ຜີເລັງທຸ່ມ 100 ລ້ານເອີໂຣດຶງເບລັອດຕຶ

 

ສື່ຜູ້ດີຕີຂ່າວ ແມນເຊສເຕີ ຢູໄນເຕັດ ກຽມຈົກເງິນ 100 ລ້ານເອີໂຣເພື່ອດຶງ ອັນເດຣຍ ເບລັອດຕິ ດາວຍິງຂອງ ໂຕຣິໂນ ຊ່ວງຊຳເມີນີ້ຫຼັງຈາກທີ່ ຊະລາຕັນ ອິບຣາຮິໂມວິດ ຫົວຫອກຂອງທີມເຈັບໜັກທີ່ຫົວເຂົ່າ ແລະ ສໍ່ແວວວ່າຈະພັກຍາວຈົນຮອດຕົ້ນປີໜ້າ ແຕ່ກໍຕ້ອງຍາດກັບ ບາເຊໂລນາ ທີ່ຢາກໄດ້ນັກເຕະໄປເສີມທັບເຊັ່ນກັນ.

 

“ຜີສາດແດງ” ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ພ້ອມຍື່ນຂໍ້ສະເໜີ 100 ລ້ານເອີໂຣເພື່ອດຶງຕົວ ອັນເດຣຍ ເບລັອດຕິ ກອງໜ້າຟອມລະເບີດຂອງ ໂຕຣິໂນ ສະໂມສອນດັງໃນ ກັນໂຊ ຊີຣີ ອາ ອີຕາລີມາເສີມທັບທົດແທນ ຊະລາຕັນ ອິບຣາຮິໂມວິດ ຈາກການລາຍງານຂອງ “ເມໂທຣ” ສື່ຊື່ດັງຂອງເມືອງຜູ້ດີເມື່ອວັນຈັນນີ້.

 

ເປລັອດຕິ ອາຍຸ 23 ປີໂຊຟອມໄດ້ຢ່າງຮ້ອນແຮງໂດຍການຍິງເຖິງ 25 ລູກຈາກການລົງຫຼິ້ນ 29 ນັດລວມທຸກລາຍການໃນລະດູການນີ້ ເຖິງວ່າ “ກະທິງຫີນ” ຈະຍັງຢູ່ກາງຕາຕາລາງຄະແນນ ຊີຣີ ອາ ແລະ ເກືອບຈະໝົດລຸ້ນຕົ໋ວໄປຫຼິ້ນລາຍການເອີຣົບແລ້ວກໍຕາມ.

 

ຫຼ້າສຸດ “ເມໂທຣ” ຕີຂ່າວວ່າຈາກການທີ່ ອິບຣາຮິໂມວິດ ມີອາການບາດເຈັບໜັກທີ່ຫົວເຂົ່າ ແລະ ອາດຈະຕ້ອງພັກຍາວຈົນຮອດຕົ້ນປີໜ້າເຮັດໃຫ້ ແມນຢູ ກຽມທຸ່ມເງິນສູງເຖິງ 100 ລ້ານເອີໂຣຫວັງໃຫ້ “ກະທິງຫີນ” ຍອມຂາຍ ເປລັອດຕິ ມາຢູ່ໃນໂຮງລະຄອນແຫ່ງຄວາມຝັນ.

 

ຂະນະດຽວກັນສື່ຂອງອັງກິດກໍຍັງກ່າວອ້າງອີກວ່າ ບາເຊໂລນາ ຍັກໃຫຍ່ຈາກສະເປນກໍຕ້ອງການດຶງ ເປລັອດຕິ ໄປເສີມທັບເຊັ່ນກັນ ແລະ “ເຣດ ເດວິດ” ກໍຈຳເປັນຕ້ອງບຸກຢ່າງໃຫຍ່ຖ້າຫວັງຢາກໄດ້ນັກເຕະໄປເສີມຄົມໃນຊ່ວງຊຳເມີນີ້.

 

ບົດຄວາມໃຫມ່ໆ