ຜີອາດຂາຍຣູນໃຫ້ທີມຈີນຖ້າຊອກຫົວຫອກມາແທນໄດ້

 

ເວນ ຣູນີ ກັບຕັນທີມຊາດອັງກີດມີໂອກາດຍ້າຍໄປສຳຜັດປະສົບການໃນລີກມັງກອນຫຼັງສື່ຕີ ແມນ ຢູໄນເຕັດ ອາດຕັດໃຈປ່ອຍກອງໜ້າໂຕເກັ່ງແລກກັບເງິນກ້ອນໃຫຍ່ຫຼັງຈົບລະດູການນີ້ຖ້າຊອກຫາຫອກດັງເຂົ້າມາເປັນໂຕຊູໂຮງດ້ານການຕະຫຼາດແທນໄດ້.

 

ແມນເຊສເຕີ ຢູໄນເຕັດ ຍັກໃຫຍ່ ພຣີເມຍລີກ ອາດຕັດສິນໃຈປ່ອຍ ເວນ ຣູນີ ກອງໜ້າກັບຕັັນທີມໃຫ້ກັບສະໂມສອນໃນລີກຈີນໃນຊ່ວງຊຳເມີນີ້ຖ້າວ່າທີມສາມາດຊອກຫາດາວຍິງຊັ້ນນຳເຂົ້າແທນໄດ້ຈາກການລາຍງານຂອງ ແມນເຊສເຕີ ອິຟນິງ ນິວ ສື່ທ້ອງຖິ່ນຂອງແດນຜູ້ດີ ເມື່ອວັນພະຫັດນີ້.

ລາຍງານລະບຸວ່າ “ຜີສາດແດງ” ກໍາລັງລັງເລໃນການຂາຍຫົວຫອກເລືອດຜູ້ດີ ຈາກການທີ່ສະໂມສອນຈາກແດນມັງກອນວາງແຜນຍື່ນຂໍ້ສະເໜີມະຫາສານມາໃຫ້ພິຈາລະນາຫຼັງຈາກຈົບລະດູການນີ້ ຂະນະທີ່ ຣູນີ ອາດໄດ້ຮັບຄ່າເມື່ອຍຫຼາຍກວ່າອາທິດລະ 500,000 ປອນ ເລີຍ.

 

ທັງນີ້ເຖິງວ່າ ແມນ ຢູໄນເຕັດ ຈະມີຜົນງານບໍ່ຄ່ອຍດີໃນລະດູການນີ້ແຕ່ ຣູນີ ທີ່ປັດຈຸບັນຕ້ອງຫ່າງສະໜາມປະມານ 2 ເດືອນ ເນື່ອງຈາກມີອາການບາດເຈັບເອັນຫຼັງຫົວເຂົ່າ ຍັງເປັນນັກເຕະທີ່ສຳຄັນ ແລະ ມີຄຸນຄ່າທາງການຕະຫຼາດຫຼາຍທີ່ສຸດຂອງສະໂມສອນເນື່ອງການຫຼິ້ນ ແລະ ປະສົບຄວາມສຳເລັດໃນຖິ່ນ ໂອນ ທຣາຟເຟິດ ມາຢ່າງຍາວນານເຊັ່ນດຽວກັບໃນທີມຊາດອັງກິດ.