ຜູ້ຕິດຝິ່ນ ໃນລັດ ສານ ປະເທດ ມຽນມາ ມີທາງເລືອກ ພຽງສອງ ສາມຢ່າງ

ທ້າວ Phone Myint Han, ​ໄດ້​ເສບ​ຝິ່ນ​ມາ ​ເປັນ​ເວ​ລາ 8 ປີແລ້ວ. ລາວ​ກໍ​ຄື​ຄົນ​ອື່ນໆ​ໃນ​ລັດ Shan, ລາວ​ສາມາດ​ເຂົ້າ​ເຖິງ​ຢາ​ເສບ​ຕິດ​ທີ່​ມີ​ລາຄາ​ຖືກ, ​ແລະຈຳນວນ​ຫຼວງ​ຫຼາຍ ​ທີ່​ປູກ​ຂຶ້ນ​ໃນ​ພູ​ຢູ່ອ້ອມ​ຮອບ​ນັ້ນ.

ທ້າວ Phone Myint Han ກ່າວວ່າ “ຂ້ອຍ​ເຄີຍ​ໃຊ້​ “ສູ​ດ” ໜຶ່ງ ມັນ​ເຮັດ​ຈາກ​ການ​ເອົາ ຝິ່ນ​ປະສົມ​ກັບ​ນ້ຳ ​ແລ້ວ​ກໍ​ປະສົມ​ກັບ​ຢາ​ແກ້​ໄອ.”

ຜູ້​ຊາຍ​ອາຍຸ 26 ປີ​ຄົນ​ນີ້​ໄດ້​ພະຍາຍາ​ມທີ່​ຈະ​ບຳບັດ​ໂຕ​ເອງ​ ຢູ່​ສະ​ຖາ​ບັນແຫ່ງໜຶ່ງ​ທີ່ດຳ​ເນີນ​ໂດຍ ລັດຖະບານ ​ແຕ່​ລາວ​ໄດ້​ກ່າວ​ວ່າ ລາວ​ໄດ້​ຖືກ​ປະຕິບັດ​ຕົນນຳ​ ຄື​ກັນ​ກັບ​ອາຊະຍາກອນຄົນ​ໜຶ່ງ.

ທ້າວ Phone Myint Han ກ່າວ​ວ່າ “ຢູ່ສູນ​ທີ່​ດຳ​ເນີນ​ໂດຍ​ລັດຖະບານ ສະພາບ​ມັນ​ເປັນ​ຄື​ກັບ​ຢູ່​ໃນ​ຄຸກ. ຂ້ອຍ​ເຄີ​ຍ​ໄປ​ເທື່ອ​ໜຶ່ງ ​ແລະ ຂ້ອຍກໍ​ຮູ້ສຶກວ່າ ​ຂ້ອຍ​ບໍ່​ໄດ້​ມີ​ອິດສະຫຼະພາບ​ເລີຍ.”

​ເປັນ​ທີ​ສອງ​ຮອງ​ຈາກ ​ອັ​ຟກາ​ນິສຖານ ​ໃນ​ການ​ຜະລິດ​ຝິ່ນ ​ຂອງໂລກ ຝິ່ນ​ທັງໝົດ​ຂອງ ມຽນມາ​ ​ແມ່ນ​ຖືກສົ່ງ​ໄປ​ປະ​ເທດ ຈີນ ​ເພື່ອ​ປ້ອນ​ການ​ຄ້າເຮໂຣອິນ ທີ່​ກຳລັງຂະຫຍາຍໂຕ​ເພີ່ມ​ຂຶ້ນ. ​ແຕ່​ວ່າ​ບາງ​ສ່ວນ​ກໍ​ມີການເລັດລອດ​ໄປສູ່​ຊຸມ​ຊົນ​ທ້ອງ​ຖິ່ນ.

ສູນຂອງ ​ສະຫະ​ປະຊາ​ຊາດ ເປັນ​ພຽງ​ທາງ​ເລືອກ​ດຽວ​ ຈາ​ກສະ​ຖານ​ທີ່​ຊ່ວຍ​ເຫຼືອ​ຂອງ​ລັດຖະບານ​ໃນ​ເມືອງ Taunggyi. ​ແຕ່​ວ່າ​ຢຸກຢາປິ່ນປົວ ແມ່ນ​ມີ​ໃນ​ປະລິມານທີ່​ຈຳກັດ.

