ຜີແດງເປີດສາກລັບໆຫວັງດຶງ ໂອບາເມຢອງ

 

ຮອບນີ້ແຟນບານຂອງ ຜີສາດແດງ ໄດ້ລຸ້ນກັນຍາວໆເມື່ອລ່າສຸດສື່ຜູ້ດີຕີຂ່າວວ່າ ແມນເຊສເຕີ ຢູໄນເຕັດ ໄປເປີດສາກລົມກັນແບບລັບໆກັບນາຍໜ້າຂອງ ປີແອ-ເອເມີຣິກ ໂອບາເມຢອງ ກອງໜ້າຂອງ ດອດມູນ ເພື່ອດຶງນັກເຕະມາຮ່ວມທັບແລ້ວຄາດ ຜີສາດແດງ ພ້ອມຍື່ນເງິນສູງເຖິງງ 60 ລ້ານປອນຫວັງໃຫ້ “ເສືອເຫຼືອງ” ຍອມໃຈອ່ອນຂາຍນັກເຕະໂຕເກັ່ງຂອງທີມ.

 

“ເດລີ ມິນເລີ” ສື່ດັງຂອງອັງກິດລາຍງານຂ່າວວ່າ ແມນເຊສເຕີ  ຢູໄນເຕັດ ສະໂມສອນດັງຈາກ ພຣີເມຍລີກ ອັງກິດໄດ້ເປີດສາກການເຈລະຈາແບບລັບໆກັບນາຍໜ້າຂອງ ໂອບາເມຢອງ ດາວຍິງຟອມໄຟຂອງ ໂບຣຸສເຊຍ ດອດມູນ ທີມດັງຈາກເວທີ ບຸນເດສລີກາ ເພື່ອຫວັງດຶງນັກເຕະມາເສີມຄົມໃຫ້ທີມໃຫ້ໄດ້.

ສື່ຈາກແດນຜູ້ດີຕີຂ່າວນາຍໜ້າຂອງກອງໜ້າເລືອດກາບອງອາຍຸ 26 ປີໄດ້ຮັບການຕິດຕໍ່ກ່ຽວກັບຄວາມເປັນໄປໄດ້ໃນການຍ້າຍໄປຫຼິ້ນໃຫ້ ຜີສາດແດງ ແລ້ວເຖິງວ່າຍັງບໍ່ຈະແຈ້ງວ່າໃຜຈະເຂົ້າມາຄຸມບັງຫຽນ ແມນເຊສເຕີ ຢູໄນເຕັດ ຫຼັງຈາກຈົບລະດູການນີ້ຖ້າ ຫຼຸຍ ຟານກາວ ອຳລາທີມໄປ.

 

ທັງນີ້ຄາດກັນວ່າ ຜີສາດແດງ ກຽມອັດເມັດເງິນເຖິງ 60 ລ້ານປອນລ່າໂຕ ໂອບາເມຢອງ ຂະນະທີ່ທີມຂອງ ໂທມັສ ທູເຄິນ ບໍ່ເຕັມໃຈທີ່ຈະຂາຍນັກເຕະອອກໄປ.