ຜີມີລຸ້ນ!!ກຣິສມັນເຜີຍຝອຍກັບປັອກບາເລື່ອງສະໂມສອນ

 

ອອງຕວນ ກຣິສມັນ ຫົວຫອກ ແອັດ ມາດຣິດ ເປີດໃຈມັກຈະຖາມ ປໍ ປັອກບາ ກອງກາງ ແມນຢູ ກ່ຽວກັບຕົ້ນສັງກັດຂອງອີກຝ່າຍຢູ່ເລື້ອຍໆພ້ອມກັບເຜີຍວ່າຢາກລົງຫຼິ້ນຮ່ວມກັບ ປັອກບາ.

 

ອອງຕວນ ກຣິສມັນ ກອງໜ້າຄົນສຳຄັນຂອງ ແອັດເລຕິໂກ ມາດຣິດ ສະໂມສອນຊັ້ນນຳຂອງ ລາ ລີກາ ສະເປນຍອມຮັບວ່າຕົນຖາມ ປໍ ປັອກບາ ກອງກາງຄ່າໂຕແພງເວີ້ຂອງ “ຜີສາດແດງ” ແມນເຊສເຕີ ຢູໄນເຕັດ ກ່ຽວກັບ “ຜີສາດແດງ” ຢູ່ເລື້ອຍໆ.

 

ຕະຫຼອດໄລຍະເວລາທີ່ຜ່ານມາມີລາຍງານຢ່າງໜາຫູວ່າ ກຣິສມັນ ເປັນໜຶ່ງໃນເປົ້າໝາຍການເສີມທັບລຳດັບຕົ້ນໆໃນຊ່ວງຊຳເມີປີໜ້າຂອງ ໂຊເຊ ມູຣິນໂຢ ຜູ້ຈັດການທີມ ແມນ ຢູໄນເຕັດ ເຊິ່ງກະແສຂ່າວການຍ້າຍທີມຂອງດາວເຕະເລືອດນຳ້ຫອມກໍຍິ່ງໜັກຂຶ້ນໄປອີກເມື່ອມີການເປີດເຜີຍວ່າເຂົາສະນິດກັບ ປັອກບາ ເປັນຢ່າງຍິ່ງ.

 

ກຣິສມັນ ເຜີຍວ່າ “ຂ້ອຍຖາມ ປັອກບາ ກ່ຽວກັບ ແມນເຊສເຕີ ຢູໄນເຕັດ ຢູ່ເລື້ອຍໆ ຂ້ອຍຄິດວ່າພວກເຂົາເປັນສະໂມສອນໃຫຍ່ທີ່ມີໂຄງສ້າງພື້ນຖານທີ່ດີຫຼາຍໆ ເຈົ້າໄດ້ຍິນຂ່າວລືຢ່າງໜັກກ່ຽວກັບ ແມນເຊສເຕີ ຢູໄນເຕັດ ແລະ ປາຣີ ແຊັງ-ແຊັກແມັງ ແຕ່ຕອນນີ້ຂ້ອຍຍັງຈິນຕະນາການພາບຕົນເອງຕອນຍ້າຍທີມບໍ່ອອກເລີຍ ຢ່າງໃດກໍຕາມມັນກໍຄົງເປັນເລື່ອງທີ່ດີຫຼາຍຖ້າມື້ໜຶ່ງຂ້ອຍໄດ້ຫຼິ້ນຮ່ວມກັບ ປັອກບາ”.