ຜອ ເບຣເມນຈ້ອງດຶງມາເຕີຊັກເກີ້ກັບທີມ

 

ແຟຣັງ ເບົາມັນ ຜອ ທົ່ວໄປຂອງ ແວເດີ ເບຣເມັນ ເຜີຍທີມຢາກໄດ້ໂຕ ແພ ມາເຕີຊັກເກີ້ ກອງຫຼັງຂອງ ອາເຊນອນ ກັບສູ່ທີມອີກເທື່ອໜຶ່ງຫຼັງຈາກນັກເຕະມີອະນາຄົດກັບຕົ້ນສັງກັດບໍ່ແນ່ນອນຍ້ອນວ່າ “ປືນໃຫຍ່” ໄປດຶງ ຊະໂຄດຣານ ມຸສຕາຟີ້ ມາເສີມທັບ.

 

ແຟຣັງ ເບົາມັນ ຜູ້ຈັດການທົ່ວໄປຂອງ “ນົກນາງນວນ” ແວເດີ ເບຣເມັນ ສະໂມສອນດັງຂອງ ບຸນເດສລີກາ ອອກມາເຜີຍວ່າທີມຂອງຕົນເອງຕ້ອງການດຶງໂຕ ແພ ມາເຕີຊັກເກີ້ ເຊັນເຕີແບັກກັບຕັນທີມຂອງ ອາເຊນອນ ທີມຍັກໃຫຍ່ຂອງລີກອັງກິດກັບມາໃນຖິ່ນ ເວເຊີ ສະຕາດິໂອນ ອີກເທື່ອໜຶ່ງ.

 

ອະດີກອງຫຼັງໂຕເກົ໋າທີມຊາດເຢຍລະມັນອາຍຸ 32 ປີທີ່ຍ້າຍຈາກ “ນົກນາງນວນ” ມາຢູ່ກັບ “ປືນໃຫຍ່” ເມື່ອປີ 2011 ແລະ ຈະໝົດສັນຍາໃນ ເອຕິຮັດ ເອມິເຫຼດ ສະເຕດ້ຽມ ກາງປີໜ້າຍັງບໍ່ໄດ້ລົງຫຼິ້ນໃຫ້ກັບຕົ້ນສັງກັດເລີຍໃນລະດູການນີ້ ເນື່ອງຈາກວ່າມີບັນຫາອາການບາດເຈັບຢ່າງໜັກບໍລິເວນຫົວເຂົ່າອີກທັງການທີ່ ອາເຊນອນ ໄປດຶງໂຕ ຊະໂຄດຣານ ມຸສຕາຟີ້ ມາຮ່ວມທີມເຮັດໃຫ້ອະນາຄົດໄລະຍະຍາວຂອງ ມາເຕີຊັກເກີ້ ກັບທີມເລີ່ມຈະບໍ່ແນ່ນອນແລ້ວ.


ຫຼ້າສຸດ ເບົາມັນ ເຜີຍວ່າ ເບຣມັນ ໄດ້ມີການໂອ້ລົມກັນເລື່ອງອະນາຄົດຂອງ ມາເຕີຊັກເກີ້ ລະຫວ່າງການເຈລະຈາເລື່ອງການດຶງ ແຊ ນາບີ້ ປີກຊາວເຢຍລະມັນເມື່ອຊ່ວງຊຳເມີທີ່ຜ່ານມາໂດຍກ່າວວ່າ “ຂ້ອຍສາມາດນຶກພາບ ແພ ທີ່ ແວເດີ ໃນຕອນທີ່ເຮົາດຶງໂຕ ແຊ ເຮົາໄດ້ມີການລົມກັນກ່ຽວກັບອະນາຄົດຂອງ ມາເຕີຊັກເກີ້ ນຳເຊັ່ນກັນ”.

 

ບົດຄວາມໃຫມ່ໆ