​ເຂົ້າ​ໃນ​ ໂຄງການຕ່າງໆ ຢູ່​​​ໃນເຂດ​ນີ້.

…………………………………………………………………………………………………………………………..

ທີ່​ມາ: www.kpl.gov.la