ຜີເລັງດຶງນາຍດ່ານດາວລຸ້ງຂອງໂບຕັນຮ່ວມທັບ

ສື່ຜູ່ດີຕີຂ່າວ ແມນເຊສເຕີ ຢູໄນເຕັດ ເລັງດຶງ ແຈັກ ເທີເນີ ນາຍທະວານອະນາຄົດໄກຂອງ ໂບຕັນ ວັນເດີເຣີ ມາເຝົ້າເສົາໃນຮັງ ໂອນ ທຣາຟຝອດ ຊ່ວງຊຳເມີນີ້ ໂດຍທີ່ “ຜີແດງ” ເຫັນວ່າເປັນນາຍດ່ານທີ່ມີຝີມືດີພໍທີ່ຈະຂຶ້ນເປັນມື 1 ຂອງທີມໄດ້ໃນອະນາຄົດ.

“ເດິ ຊັນ” ສື່ຊື່ດັງຂອງອັງກິດລາຍງານຂ່າວວ່າ “ຜີສາດແດງ” ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ກຳລັງພິຈາລະນາດຶງຕົວ ແຈັກ ເທີເນີ ຜູ່ຮັກສາປະຕູດາວລຸ້ງຂອງ ໂບຕັນ ວັນເດີເຣີ ທີມນ້ອງໃໝ່ຈາກເວທີ ເດິ ແຊມປ້ຽນຊິບ ໃນຊ່ວງເປີດຕະຫຼາດຊື້ຂາຍນັກເຕະຊຳເມີນີ້.

ນາຍດ່ານອາຍຸ 18 ປີທີ່ຍັງບໍ່ເຊັນສັນຍາເປັນນັກເຕະອາຊີບກັບຕົ້ນສັງກັດ ຍັງບໍ່ໄດ້ລົງຫຼິ້ນຈັກນັດແຕ່ກໍມີຊື່ເປັນຕົວສຳຮອງເມື່ອລະດູການທີ່ຜ່ານມາ ແລະ ຫຼ້າສຸດມີລາຍງານລະບຸວ່າ ໂຊເຊ ມູຣິນໂຢ ຜູ່ຈັດການທີມ “ເຣດ ອາມີ” ຮູ້ສຶກເຖິງສັກກະຍະພາບຂອງ ເທີເນີ ເປັນຢ່າງດີ ແລະ ພວກເຂົາກໍເລັງເຫັນວ່ານັກເຕະອາດຈະມີຝີມືດີພໍກ້າວຂຶ້ນເປັນນາຍທະວານມື 1 ຂອງທີມໄດ້ໃນອະນາຄົດ.

ຂະນະດຽວກັນ ເດິ ຊັນ ອ້າງວ່າ “ເດິ ທຣັອດເຕີ” ຕ້ອງດຶງ ເທີເນີ ເອົາໄວ້ແຕ່ກໍອາດຈະບໍ່ສາມາດປະຕິເສດຂໍ້ສະເໜີຈຳນວນມະຫານໄດ້ຖ້າວ່າ “ຜີສາດແດງ” ຍື່ນມາແທ້ໆເນື່ອງຈາກວ່າ ໂບຕັນ ຈໍາເປັນຕ້ອງເອົາເມັດເງິນເຂົ້າສູ່ທີມເພື່ອເສີມທັບໃໝ່ໃນການລຸຍ ພຣີເມຍລີກ ຊີຊັນໜ້າ.