ຜີຊວຍ!!ໄບຍີຮັບເຂົ່າດ້ຽງອາດນັ່ງຍາວ 2 ເດືອນ

 

ເອຣິກ ໄບຢີ ກອງຫຼັງຂອງ ແມນ ຢູໄນເຕັດ ອັບເດດຄວາມເຄື່ອນໄຫວອາການບາດເຈັບເຂົ່າໃນເກມປລາໄຊຂາຍໜ້າ ເຊວຊີ ເມື່ອອາທິດທີ່ຜ່ານມາ ລະບຸອາດຈະຕ້ອງພັກຍາວເຖິງ 2 ເດືອນແຕ່ຫວັງທຸກຢ່າງຈະດີຂຶ້ນໄວກວ່າທີ່ຄາດເອົາໄວ້ ພ້ອມຂອບໃຈທຸກກຳລັງໃຈທີ່ມີໃຫ້.

 

ເອຣິກ ໄບຢີ ກອງຫຼັງເລືອດໄອວາຣີ ໂຄດ ຂອງ ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ລະບຸຕົນອາດຈະຕ້ອງພາດຊ່ວຍທັບ ຜີສາດແດງ ດົນເຖິງ 2 ເດືອນຫຼັງຈາກໄດ້ຮັບບາດເຈັບໜັກທີ່ຫົວເຂົ່າໃນເກມທີ່ເສຍໃຫ້ກັບ ເຊວຊີ ເມື່ອວັນອາທິດທີ່ຜ່ານມາ.

 

ດາວເຕະອາຍຸ 22 ປີ ເຊິ່ງເຮັດຜົນງານໄດ້ຢ່າງໂດດເດັ່ນນັບຕັ້ງແຕ່ຍ້າຍມາຈາກ ບີຢາເຣອັນ ດ້ວຍຄ່າໂຕ 30 ລ້ານປອນເມື່ອຊ່ວງຊຳເມີທີ່ຜ່ານມາເກີດອາການບາດເຈັບຫຼັງຈາກທີ່ເຂົ້າປະທະກັບ ເອເດນ ອາຊາ ໃນຊ່ວງເຄິ່ງຫຼັງຂອງເກມດັ່ງກ່າວ ໂດຍທີ່ກ່ອນໜ້ານີ້ ໂຊເຊ ມູຣິນໂຢ ຜູ້ຈັດການທີມ ຜີສາດແດງ ລະບຸວ່າອາການບາດເຈັບຂອງ ໄບຢີ ຂ້ອນຂ້າງທີ່ຈະໜັກໜາ.

 

ເຖິງວ່າຈະບໍ່ມີການຢືນຢັນຢ່າງເປັນທາງການຈາກ ແມນຢູ ແຕ່ວ່າ ໄບຢີ ໄດ້ໂພສຂໍ້ຄວາມລົງອິນສະຕຣາແກຣມເພື່ອແຈ້ງຄວາມຄືບໜ້າກ່ຽວກັບສະຖານະການເຈັບຂອງຕົນເອງໂດຍລະບຸວ່າ “ຂ້ອຍຢາກຂອບໃຈສຳລັບທຸກໆຂໍ້ຄວາມທີ່ເປັນກຳລັງໃຈເຊິ່ງຂ້ອຍໄດ້ຮັບຕັ້ງແຕ່ທີ່ມີບັນຫາອາການບາດເຈັບ”.

 

“ຂ້ອຍຫວັງວ່າຂ້ອຍຈະສາມາດກັບມາຫຼິ້ນໃຫ້ກັບທີມໄດ້ອີກລວມທັງທີມຊາດກ່ອນ 2 ເດືອນ ຂໍໃຫ້ພະເຈົ້າຄຸ້ມຄອງ!!” ໄບຢີ ກ່າວ.