ຜັກບົ້ງບໍ່ແມ່ນບຳລຸງສາຍຕາຢ່າງດຽວ ແຕ່ປະໂຫຍດພຽບ

     ຜົກບົ້ງ ເຖິງວ່າຈະເປັນຜັກພື້ນບ້ານກໍ່ຕາມ ແຕ່ໃນຜັກບົ້ງນັ້ນໃຫ້ປະໂຫຍດທີ່ມີຫຼາກຫຼາຍ ເຊິ່ງຊ່ວຍສົ່ງຜົນດີຕໍ່ສຸຂະພາບເປັນຢ່າງດີປະສົມກັບລົດຊາດທີ່ໜ້າກິນຈິ່ງກາຍເປັນອາຫານເພື່ອສຸຂະພາບທີ່ມີຄົນນິຍົມຫຼາຍ ຄຸນປະໂຫຍດດີໆຈາກຜັກບົ້ງມີຫຍັງແດ່ມາເບິ່ງນຳກັນເລີຍ!! 

1.ຮັກສາອາການນອນບໍ່ຫຼັບ: ໃນຜັກບົ້ງອຸດົມໄປດ້ວຍສານເຊເລນຽມ ແລະ ສັງກະສີທີ່ມີຄຸນ ປະໂຫຍດຊ່ວຍເລື່ອງລະບົບປະສາດ ເຮັດໃຫ້ເຮົາຮູ້ສຶກຜ່ອນຄາຍຫຼາຍຂຶ້ນ ແລະ ຊ່ວຍໃຫ້ນອນຫຼັບດີ.

2.ບຳລຸງເລືອດ: ທາດເຫຼັກ ຖືເປັນສານອາຫານທີ່ມີຄວາມສຳຄັນຕໍ່ເລືອດຂອງຄົນເຮົາ ແລະ ການກິນຜັກບົ້ງກໍ່ເປັນອີກວິທີໜຶ່ງທີ່ໄດ້ຮັບທາດເຫຼັກຢ່າງພຽງພໍ.

3. ບຳລຸງຕັບ: ເພາະໃນຜັກບົ້ງມີສານອາຫານຫຼາກຫຼາຍທີ່ຊ່ວຍໃນການລ້າງພິດ ແລະ ສານຕ້ານອະນຸມູນອິດສະຫຼະທີ່ປ້ອງກັນເຊວບໍ່ໃຫ້ຖືກທຳລາຍ

4.ຫຼຸດນ້ຳຕານໃນເລືອດ: ສຳລັບຜູ້ປ່ວຍເບົາຫວານ ເຮົາຂໍແນະນຳໃຫ້ກິນຜັກບົ້ງ ເພາະວ່າ ສາມາດຫຼຸດນ້ຳຕານໃນເລືອດໄດ້.

5.ແກ້ທ້ອງອືດ: ຜັກບົ້ງ ສາມາດແກ້ອາການທ້ອງອືດໄດ້ ເພາະມີສານໄຟເບີທີ່ເປັນໂຕຊ່ວຍໃນລະບົບຂັບຖ່າຍ.

6.ຊ່ວຍຫຼຸດນ້ຳໜັກ: ດ້ວຍປະລິມານໄຟເບີສູງ ແລະ ມີແຄລໍຣີຕໍ່າ ເຮັດໃຫ້ເມື່ອເຮົາກິນເຂົ້າໄປແລ້ວຈະເຮັດໃຫ້ອິ່ມງ່າຍ ແລະ ອີ່ມດົນ, ດັ່ງນັ້ນຈຶ່ງໝົດບັນຫາການກິນອາຫານຫຼາຍເທື່ອຕໍ່ມື້ ຫຼື ຢາກອາຫານເລື້ອຍໆ.

7.ຫຼຸດໄຂມັນ: ບໍ່ພຽງແຕ່ເປັນໂຕຊ່ວຍໃນການຫຼຸດນໍ້າໜັກເທົ່ານັ້ນ ແຕ່ຜັກບົ້ງຍັງມີສ່ວນສໍາຄັນຕໍ່ການຫຼຸດຄໍເລສເຕີຣໍໃນຮ່າງກາຍໄດ້ ເຊິ່ງສົ່ງຜົນດີຕໍ່ລະບົບຫຼອດເລືອດ ແລະ ຫົວໃຈອີກດ້ວຍ.

8. ບຳລຸງສາຍຕາ: ທີ່ເຮົາໄດ້ຍິນກັນມາວ່າກິນຜັກບົ້ງແລ້ວຈະຊ່ວຍໃຫ້ສາຍຕາດີນັ້ນເປັນຄວາມຈິງ ເພາະໃນຜັກບົ້ງລ້ວນແຕ່ມີແຮ່ທາດ ແລະ ວິຕາມິນທີ່ສົ່ງຜົນດີຕໍ່ສຸຂະພາບດວງຕາ.

9. ປ້ອງກັນພະຍາດຫົວໃຈ: ຜັກບົ້ງຈະຊ່ວຍຫຼຸດຄວາມສ່ຽງພະຍາດຫົວໃຈ ແລະ ຫຼອດເລືອດ ເມື່ອກິນຜັກບົ້ງເຂົ້າໄປກໍຖືເປັນການປ້ອງກັນການເກີດພະຍາດຫົວໃຈໄດ້ອີກທາງໜຶ່ງ.

10. ຕ້ານມະເຮັງ: ຜັກບົ້ງເປັນແຫຼ່ງລວມສານຕ້ານອະນຸມູນອິສະຫຼະເຖິງ 13 ຊະນິດ ຈຶ່ງເປັນຜັກຊະນິດ ໜຶ່ງທີ່ຊ່ວຍປ້ອງກັນມະເຮັງໄດ້ ໂດຍສະເພາະມະເຮັງລຳໄສ້ໃຫ່ຍ, ມະເຮັງຜິວໜັງ, ມະເຮັງເຕົ້ານົມ ແລະ ມະເຮັງອັນທະ ເພາະສານຕ້ານອະນຸມູນອິດສະຫຼະຈະເຂົ້າໄປປ້ອງກັນບໍ່ໃຫ້ເຊວໃນຮ່າງກາຍຖືກທຳລາຍນັ້ນເອງ.