​ຫົວໜ້າ​ສະຖານ​ທີ່​ຊ່ວຍ​ເຫຼືອ Dr. Than Myo Tun ກ່າວ​ວ່າ ສະຖານ​ທີ່​ນີ້​ເປັນ​ບ່ອນ​ທີ່ເຈົ້າ​ໜ້າ​ທີ່​ທ້ອງຖິ່ນ​ເຮັດບໍ່ຮູ້ບໍ່ເຫັນ ​ໃນ​ການ​ຄ້າ​ຢາ​ເສບ​ຕິດ​ທີ່​ກຳລັງ​ເຕີບ​ໂຕ​ຢ່າງ​ໄວວາ, ​ແລະ ຜູ້​ຕິດ​ຢາ​ທີ່ດີ້ນຮົນ​ກັບ​ເງິນ​ສະໜັບ​ສະ​ໜູນ​ໜ້ອຍ​ດຽວ​ເພື່ອ​ການ​ບຳບັດ​.

ທ່ານ Than Myo Tun ຫົວໜ້າຄວບ​ຄຸ​ມ​ສະຖານ​ທີ່​ຊ່ວຍ​ເຫຼືອ​ໃນ ມຽນມາ ກ່າວ​ວ່າ “ບັນຫາ​ຕໍ່​ໄປ​ແມ່ນ​ຜູ້​ທີ່ເສບ​ຢາ​ເສບ​ຕິດ. ​ໃນ​ເມື່ອ​ພວກ​ເຮົາ​ບໍ່​ປາບ​ປາມ​ບັນຫາ​ການຈຳໜ່າຍ​ຢາ​ເສບ​ຕິດ. ພວກ​ເຮົາບໍ່​ພຽງ​ແຕ່​ບອກ​ໃຫ້​ພວກ​ເສບ​ຢາ​ເສບ​ຕິດ​ວ່າ: ອັນ​ນີ້​ມັນ​ບໍ່​ດີ, ​ເຈົ້າ​ບໍ່​ຄວນ​ເສບ​ມັນ. ພວກ​ເສບ​ຢາ​ບາງ​ຄົນ​ເລີ່​ມ​ເສບ​ຢາ ​ພຽງ​ແຕ່ເປັນ​ການ​ທົດ​ລອງ​ເທົ່າ​ນັ້ນ, ​ແຕ່​ຕໍ່​ມາ, ພວກ​ເຂົາ​ສາມາດ​ພັດທະນາ​ການ​ຕິດ​ຢາ​ທາງ​ດ້ານ​ວັດ​ຖຸ ​ແລະ ດ້ານ​ຈິດໃຈ.”

ສູນ​ສະຫະ​ປະຊາ​ຊາດໄດ້ມີ​ຜູ້​ຕິດ​ຢາ​ລົງທະບຽນ 600 ຄົນ​, ເຊິ່ງເປັນ​ເສດສ່ວນ​ນ້ອຍໆ​ຂອງຜູ້​ຕິດ​ຢາຢູ່​ໃນເມືອງ​ທີ່​ຄາດ​ວ່າ​ມີ​ 2​0,000 ຄົນ.

ພວກ​ເຂົາ​ບໍ່​ເປັນ​ທີ່​ຍອມຮັບ​ທາງ​ສັງ​ຄົມ ​ໂດຍ​ຊຸມ​ຊົນ​ຂອງ​ພວກ​ເຂົາ, ​ແລະ ກໍ​ມີ​ທາງເລືອກ​ສຳລັບ​ການເຂົ້າ​ບຳບັດ​ພຽງ​ໜ້ອຍ​ດຽວ, ຫຼາຍ​ຄົນ​ເຕົ້າ​ໂຮມ​ກັນ​ຢູ່​ອ້ອມ​ຮອບ​ຕົວ​ເມືອງ​ເພື່ອ​ມຶນເມົາ​ກັບຢາເສບຕິດ. ​ມັນ​ເປັນ​ສະຖານ​ທີ່ພວກ​ນີ້,​ ເມືອງ Taunggyi, ​ເປັນ​ບ່ອນສ້າງ​ລາຍ​ໄດ້​ສູງທີ່​ສຸດຈາກ​ການ​ສົ່ງ​ອອກ​ຢາເສບຕິດ​ ​ໄດ້ກໍ່​ຄວາມ​ເສຍ​ຫາຍ​ອັນເປັນຕາ​ຢ້ານ​ຕໍ່​ຄົນ​ລຸ້ນ​ຫຼັງຂອງ​ພວກ​ເຂົາ.

ທີ່ມາ http://lao.voanews.com/