ປ໋າຄິດຖືກທີ່ເລືອກດຶງ ເດ ເຄອາ ເມີນ ນອຍເອີ

 

ເຊີ ອາເລັກ ເຟີກູສັນ ອະດີດນາຍໃຫຍ່ ແມນເຊສເຕີ ຢູໄນເຕັດ ເຜີຍ ເອຣິກ ສະຕິວ ໂຄດນາຍທະວານເປັນຄົນແນະນຳໃຫ້ຊື້ ດາວິດ ເດ ເຄອາ ຜູ້ຮັກສາປະຕູທີມຊາດສະເປນມາເຝົ້າເສົາເມື່ອ 5 ປີກ່ອນ ທັງທີ່ໃຈຈິງຢາກໄດ້ ມານູເອວ ນອຍເອີ ມືກາວທີມຊາດເຢຍລະມັນທີ່ຢູ່ກັບ ຊາວເກ04 ໃນເວລານັ້ນຫຼາຍກວ່າ.

 

ເຊີ ອາເລັກ ເຟີກູສັນ ຕຳນານຜູ້ຈັດການທີມ ແມນເຊສເຕີ ຢູໄນເຕັດ ຍັກໃຫຍ່ຈາກ ພຣີເມຍລີກ ອັງກິດ ອອກມາເຜີຍຄວາມລັບເມື່ອວັນຈັນທີ່ຜ່ານມາວ່າ ສາເຫດທີ່ເລືອກເຊັນສັນຍາດຶງ ດາວິດ ເດ ເຄອາ ມືກາວຄົນເກັ່ງມາຮ່ວມທັບເມື່ອ 5 ປີກ່ອນນັ້ນເປັນຍ້ອນໄດ້ຮັບຄຳແນະນຳຈາກ ເອຣິກ ສະຕິວ ເທຣນເນີຜູ້ຮັກສາປະຕູນັ້ນເອງ.

 

ນາຍທະວານທີມຊາດສະເປນເຮັດຜົນງານໄດ້ຢ່າງໂດດເດັ່ນກັບ ຜີີສາດແດງ ຕະຫຼອດ 2-3 ລະດູການຫຼັງສຸດ ເຖິງຈະມີບັນຫາແນ່ໃນຊ່ວງທຳອິດທີ່ຍ້າຍມາຈາກ ແອັດເລຕິໂກ ມາດຣິດ ເມື່ອປີ 2011 ແຕ່ “ເຟີກີ” ຍອມຮັບວ່າໃຈຈິງຢາກໄດ້ ມານູເອວ ນອຍເອີ ນາຍທະວານທີມຊາດເຢຍລະມັນທີ່ເວລານັ້ນຢູ່ກັບ ຊາວເກ04 ຫຼາຍກວ່າ ແຕ່ເປັນເພາະສະຕາບໂຄດແນະນຳວ່າ ເດ ເຄອາ ສະມາດພັດທະນາຟອມໃຫ້ດີລະດັບເທບໄດ້ໃນອະນາຄົດ.

 

ອະດີດນາຍໃຫຍ່ເລືອດສະກັອດກ່າວຜ່ານ ສະກາຍ ສະປອດ ສື່ຊື່ດັງວ່າ “ເອຣິກ ສະຕິວ ໄປເບິ່ງຟອມຂອງ ເດ ເຄອາ ມາຫຼາຍເທື່ອແຕ່ຕອນນັ້ນ ນອຍເອີ ກໍເຮັດຜົນງານໄດ້ໂດດເດັ່ນກັບ ຊາວເກ ແລະ ຂ້ອຍຄິດວ່າ ຊາວເກ ໜ້າຈະແຮັບປີຖ້າເຮົາຍື່ນຂໍ້ສະເໜີໄປ”.

 

ຢ່າງໃດກໍຕາມບັນຫາຂອງຂ້ອຍຄື ເອຣິກ ເພາະເຂົາແນະນຳວ່າເຮົາຄວນດຶງ ເດ ເຄອາ ຂ້ອຍເລີຍບອກວ່າ “ເອຣິກ ບັກນ້ອຍໆ ນອຍເອີ ຫັນສົມບູນແບບເລີຍໃດ໋ ແລະ ມີຄວາມທຸ່ນເປັນຜູ້ໃຫຍ່ອີກ ຍັງມີຮ່າງກາຍທີ່ແຂງແຮງເຫຼືອເຊື່ອອີກຕ່າງຫາກ” ແຕ່ ເອຣິກ ຕອບກັບມາວ່າ “ ກະແມ່ນຢູ່ ແຕ່ອີກ 3 ປີທາງໜ້າ ເດ ເຄອາ ຈະເທບກວ່າແນ່ນອນ”.