ປ໋າ ຢ້ຳ ແຕ່ງຕັ້ງ ມອຍສ໌ ຄຸມບັງຫຽນບໍ່ແມ່ນເລື່ອງຜິດພາດ

ອະດີດຜູ້ຈັດການທີມຄົນສະກັອດຢືນຢັນແຕ່ງຕັ້ງ ເດວິດ ມອຍສ໌ ເຂົ້າມານັ່ງຕັ່ງນາຍໃຫຍ່ ຜີສາດແດງ ບໍ່ແມ່ນຄວາມຜິດພາດ ເຊີ ອາເລັກ ເຟີກູສັນ ຜູ້ຈັດການທີມທີ່ຍິ່ງໃຫຍ່ທີ່ສຸດໃນປະຫວັດຕິສາດຂອງ ແມນຢູ ຍ້ຳຊັດເຈນ ການແຕ່ງຕັ້ງ ເດວິດ ມອຍສ໌ ເຂົ້າມາຮັບຕຳແໜ່ງແທນເມື່ອປີ 2013 ບໍ່ແມ່ນເລື່ອງຜິດພາດ.

ອະດີດນາຍສະໂມສອນ ເອເວິຕັນ ມີໂອກາດຄຸມບັງຫຽນຜີສາດແດງພຽງແຕ່ 10 ເດືອນເທົ່ານັ້ນ ກ່ອນທີ່ຈະຖືກໄລ່ອອກຈາກຕຳແໜ່ງຢ່າງໄວວາ ຫຼັງຈາກທີ່ພາທີມເຮັດຜົນງານໄດ້ແບບໜ້າຜິດຫວັງ.

ຢ່າງໃດກໍດີ ລ່າສຸດ ເຟີກີ້ ເຊື່ອວ່າເຂົາເລືອກຄົນທີ່ເໝາະສົມແລ້ວແຕ່ພຽງແຕ່ມັນບໍ່ລົງໂຕເທົ່ານັ້ນ.

 

“ຂ້ອຍບໍ່ຄິດວ່າເຮົາເຮັດຜິດພາດ ຂ້ອຍຄິດວ່າເຮົາເລືອກຄົນທີ່ມີຈິດວິນຍານກັບບານທີ່ມີຝີມື ເຂົາເຮັດຜົນງານໄດ້ດີກັບ ເອເວິຕັນ ຕະຫຼອດ 11 ປີ” ປ໋າ ກ່າວຜ່ານ ຮູບເງົາສາລະຄະດີຂອງ BBC.

“ເຮົາເລືອກຄົນໄດ້ເໝາະສົມແລ້ວ ແຕ່ໂຊກບໍ່ດີທີ່ມັນບໍ່ລົງໂຕສຳລັບ ເດວິດ ມອຍສ໌”.

............................................................................................................................................................................................