ຜິວໃສ ເຊວລູໄລ້ຫາຍຫນີ ດ້ວຍ coffe scrub

ຕາມຫົວຂໍ້ເລີຍເນາະສາວໆ ສູດດັ່ງກ່າວນີ້ມີມາແຕ່ດົນຂອງເຫລົ່ານາງແບບເທິງແຄັດວອຄ ແຕ່ມັນຫາກໍມາເປັນທີ່ຮູ້ຈັກໃນຫມູ່ສາວໆບ້ານເຮົາຫວ່າງບໍ່ດົນມານີ້. ແລ້ວເປັນຫຍັງຕ້ອງຂັດຜິວດ້ວຍຂີ້ກາເຟ ຫລື coffee scrub??? ***ຄຸນປະໂຫຍດ: - ຊ່ວຍ detox ລ້າງສານພິດຕົກຄ້າງຕາມຮູຂຸມຂົນເຮັດໃຫ້ຜິວໃສ ສຸຂະພາບດີ -ຂັດເຊວຜິວເກົ່າເຜີຍເຊວຜິວໃຫມ່ທີ່ແຂງແຮງກວ່າ ພ້ອມຕໍ່ການບຳລຸງໃນຂັ້ນຕໍ່ໄປ. - ກິ່ນກາເຟຫອມໆຊ່ວຍໃຫ້ຜ່ອນຄາຍ - ຫລຸດຜ່ອນເຊວລູໄລໃຕ້ຜິວຫນັງເປັນຢ່າງດີ - ຊ່ວຍຫລຸດຜ່ອນກິ່ນກາຍ ແລະກິ່ນຕີນ (ຂໍ້ນີ້ຫລາຍຄົນຍັງບໍ່ຮູ້) ເພາະສານຄາເຟອິນໃນກາເຟມີຄຸນສົມບັດໃນການຊຶມຊັບກິ່ນ ແລະໂຢເກິດກໍມີແບັກທີເລຍທີ່ເປັນປະໂຫຍດເຊັ່ນດຽວກັນ. - ໂຢເກິດຊ່ວຍໃຫ້ຜິວນຽນນຸ້ມ ແລະຊຸ່ມຊື່ນ ###ຮູ້ຄຸນປະໂຫຍດແລ້ວລົງມືປະຕິບັດເລີຍດີກວ່າ! ເລີ່ມຈາກປະສົມໂຢເກິດລົດທຳມະຊາດ 1ຈອກກັບຂີ້ກາເຟ 1ບ່ວງແກງ (ຫາຂໍຕາມຮ້ານຂາຍໂອລ້ຽງ ຫລືຊື້ມາເລີຍກໍໄດ້ ແຕ່ຂໍແນະນຳແບບທີ່ເປັນກາກເດີ ບໍ່ເອົາແບບສຳເລັດຮູບ) ແລ້ວນຳໄປຂັດຜິວທີ່ປຽກພໍຫມາດໆ ຂັດໃຫ້ເປັນວົງກົມ ຕາມທິດເຂັມໂມງ ປະມານ 10-15ນາທີ ແລ້ວອາບນ້ຳຖູສະບູຕາມປົກກະຕິ ທ່ານຈະຮູ້ສຶກວ່າຜິວນຽນນຸ້ມນິ້ມຂຶ້ນມາທັນທີ. ເຮັດເປັນປະຈຳທຸກໆອາທິດຮັບຮອງເຫັນຜົນ! ****ຫມາຍເຫດ: ຂີ້ກາເຟອາດອັດຕັນທໍ່ໃນຫ້ອງນ້ຳ ກ່ອນຂັດຜິວຄວນຫາຫນັງສືພິມມາຮອງ ແລະຫລັງຈາກຂັດຜິວແລ້ວຄວນທາຄີມບຳລຸງຮັກສາຄວາມຊຸ່ມຊື່ນໃຫ້ຜິວ ແລະງົດຕາກແດດ1ວັນ.