ຜູ້ຍິງແບບໃດ ທີ່ຜູ້ຊາຍແບບເຮົາຢ້ານ ແລະ ບໍ່ກ້າໄປຈີບ

    ເອົາເປັນວ່າຂໍແບ່ງອອກເປັນ 2 ດ້ານກະແລ້ວກັນເດີ້ ຈຶ່ງຈະເຂົ້າໃຈກັນແບບງ່າຍໆຄື: ດ້ານແຈ້ງ ແລະ ມືດ ເລີ່ມຈາກຜູ້ຍິງ ດ້ານແຈ້ງກ່ອນເລີຍ ເນາະ ຖືໄດ້ວ່າຜູ້ຍິງທີ່ຈັດຢູ່ໃນປະເພດນີ້ເປັນຜູ້ຍິງທີ່ມີວາດສະໜາດີ ທີ່ຜູ້ຊາຍແບບເຮົາບໍ່ຄ່ອຍຈະກ້າ ຈີບປານໃດ ຂະໜາດລົມນຳຍັງບໍ່ກ້າເລີຍ

1. ຜູ້ຍິງງາມ: ງາມໃນນີ້ແມ່ນໝາຍເຖິງງາມຫຼາຍ ແລະ ງາມທີ່ສຸດເລີຍ ງາມແບບວ່າທຸກຄົນຕ້ອງບອກວ່າງາມ ເພາະວ່າ ການຈີບສາວງາມໆເຮັດໃຫ້ເຮົາຄິດວ່າລາວຈະລົມກັບເຮົາຫຼື ບໍ່ ຖ້າຫາກວ່າເຮົາເປັນຄົນບໍ່ຫຼໍ່ ( ໜ້າຕາບໍ່ດີ ) ເຮົາຈະມີຄວາມ ຄິດຈິນຕະນາການໄປຕ່າງໆ ເຊັ່ນ: ລາວຄົງມີແຟນແລ້ວຕິ, ແຟນເກົ່າຂອງລາວໂຄດລວຍເລີຍລາວອາດຈະມັກແຕ່ຜູ້ຊາຍ ລວຍໆ ຫຼື ບໍ່ ( ອັນນີ້ຕ້ອງຂໍບອກວ່ານີ້ເປັນຄວາມຄິດຂອງຜູ້ຊາຍສ່ວນໃຫຍ່ເລີຍ ) ຫຍິ່ງ ຫຼື ບໍ່ ອາດບໍ່ 100% ແຕ່ວ່າຜູ້ຊາຍ ສ່ວນໃຫຍ່ແລ້ວ ຈະຄິດແບບນີ້


2. ຜູ້ຍິິງລວຍ: ລາຍໃນລະດັບແບບທີ່ວ່າ ບໍ່ແມ່ນຄົນທຳມະດາເລີຍ ເຊັ່ນ: ບ້ານຫຼັງ ໃຫຍ່ໆເປັນມະຫາເສດຖີ, ຂີ່ລົດເບັນຫຼືສະ ປອຣດລາຄາແພງໆ, ຮຽນຈົບມາແຕ່ຕ່າງປະ ເທດ, ເປັນລູກຂອງນັກການເມືອງຫຼືນັກທຸລະກິດລະດັບພັນລ້ານ ໃນບ່ອນນີ້ຂໍ ບອກໄວ້ເລີຍວ່າມັນແມ່ນເລື່ອງແທ້ ຜູ້ຊາຍແບບເຮົານີ້ ຈະບໍ່ມັກຜູ້ຍິງທີ່ເບິ່ງດີກ່ອນເຮົາປານໃດ ເພາະມັນຈະເຮັດໃຫ້ເຮົາ ຮູ້ສຶກວາເຮົາບໍ່ດີ, ບາງຄົນອາດຈະເບິ່ງເຮົາວ່າໄປເກາະກະເຈົ້າກິນ ຫຼືຢາກລວຍທາງລັດ ຫຼືເວົ້າງ່າຍໆເລີຍກໍຄື ບໍ່ມີປັນຍາລ້ຽງ ເຊັ່ນ: ຖ້າເຮົາຄົບກັບຄົນລວຍເຮົາບໍ່ມີເງິນທີ່ຈະຊື້ເຄື່ອງແພງໆໃຫ້, ເຮົາຕ້ອງໄດ້ພາອອກໄປຫຼິ້ນໄປທ່ຽວຕະຫຼອດ, ໄປກິນ ເຂົ້າຮ້ານອາຫານຫຼູຫຼາ, ໄປປາຕີ້ຕ່າງໆ


3. ຜູ້ຍິງທີ່ເກັ່ງຫຼາຍ: ເຊັ່ນລະດັບດ໋ອກເຕີ,ໝໍ,ຜູ້ບໍລິຫານ ເຫດຜົນນີ້ຈະໃກ້ຄຽງກັບຂໍ້ແລ້ວນີ້ ແຕ່ຕ່າງກັນບ່ອນທີ່ຜູ້ຍິງປະ ເພດນີ້ຈະມີຄວາມຄິດເປັນຜູ້ໃຫຍ່ກວ່າ ເພາະວ່າສະຖານະການເງິນແລະວຽກນັ້ນລາວສ້າງຂຶ້ນມາເອງ ລອງຄິດເບິ່ງວ່າ ຖ້າເຮົາເປັນພະນັກງານບໍລິສັດທົ່ວໄປ, ເປັນອາຈານສອນພິເສດ, ເປັນລູກຈ້າງຊົ່ວຄາວແລະອີກຫຼາຍອີຊີບເຈົ້າຈະກ້າຈີບບໍ່? ຂໍເວົ້າແບບກົງໆເລີຍ ວ່າສ່ວນໃຫຍ່ແລ້ວບໍ່ກ້າດອກ ນອກຈາກວ່າຜູ້ຊາຍຄົນນັ້ນຈະມີທຸລະກິດສ່ວນຕົວ, ເຮັດວຽກອິດສະ ຫຼະ, ເປັນສີລະປິນ, ດາລາ ປະມານນີ້



