ຜີເລັງດຶງໄຮຊາດຮ່ວມທັບ

 

ເອວຊິດ ໄຮຊາດ ແບັກຂວາ ນາໂປລີ ກຳລັງເນື້ອຫອມໂດຍຫຼ້າສຸດ ແມນເຊສເຕີ ຢູໄນເຕັດ ຂຶ້ນມາເປັນອີກທີມທີ່ຢາກໄດ້ໂຕໄປຮ່ວມທີມ ຄາດວ່າມີຄ່າຫົວຢູ່ທີ່ປະມານ 25 ລ້ານປອນ.

 

ໂຊເຊ ມູຣິນໂຢ ຜູ້ຈັດການທີມ ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ຕົກເປັນຂ່າວເມື່ອວັນພຸດທີ່ຜ່ານມາວ່າກຳລັງພິຈາລະນາທີ່ຈະອອກລ່າໂຕ ເອວຊິດ ໄຮຊາດ ແບັກຂວາຄັນດັງຂອງ ນາໂປລີ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ອີຕາລີມາເສີມທັບໃນຊ່ວງເປີດຕະຫຼາດຮອບສອງເດືອນມັງກອນນີ້.

 

ດາວເຕະທີມຊາດອາວເບເນຍເຊິ່ງຍ້າຍຈາກ ເອັມໂປລີ ມາຮ່ວມທັບ “ອັດຊູຣາ” ເມື່ອຊ່ວງຊໍາເມີປີ 2015 ກໍາລັງເຮັດຜົນງານໄດ້ດີກັບຕົ້ນສັງກັດ ຈົນມີຂ່າວໄດ້ຮັບຄວາມສົນໃຈຈາກສະໂມສອນລະດັບທັອບຄື ບາເຊໂລນາ, ອາເຊນອນ ແລະ ບາເຢິນ ມິວນິກ.

 

ຫຼ້າສຸດ ອິວ ມັດຕິໂນ ສື່ຂອງອີຕາລີລະບຸວ່າ “ຜີສາດແດງ” ເປັນອີກທີມໜຶ່ງທີ່ຢາກໄດ້ ໄຮຊາດ ໄປຮ່ວມທັບໂດຍຄາດກັນວ່າຄ່າໂຕຂອງນັກເຕະຢູ່ທີ່ປະມານ 25 ລ້ານປອນ.

 

ທັງນີ້ ຄຣິສ ສະມອນລິງ, ລຸກ ຊໍ ແລະ ມັດເຕໂອ ດາມຽນ ຕາງກໍມີອະນາຄົດທີ່ບໍ່ແນ່ນອນກັບທີມຫຼັງຈາກທີ່ ແມນຢູ ອອກເລີ່ມລະດູການໄດ້ບໍ່ດີຢ່າງທີ່ຫວັງກັນໄວ້.