ຜີຮ່ວມວົງດຶງນາອິງໂກລັນຮ່ວມທັບ

 

ຣັດຢາ ນາອິງໂກລັນ ສຸດຍອດມິດຟິວຂອງ ອາແອສ ໂຣມາ ກຳລັງເນື້ອຫອມເມື່ອຫຼ້າສຸດ ແມນເຊສເຕີ ຢູໄນເຕັດ ເປັນອີກທີມທີ່ພ້ອມຈະລ່າຕົວມາຮ່ວມທັບໃນຊ່ວງຊຳເມີນີ້.

 

ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ກຳລັງໃຫ້ຄວາມສົນໃຈທີ່ຈະເຊັນສັນຍາດຶງຕົວ ຣັດຢາ ນາອິງໂກລັນ ກອງກາງຂອງ ອາແອສ ໂຣມາ ສະໂມສອນດັງຂອງ ກັນໂຊ ຊີຣີ ອາ ອີຕາລີມາເສີມທັບຊ່ວງຊຳເມີນີ້ ຕາມການລາຍງານຂອງ ສະກາຍ ສະປອດ ນິວ ສື່ກິລາຊັ້ນນຳຂອງອັງກິດເມື່ອວັນພະຫັດທີ່ຜ່ານມາ.

 

ຈາກເກົ່າແມ່ນ ເຊວຊີ ທີ່ມີຂ່າວວ່າຢາກໄດ້ ນາອິງໂກລັນ ມາຮ່ວມທັບແຕ່ວ່າຫຼ້າສຸດ “ຜີສາດແດງ” ເປັນອີກທີມທີ່ມີຂ່າວກັບນັກເຕະໂດຍທີ່ ສະກາຍ ສະປອດ ນິວ ລະບຸວ່າ ໂຊເຊ ມູຣິນໂຢ ຜູ້ຈັດການທີມ ແມນ ຢູໄນເຕັດ ຢາກໄດ້ເຂົາມາເສີມແດນກາງເຊິ່ງຖືເປັນຕຳແໜ່ງທີ່ທີມຈຳເປັນຕ້ອງເສີມໄວ້ສູ້ເສິກລະດູການໜ້າ.

 

ສຳລັບລະດູການນີ້ ນາອິງໂກລັນ ໂຊຟອມໄດ້ເທບສຸດໂດຍການລົງຫຼິ້ນໃຫ້ກັບ ໂຣມາ ໄປແລ້ວລວມທຸກລາຍການ 46 ເກມຍິງໄດ້ 15 ປະຕູ ແລະ ປັດຈຸບັນຍັງເຫຼືອສັນຍາກັບທີມອີກ 3 ປີ.

 

ບົດຄວາມໃຫມ່ໆ