ເຮົາມາຕໍ່ກັນກັບຜູ້ຍິງດ້ານມືດເລີຍດີກວ່າ ຜູ້ຍິງ ດ້ານມືດ:

1. ຜູ້ຍິງທີ່ຜ່ານໂລກມາຫຼາຍ: ຊີວິດແບບບໍ່ມີໃຜຮູ້ບໍ່ເປັນ ແຕ່ຖ້າວ່າຍ່າງໄປໃສກໍມີແຕ່ຄົນທັກວ່າເຄີຍເປັນແຟນເກົ່າ, ຄົນນັ້ນ ແລະ ຄົນນີ້ເຄີຍຖືກຄົນນັ້ນ... ຖ້າຫາກວ່າເປັນແບບນີ້ບໍ່ບ່າຍບາຍກ່ອນເລີຍ ຫຼືເວົ້າງ່າຍໆ ຜູ້ຍິງທີ່ມີແຟນຫຼາຍຄົນ ຜູ້ຊາຍບໍ່ມັກ

2. ຜູ້ຍິງສຽງດັງ: ກິລິຍາສຽງດັງ ໃນຜູ້ຊາຍແບບເຮົາກະຍັງວ່າບໍ່ດີແລ້ວ ຖ້າມັນເກີດໃນຜູ້ຍິງ ອັນນີ້ບອກໄດ້ເລີຍວ່າຈົບເລີຍ ເສຍຄວາມເປັນຜູ້ຍິງໝົດ ອັນນີ້ແມ່ນບົ່ງບອກໄປເຖິງຊາດຕະກູນໄດ້ເລີຍ ເປັນຜູ້ຍິງແບບອ່ອນຫວານຈະໄດ້ປຽບຫຼາຍກວ່າ ເດີ້ສາວໆ ^^

3. ຜູ້ຍິງທີ່… ອັນນີ້ອ່ານແລ້ວອາດຈະງົງແດ່ໜ້ອຍໜຶ່ງ ແຕ່ວ່າຄົນຂຽນນີ້ພົບມາກັບໂຕເອງແທ້ໆເລີຍ ເຊັ່ນ:ຜູ້ຍິງຄົນໜຶ່ງ ໜ້າຕາດີ,ງາມ,ຫຸ່ນດີ ... ແຕ່ເວລາລົມກັນມັນແບບວ່າບໍ່ແມ່ນເລີຍ ລົມກັນບໍ່ຮູ້ເລື່ອງເລີຍ ເຊັ່ນ:

Q: “ໄປເບິ່ງໜັງເລື່ອງ Transformers ມາແລ້ວຫວາ?”
A: “ແມ່ນຫຍັງແມ່ນ Transformers? ….″

Q: “ໄປກິນ Haagen-Dazs ນຳກັນບໍ່?”
A: “ແມ່ນຫຍັງແມ່ນ Haagen-Dazs ? ”

Q: “ມັກ Whitney Houston ບໍ່?”
A: “ອື…ແມ່ນໃຜນະ ເຂົາຫາກ່ອນຊື້ດີວີດີຄອນເສຣີດ Celine Dion ມາ ໄປເບິ່ງນຳກັນບໍ່?”

4. ຜູ້ຍິງມີປົມ: ອັນນີ້ເວົ້າກັນບໍ່ໄດ້ ຜູ້ຍິງທີ່ມີປົມນີ້ບາງຄົນກໍແກ້ໄດ້ ບາງຄົນບໍ່ຍອມແກ້ ຫຼືບາງເລື່ອງກໍແກ້ບໍ່ໄດ້ ຕົວຢ່າງ ເຊັ່ນ: ເປັນຄົນທີ່ຂາດຄວາມອົບອຸ່ນມາຕັ້ງແຕ່ນ້ອຍ, ມີ ແຟນກະຖືກຫັກຫຼັງ, ພວກສາວມີປົມນີ້ສ່ວນໃຫຍ່ແລ້ວຈະມັກ ລະແວງ, ມັກຫງຸດຫງິດ, ມັກນ້ອຍໃຈ, ໃຈຮ້ອນ ຢ່າຄິດວ່າຜູ້ຊາຍແບບເຮົາບໍ່ຮູ້ເດີ້ ບອກໄດ້ເລີຍວ່າຖ້າຕອນໃດຜູ້ຊາຍ ແບບເຮົາຈັບໄດ້ວ່າເຈົ້າມີປົມໃນອະດີດແລ້ວ ຕັດມັນບໍ່ຂາດ ໃນອະນາຄົດອັນໃກ້ນີ້ ພວກເຮົາກໍອາດຈະເລີກກັບເຈົ້າ ຖ້າເຈົ້າຍຶດຕິດກັບມັນແລະແກ້ບໍ່ໄດ້ ແຕ່ວ່າຄົນສ່ວນໃຫຍ່ແລ້ວກໍມັກຈະແກ້ປົມກັນໄດ້