ຜັກຊີ ມີສັບພະຄຸນຫຼາຍຢ່າງໃນການຕ້ານພະຍາດ

ຜັກຊີ ເປັນຜັກທີ່ມີກິ່ນເປັນເອກະລັກ ທີ່ເຮັດໃຫ້ຫຼາຍໆຄົນມັກ,ເປັນສະໝຸນໄພທີ່ມີຄຸນຄ່າຫຼາຍ ເພາະມີວິຕາມິນ ແລະແຮ່ທທາດຫຼາຍຊະນິດໃນປະລິມານສູງ, ນອກນັ້ນ ຍັງມີສັບພະຄຸນທາງຢາອີກຫຼາຍຢ່າງ ທີ່ຊ່ວຍການເຮັດວຽກຂອງກະເພາະອາຫານ, ຊ່ວຍຍ່ອຍອາຫານ, ແກ້ທ້ອງອືດ ແລະຊ່ວຍຫຼຸດຄວາມດັນເລືອດ

1.ກະຕຸ້ນການເຮັດວຽກຂອງກະເພາະ: ເຮັດໃຫ້ອາຫານທີ່ເຮົາກິນຍ່ອຍໄດ້ດີຂຶ້ນ ແລະບໍ່ເກີດບັນຫານໍ້າຍ່ອຍຫຼັ່ງອອກມາຫຼາຍເກີນໄປ ຈົນເຮັດໃຫ້ເກີດການແສບຮ້ອນກາງເອິກ

2.ກະຕຸ້ນອະໄວຍະວະຂັບຖ່າຍສິ່ງເສດເຫຼືອ: ເພາະຜັກຊີມີໄຟເບີສູງ ຊ່ວຍກະຕຸ້ນການເຮັດວຽກຂອງລຳໄສ້, ການເຮັດວຽກຂອງມ້າມ ແລະຕັບດີຂຶ້ນ

3.ຫຼຸດຄໍເລດເຕີຣໍ: ເຊິ່ງເປັນສາເຫດເຮັດໃຫ້ເກີດກົດໄຫຼກັບໄດ້

4.ຢັບຢັ້ງການຈະເລີນເຕີບໂຕຂອງເຊື້ອພະຍາດ: ໂດຍສະເພາະແມ່ນເຊື້ອລາ ແລະເຊື້ອແບັກທີເລຍທີ່ເປັນອັນຕະລາຍຕ່າງໆ

5.ປ້ອງກັນອະນຸມູນອິດສະລະ: ທີ່ທຳລາຍເຊວໃນຮ່າງກາຍ ສົ່ງຜົນກະທົບຕໍ່ຜິວໃຫ້ແກ່ກ່ອນໄວອັນຄວນ ແລະເປັນສາເຫດເຮັດໃຫ້ເກີດພະຍາດມະເຮັງ ແລະຊ່ວຍໃຫ້ເຊວເຮັດວຽກໄດ້ຢ່າງສົມບູນ

6.ນອນຫຼັບດີ: ສານຟລາໂວນອຍ ແລະວິຕາມິນບີໃນຜັກຊີ ຊ່ວຍກະຕຸ້ນການເຮັດວຽກຂອງເອນໄຊ ແລະໂຮໂມນບາງຊະນິດ ທີ່ເຮັດໃຫ້ເກີດພາວະສະຫງົບ ແລະນອນຫຼັບດີ

7.ຊ່ວຍໃຫ້ກະດູກ ແລະແຂ້ວແຂງແຮງ: ແຄວຊຽມໃນຜັກຊີ ຊ່ວຍໃຫ້ກະດູກ ແລະແຂ້ວແຂງແຮງດີ

8.ຫຼຸດການເປັນຫວັດ: ຫຼຸດການໄອ, ຕັນດັງ ດ້ວຍການເອົາຜັກຊີ ໄປປະສົມກັບອາຫານ

9.ຊ່ວຍບຳລຸງສາຍຕາ: ປ້ອງກັນການເກີດພະຍາດຕ່າງໆກ່ຽວກັບຕາ

10.ຊ່ວຍເພີ່ມປະລິມານນໍ້ານົມ: ໃຫ້ກັບແມ່ທີ່ໃຫ້ນົມລູກ

 

ບົດຄວາມໃຫມ່ໆ