ຜັກດອງເພື່ອສຸຂະພາບ

ຄົນ​ທີ່​ເບິ່ງ­ແຍງ​ສຸ­ຂະ­ພາບ​ສ່ວນ​ຫຼາຍ​ຈະ​ນິ­ຍົມ​ດອງ​ຜັກ​ໄວ້​ກິນ​ເອງ  ເພື່ອ​ປະ­ໂຫຍດ​ແກ່​ຮ່າງ­ກາຍ ເມື່ອ​ຮ່າງ­ກາຍ​ແຂງ­ແຮງ​ລະ­ບົບ​ຂັບ​ຖ່າຍກໍ​ຈະ​ດີ​ ທັງ​ສົ່ງ​ຜົນ​ຕໍ່​ຜິວ​ພັນ ​ດ້ວຍໂດຍ​ສະ­ເພາະ​ການ​ກິນ​ຜັກ​ທີ່​ດອງ​ໃນ​ນ້ຳ​ສົ້ມ​ສາຍ​ຊູ​ທີ່​ໝັກ​ຈາກ​ໝາກ​ໄມ້ ແມ່ນ​ຈະ​ດີ​ຕໍ່​ລະ­ບົບ​ການ​ຍ່ອຍ​ອາ­ຫານ​ຫຼຸດ​ໄຂມັນ, ຫຼຸດ​ຄວາມ­ດັນ ແລ້ວ​ຍັງ​ປັບ​ຄວາມ​ສົມ​ດຸນ​ໃຫ້​ແກ່​ຮ່າງ­ກາຍ​ໄດ້​ດີ​ອີກ​ດ້ວຍ ແລະ​ ໃນ​ມື້­ນີ້​ເຮົາ​ກໍ​ມີ​ສູດ​ຜັກ​ດອງ​ແບບ​ງ່າຍໆ​ ພຽງເພີ່ມ​ສີ­ສັນ​ຈາກ​ທຳ​ມະ​ຊາດ​ລົງ​ໄປ​ໃຫ້​ສວຍ​ງາມ ດັ່ງ​ຜັກ​ດອງ​ຂ້າງ​ລຸ່ມ​ນີ້:

  • ຫົວ​ຜັກ­ບົ່ວ​ແດງ​ດອງ: ຫົວ​ຜັກ­ບົ່ວ​ແດງ​ຊອຍ 100 ກຣາມ, ນ້ຳ​ສົມສາຍ​ຊູ​ໝັກ​ຈາກ​ແອ​ປ​ເປິ້​ລ 80 ຊີ​ຊີ, ນ້ຳ­ຕານ 2 ບ່ວງ​ກາ­ເຟ, ຜົງ​ຂີ້­ໝິ້ນ ແລະ ​ເກືອ​ 1/6 ບ່ວງ​ແກງ ວິ­ທີ​ປຸງ: ລ້າງ​ຫົວ​ຜັກ­ບົ່ວ​ຊອຍ​ໃຫ້​ສະ­ອາດ​ປະ​ໄວ້​ໃຫ້​ສະ­ເດັດ​ນ້ຳ​ໂຮຍ​ເກືອ​ປະ​ໄວ້​ຈາກ​ນັ້ນ​ໃສ່​ນ້ຳ­ຕານ, ຜົງ​ກະ​ຫຼີ່, ນ້ຳ​ສົ້ມ​ສາຍ​ຊູ​ໝັກ​ລົງ​ໃນ​ໝໍ້​ປະ­ສົມ​ຄົນ​ໃຫ້​ເຂົ້າ­ກັນ ຕັ້ງ​ໄຟ​ພໍ​ຟົດ​ຍົກ​ລົງ​ຈາກ​ໄຟ​ໃຫ້​ອຸ່ນ​ແລ້ວ​ໃສ່​ຫົວ​ຜັກ­ບົ່ວ​ທີ່​ກຽມ​ໄວ້​ລົງ​ໃນ​ນ້ຳ​ໝັກ​ແລ້ວ​ພັກ​ໄວ້​ກ່ອນ​ນຳ­ໄປ​ຮັບ​ປະ­ທານ.

  • ຂີງ​ດອງ: ຂີງ​ຊອຍ​ບາງໆ100 ກຣາມ, ນ້ຳ​ສົມ​ສາຍ​ຊູ​ໝັກ​ຈາກ​ແອ​ປ​ເປິ້​ລ 100 ຊີ​ຊີ, ນ້ຳ­ຕານ​ໝາກ­ພ້າວ 4 ບ່ວງ​ກາ­ເຟ, ເກືອ​ປົ່ນ 1/2 ບ່ວງ​ແກງ, ຊາ​ກະ​ຈຽບ ະ ບ່ວງ​ກາ­ເຟ ,ວິ­ທີ​ປຸງ: ລວກ​ຂີງ​ໃນ​ນ້ຳ​ຮ້ອນ​ແລ້ວ ໃສ່​ພາ­ຊະ­ນະ​ປະ​ໄວ້, ປະ­ສົມ​ນ້ຳ​ສົ້ມ​ສາຍ​ຊູ​ໝັກ, ເກືອ, ນ້ຳ­ຕານ​ໃນ​ໝໍ້​ຄ້າງ​ໄຟ​ໃຫ້​ຟົດ ໃສ່​ຊາ​ກະ​ຈຽບ​ລົງ​ໄປ​ແລ້ວ ຈິ່ງ​ນຳ​ນ້ຳ​ທີ່​ໄດ້​ມາ​ຖອກ​ໃສ່​ຂີງ​ທີ່​ກຽມ​ໄວ້​ນັ້ນ.

     ຂໍ້​ແນະ­ນຳ: ສາ­ມາດ​ຮັບ​ປະ­ທານ​ຫຼັງ​ປຸງ​ແຕ່ງ​ແລ້ວ​ໃໝ່​່ໆ ຫຼື ຈະ​ປະ​ໄວ້ 1 ຄືນ​ກ່ອນ​ຮັບ​ປະ­ທານ​ກໍ​ໄດ້, ຜັກ​ດອງ ທີ່​ເຫຼືອ​ຈາກ​ການ​ກິນ​ສາ­ມາດ​ເກັບ​ໃສ່​ຂວດ​ໂຫຼ​ແຊ່​ໄວ້​ໃນ​ຕູ້­ເຢັນ​ໄດ້ 1 ເດືອນ, ຖ້າ​ນ້ຳ​ສົ້ມ​ສາຍ​ຊູ​ມີ​ລົດ​ຊາດ​ຫວານ​ແລ້ວ​ບໍ່​ຈຳ­ເປັນ​ຕ້ອງ​ໃສ່​ນ້ຳ­ຕານ​ລົງ​ໄປ ເພາະ​ນ້ຳ­ຕານ​ຈະ​ເຮັດ​ໃຫ້​ສີ​ຄ້ຳ​ລົງ​ໜ້ອຍ​ໜຶ່ງ ແລະ​ອັດ­ຕາ​ສ່ວນ​ທີ່​ໃຫ້​ໄປ ນັ້ນ​ແມ່ນ​ມີ​ປະ­ລິ­ມານ 1 ຂວດ ຫຼື 250 ກຣາມ.