ຜີໃຈຂຶ້ນຫວັງອັດ 45 ລ້ານປອນດຶງ ບາກລີເສີມກາງ

 

ຣອສ ບາກລີ ມິດຟິວອະນາຄົດໄກຂອງ ເອເວີຕັນ ກາຍເປັນເປົ້າໝາຍຫຼັກໃນການດຶງມາເສີມທັບຂອງ ແມນເຊສເຕີ ຢູໄນເຕັດ ຊ່ວງໜ້າຮ້ອນນີ້ໂດຍ ຜີສາດແດງ ໃຈປ້ຳດ້ວຍການທຸ່ມເງິນ 45 ລ້ານປອນລໍ້ຕາລໍ້ໃຈ “ທອບຟີສີຟ້າ”.

 

ແມນເຊສເຕີ ຢູໄນເຕັດ ຍັກໃຫຍ່ຈາກເວທີ ພຣີເມຍລີກ ວາງແຜນດຶງໂຕ ຣອສ ບາກລີ ກອງກາງດາວລຸ້ງຂອງ ເອເວີຕັນ ຄູ່ແຂ່ງຮ່ວມລີກເປັນເປົ້າໝາຍຫຼັກຊ່ວງຊຳເມີນີ້ດ້ວຍການພ້ອມອັດເມັດເງິນ 45 ລ້ານປອນຈາກການລາຍງານຂອງ ເດລີ ສະຕາ ສື່ດັງຂອງເມືອງຜູ້ດີເມື່ອອາທິດທີ່ຜ່ານມາ.

ເຖິງວ່າຈະໃຊ້ງົບປະມານໄປເຖິງ 250 ລ້ານປອນຕະຫຼອດ 2 ລະດູການທີ່ຜ່ານມາແຕ່ ຜີສາດແດງ ກໍຍັງບໍ່ສາມາດກ້າວຂຶ້ນມາລຸ້ນແຊມລີກແບບເຕັມໂຕໄດ້ເລີຍໃນຍຸກຂອງ ຫຼຸຍ ຟານກາວ ແລະ ຕັ້ງເປົ້າໝາຍຢາກກັບມາລຸ້ນຄວາມສຳເລັດດັັ່ງກ່າວໃນລະດູການໜ້າອີກເທື່ອ ເຮັດໃຫ້ພ້ອມດຶງ ບາລີ ມາເປັນຂຸມກຳລັງສຳຄັນ.

 

ທັງນີ້ ບາກລີ ລົງສະໜາມໃຫ້ ເອເວີຕັນ ໄປ 46 ນັດຍິງ 14 ປະຕູໃນທຸກລາຍການລະດູການນີ້.