ຜີເງີບ!!ນາຍໃຫຍ່ນັກບຸນປັດຂາຍຟອນເຕ

 

ໂຄລດ ປູແອວ ນາຍໃຫຍ່ ເຊົາແຮມຕັນ ຢືນຢັນຊັດເຈນ ໂຊເຊ ຟອນເຕ ກອງຫຼັງທີມຊາດປັອກຕຸຍການຍັງສ່ວນສຳຄັນໃນແຜນການເຮັດທີມພ້ອມທັງຫວັງວ່ານັກເຕະຈະຢູ່ຮັບໃຊ້ “ນັກບຸນ” ຕໍ່ໄປເຖິງວ່າມີຂ່າວວ່າ ແມນເຊສເຕີ ຢູໄນເຕັດ ຢາກໄດ້ໂຕກໍຕາມ.

 

ໂຄລດ ປູແອວ ຜູ້ຈັດການທີມ ເຊົາແຮມຕັນ ສະໂມສອນດັງຂອງ ພຣີເມຍລີກ ອອກມາະຕິເສດທີ່ຈະຂາຍ ໂຊເຊ ຟອນເຕ ກອງຫຼັງປະສົບການສູງຂອງທີມຊາດປັອກຕຸຍການອອກຈາກທີມ ແລະ ຫວັງວ່ານັກເຕະຢູ່ຈະກັບທີມຕໍ່ໄປໃນລະດູການໜ້າເຖິງວ່າຈະຕົກເປັນຂ່າວຢ່າງໜັກກັບ ແມນເຊສເຕີ ຢູໄນເຕັດ ແລະ ເອເວີຕັນ ກໍຕາມ.

 

ເຊັນເຕີແບັກອາຍຸ 32 ປີທີ່ຫາກໍໄດ້ແຊມ ຢູໂຣ 2016 ກັບທີມຊາດປັອກຕຸຍການນັ້ນມີຂ່າວລືກາຍເປັນເປົ້າໝາຍເສີມທັບຂອງ ໂຊເຊ ມູຣິນໂຢ ນາຍໃຫຍ່ “ປີສາດແດງ” ແລະ ໂຣເນົາ ຄູມັນ ນາຍໃຫຍ່ “ທັອບຟີສີຟ້າ” ອີກທັງຍັງຍອມຮັບວ່າອາດເປັນເລື່ອງຍາກທີ່ຈະປະຕິເສດໂອກາດຍ້າຍໄປຢູ່ກັບສະໂມສອນລະດັບໂລກ ແລະ ມີຫຼາຍທີມສົນໃຈດຶງໂຕໄປຮ່ວມທັບໃນຊຳເມີນີ້.

 

ຢ່າງໃດກໍຕາມ ຫຼ້າສຸດເມື່ອຖືກຖາມວ່າ ຟອນເຕ ຈະຢູ່ກັບຕົ້ນສັງກັດຕໍ່ໄປ ຫຼື ບໍ່ ປູແອວກ່າວກັບ “ສະກາຍສະປອດ” ສື່ຊື່ດັງຂອງເມືອງຜູ້ດີວ່າ “ແມ່ນ ເຂົານັກເຕະຄົນສຳຄັນຂອງທີມ ມັນເປັນເລື່ອງທີ່ດີທີ່ມີນັກເຕະ 2 ຄົນເປັນແຊມຢູໂຣເຊິ່ງລວມເຖິງ ເຊັດດຣິກ ຊົວເຣດ ເຮົາສາມາດເວົ້າໄດ້ແບບນັ້ນ ໂຊເຊ ກັບມາຊ້ອມກັບທີມແລ້ວ ແລະ ມັນເປັນເລື່ອງສຳຄັນທີ່ເຮັດໃຫ້ເຂົາຍັງມີສະຕິ ແລະ ທັດສະນະຄະຕິທີ່ດີຕໍ່ໄປ”.