ຜູ້ຊາຍຊົ່ວ! ຖິ້ມລູກປະເມຍ ແຕ່ພໍຄະດີພິກມາເປັນແບບນີ້!!!!ປາກບໍ່ອອກ

 

 

ເຄີຍຖາມແມ່ວ່າ ເປັນຫຍັງສະໄໝນີ້ຜູ້ຊາຍ ເ_້ຍໆຄືມີຢູ່ຫຼາຍແທ້ ແມ່ຜູ້ຂຽນຕອບວ່າ ຄົນບໍ່ດີມີທຸກເພດບໍ່ແມ່ນສະເພາະແຕ່ຜູ້ຊາຍ ຕ່າງກັນບ່ອນວ່າ ຜູ້ຍິງມັກປະຈານຄວາມຊົ່ວຂອງອີກຝ່າຍ ແຕ່ຜູ້ຊາຍມັກເກັບງຽບໄວ້. ຜູ້ຂຽນໄດ້ຟັງເລີຍຢາກກັບເລື່ອງນີ້ມາເປັນອຸທາຫອນເຕືອນໃຈເພາະມັນເກີດຂຶ້ນຢູ່ຂ້າງເຮືອນຂອງຜູ້ຂຽນເອງ.

ສາວນ້ອຍ (ນາມສົມມຸດ) ອາຊີບຄ້າຂາຍທົ່ວໄປ, ຮູບຮ່າງໜ້າຕາບໍ່ຈົບງາມປານໃດ ຊ້ຳຍັງປາກປາແດກຕາມພາສາແມ່ຄ້າປາກຕະຫຼາດ ມື້ໜຶ່ງເພິ່ນໄດ້ຮູ້ຈັກກັບອ້າຍແອ (ນາມສົມມຸດ) ຜູ້ບ່າວຮູບຮ່າງສູງຍາວເຂົ່າດີ ແລະໃນທີ່ສຸດທັງສອງກໍແຕ່ງງານກັນ ເຮັດໃຫ້ໄທບ້ານອິດສາສາວນ້ອຍທີ່ສຸດ ຄົນອີ່ຫຍັງຂີ້ຮ້າຍທ້າຍເປແຕ່ໄດ້ຜົວຜູ້ໜ້າຈົບຕາດີ ຊ້ຳຍັງມີວຽກເຮັດງານທຳທັງສອງຢູ່ກິນກັນມາຈົນໄດ້ລູກນຳກັນສອງຄົນ ຊາຍອາຍຸ 2ປີ ແລະ ຍິງອາຍຸ 4ປີ ແລ້ວທັງສອງກໍມີປາກສຽງກັນຮຸນແຮງຈົນເຖິງຂັ້ນປະຮ້າງກັນ. ສາວນ້ອຍມັກທຽວບອກຊາວບ້ານຮ້ານຕະຫຼາດວ່າຖືກຜົວຕີ ເວລາມັນກິນເຫຼົ້າກັບມາເຮືອນ ແລະມີຜູ້ສາວໃໝ່ ທີ່ປະຮ້າງກັນໄປເພາະວ່າຜົວໜີໄປຢູ່ກັບຜູ້ສາວ. ສ່ວນຕົນຕ້ອງໄດ້ລ້ຽງລູກ 2ຄົນ ສິນສົມສ້າງທີ່ຖິ້ມປະໄວ້ໄຫ້ກໍມີລົດຮຸນໄດຄັນໜຶ່ງ ແລະດິນຕອນໜຶ່ງ ເຮັດໃຫ້ໄທບ້ານຕ່າງກໍສົງສານສາວນ້ອຍ ມັນກໍເປັນຕາເຊື່ອຢູ່ດອກ ເພາະບ່າວຜູ້ຫຼໍ່ ສາວນ້ອຍສາວໃຫຍ່ກໍຕ້ອງມາຕິດພັນ ສົງໄສມັນຫຼົງສະເໜ່ສາວພວກນັ້ນທີ່ງາມກວ່າເມຍຜູ້ເປັນກໍ່ສໍ່ຍ້ອນຢູ່ເຮືອນລ້ຽງລູກ.

