ຜີມີຕື່ນ!! ບາຊາເລັງດຶງລິນເດລອຟຮ່ວມທັບ

 

ບາເຊໂລນາ ຫວັງທີ່ຈະຕັດໜ້າ ແມນເຊສເຕີ ຢູໄນເຕັດ ດຶງຕົວ ວິກເຕີ ລິນເດລອຟ ກອງຫຼັງຂອງ ເບັນຟີກາ ມາຮ່ວມທັບ ໂດຍພ້ອມທີ່ຈະທຸ່ມເງິນ 50 ລ້ານປອນເພື່ອດຶງນັກເຕະ.

 

ວິກເຕີ ລິນເດລອຟ ກອງຫຼັງຂອງ ເບັນຟີກາ ສະໂມສອນຍັກໃຫຍ່ຂອງ ພຣີເມຍລາ ລີກາ ປັອກຕຸຍການ ກຳລັງໄດ້ຮັບຄວາມສົນໃຈຈາກ ບາເຊໂລນາ ສະໂມສອນລູກໜັງຍັກໃຫຍ່ຂອງ ລາ ລີກາ ສະເປນ ຕາມການລາຍງານຈາກ ໂອ ໂຊໂກ ສື່ຊັ້ນນຳຂອງປັອກຕຸຍການເມື່ອວັນພຸດທີ່ຜ່ານມາ.

 

ໃນຊ່ວງເປີດຕະຫຼາດນັກເຕະເດືອນມັງກອນທີ່ຜ່ານມາ ລິນເດລອຟ ມີຂ່າວກ່ຽວພັນກັບ ແມນເຊສເຕີ ຢູໄນເຕັດ ຢ່າງໜັກແຕ່ວ່າສຸດທ້າຍກໍບໍ່ມີການຍ້າຍທີມເກີດຂຶ້ນເນື່ອງຈາກວ່າ ໂຊເຊ ມູຣິນໂຢ ນາຍໃຫຍ່ຂອງ “ຜີສາດແດງ” ເຊື່ອໝັ້ນໃນຂຸນພົນແນວຮັບຂອງທີມທີ່ມີຢູ່.

 

ຫຼ້າສຸດ ໂອ ໂຊໂກ ລະບຸວ່າ ລິນເດລອຟ ໄດ້ການຍເປັນນັກເຕະເປົ້າໝາຍຂອງ ບາຊາ ໂດຍເຊື່ອກັນວ່າ ຍັກໃຫຍ່ຂອງແຄວ້ນກາຕາລັນພ້ອມທຸ່ມເງິນກ້ອນໃຫຍ່ 50 ລ້ານປອນເພື່ອຫວັງທີ່ຈະດຶງນັກເຕະມາຮ່ວມທີມໃຫ້ໄດ້.

 

ສຳລັບລະດູການນີ້ ລິນເດລອຟ ລົງຫຼິ້ນໃຫ້ “ຢ່ຽວລິສບອນ” ໄດ້ແລ້ວລວມທຸກລາຍການ 25 ນັດ.