ຜີເລັງຈົກເງິນດຶງໂຄແມນເສີມທັບແບັກຂວາ

 

“ເດລີ ມິນເລີ” ຕີຂ່າວ ເຊມຸສ ໂຄແມນ ກອງຫຼັງຂອງ ເອເວີຕັນ ຕົກເປັນເປົ້າໝາຍຂອງ ໂຊເຊ ມູຣິນໂຢ ນາຍໃຫຍ່ ແມນເຊສເຕີ້ ຢູໄນເຕັດ ທີ່ເລັງຈົກເງິນດຶງແຂ່ງເລືອດໄອຣິສມາເສີມທັບໃນຕຳແໜ່ງແບັກຂວາ ຫຼັງຈາກທີ່ບໍ່ແຮັບປີ້ກັບຜົນງານຂອງ ມັດເຕໂອ ດາມ້ຽນ ຕົວເລືອກໃນປັດຈຸບັນ.

 

“ຜີສາດແດງ” ແມນເຊສເຕີ້ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ຕົກເປັນຂ່າວວ່າພ້ອມຍື່ນຂໍ້ສະເໜີເພື່ອດຶງໂຕ ເຊມຸສ ໂຄແມນ ຟູແບັກໂຕເກັ່ງຂອງ ເອເວີຕັນ ມາເສີມທັບໃນຕຳແໜ່ງແບັກຂວາ.

 

ເຊື່ອກັນວ່າ ໂຊເຊ ມູຣິນໂຢ ຜູ້ຈັດການທີມ “ຜີສາດແດງ” ບໍ່ຄ່ອຍເຊື່ອໝັ້ນໃນໂຕຂອງ ມັດເຕໂອ ດາມ້ຽນ ຟູແບັກອີຕາລີນັບຕັ້ງແຕ່ມາຄຸມບັງຫຽນໃນລະດູການນີ້ ແລະ ສົ່ງເຂົາລົງຫຼິ້ນພຽງແຕ່ເກມດຽວເທົ່ານັ້ນ ຂະນະທີ່ ອັນໂຕນິໂອ ວາເລັນເຊຍ ປີກຂວາກໍຫຼິ້ນແບັກຂວາໄດ້ດີພໍສົມຄວນ.

 

ຢ່າງໃດກໍຕາມຫຼ້າສຸດ “ເດລີ ມິນເລີ” ສື່ດັງຂອງເມືອງຜູ້ດີລາຍງານຂ່າວວ່າ ມູຣິນໂຢ ຢາກເສີມທັບໃນຕຳແໜ່ງແບັກຂວາອີກ ແລະ ກຽມຈົກເງິນກ້ອນໃຫຍ່ດຶງໂຕ ໂຄແມນ ຫຼັງຈາກ ເດວິດ ມອຍ ນາຍໃຫຍ່ຄົນເກົ່າເຄີຍຕັ້ງເປົ້າດຶງເຂົາຕອນຍັງຄຸມ ແມນຢູ ຢູ່ເມື່ອ 3 ປີກ່ອນ.