ອານິດຈາ! ພໍຜູ້ຂ້າມາຮູ້ຄວາມຈິງນຳຫຼັງ ຄະດີຄວາມຈຳຕ້ອງພິກຜັນເມື່ອສາເຫດຂອງການປະຮ້າງກັນຄືສາວນ້ອຍຕິດໄພ້ ເງິນຜົວຫາມາໃຫ້ເທົ່າໃດກໍບໍ່ເຫຼືອຫຼໍ ຊ້ຳບໍ່ພໍຍັງຖິ້ມລູກໃຫ້ແມ່ລ້ຽງ ແລະຫຼາຍຄັ້ງນາງກໍໃຊ້ຄຳບໍ່ສຸພາບດ່າທໍຜູ້ເປັນຜົວ ດ່າຮຸນແຮງເຖິງຂັ້ນຍາດຕິໂກວົງສາ ຜູ້ຜົວເປັນຄົນບໍ່ປາກໄດ້ແຕ່ອົດຍ້ອນຮັກລູກ...ແຕ່ອົດຕາມອົດມັນກໍຄົງບໍ່ໄຫວ ເລີຍຕັດສິນໃຈປະຮ້າງ ໂດຍຍົກສິນສົມສ້າງ (ທັງທີ່ຄວາມຈິງແມ່ນອ້າຍແອເປັນຄົນຫາຝ່າຍດຽວ) ໃຫ້ເມຍເພື່ອເບິ່ງແຍງລູກ ພ້ອມທັງສົ່ງເງິນຄ່າລ້ຽງດູໃຫ້ທຸກໆເດືອນ. ແຕ່ນິໄສເກົ່າຂອງສາວນ້ອຍຍັງບໍ່ປ່ຽນແປງ ເງິນທີ່ໄດ້ກໍໝົດ ດິນທີ່ມີກໍຂາຍເອົາໄປຫຼິ້ນໄພ້ ແລະທ່ຽວກາງຄືນ ສຸດທ້າຍອ້າຍແອກໍເລີຍນຳມາເອົາລູກສອງຄົນໄປລ້ຽງເອງ. ຕອນນີ້ອ້າຍແອເປີດຮ້ານຕັດຜົມນ້ອຍໆ ແລະແຕ່ງງານໃໝ່ກັບຜູ້ຍິງຄົນໜຶ່ງທີ່ສາມາດຊ່ວຍລາວດູແລລູກຢ່າງບໍ່ລັງກຽດ.

ນີ້ແຫຼະທ່ານຜູ້ອ່ານ! ບັນຫາຄູ່ຊີວິດຂອງຜູ້ອື່ນ ຢ່າຕັດສິນແຕ່ພຽງພາຍນອກ ຫຼືຍ້ອນໄດ້ຍິນອີກຝ່າຍບອກເລົ່າ ເພາະເຮົາບໍ່ແມ່ນຄົນທີ່ຫມຸດຢູ່ກ້ອງຕຽງຕອນເຂົາມີບັນຫາກັນ. ດັ່ງນັ້ນ, ກໍຈະວິຈານ ຫຼືກ່າວປະນາມໃຜກໍໃຫ້ພິຈາລະນາໃຫ້ລະອຽດເສຍກ່ອນ (ທາງທີ່ດີຢ່ານຳໄປປະນາມ ຫຼືປ່າວປະກາດຕໍ່ເລີຍ ເກັບສິ່ງທີ່ໄດ້ຮູ້ໄດ້ເຫັນມາເປັນບົດຮຽນສອນຕົນເອງວ່າຈະປະຄັບປະຄອງຊີວິດຄູ່ໂຕເອງແນວໃດເພື່ອບໍ່ໃຫ້ເກີດບັນຫາຈະດີກວ່າ).

ດ້ວຍຮັກ!

ບົດໂດຍ: ອີ່ນາງໄວໄວ