ປືນໃຫຍ່ເຈັບຈີດດດດ!!! ໂກເກິແລັງ ເຈັບອາດຈະນັ່ງ 3 ເດືອນ

ເລກິບ ສື່ຂອງ ຝຣັ່ງ ຕີຂ່າວ ຟຣານຊິສ ໂກເກິແລັງ ມິດຟິວ “ປືນໃຫຍ່” ອາດຈະຕ້ອງນັ່ງພັກ 3 ເດືອນ ຫຼັງຈາກເຈັບຫົວເຂົ່າຈາກເກມທີ່ຕົ້ນສັງກັດເສຍໃຫ້ກັບ ເວສບຣອມວິດ ເມື່ອວັນເສົາທີ່ຜ່ານມາ.

ຟຣານຊິສ ໂກເກິແລັງ ກອງກາງໂຕຮັບຂອງ ອາເຊນ້ອນ ສະໂມສອນຍັກໃຫຍ່ຈາກ ພຣີເມຍລີກ ອັງກິດ ອາດຈະຕ້ອງໝົດສິດລົງສະໜາມ 3 ເດືອນ ຫຼັງຈາກລ່າສຸດມີອາການບາດເຈັບບໍລິເວນຫົວເຂົ່າ ຕາມການລາຍງານຂອງ ເລກິບ ສື່ຊື່ດັງຂອງເມືອງນ້ຳຫອມ.

ໂກເກິແລັງ ໄດ້ຮັບບາດເຈັບບໍລິເວນດັ່ງກ່າວໃນຊ່ວງເຄິ່ງເວລາທຳອິດຂອງເກມລີກນັດທີ່ຕົ້ນສັງກັດອອກບ້ານໄປຖືກທັບປືນແຕກເສຍໃຫ້ ເວສບຣອມ 2-1 ທີ່ສະໜາມ ເດິ ຮໍທອນ ເມື່ອວັນເສົາທີ່ຜ່ານມາ ໂດຍເກີດຂຶ້ນຈາກຈັງຫວະທີ່ຖືກ ເຄລາດິໂອ ຢາຄັອບ ມິດຟິວຂອງທີມເຈົ້າບ້ານເຂົ້າສະກັດ.

ຖ້າວ່າຂ່າວນີ້ເປັນເລື່ອງແທ້ ມັນກໍນັບວ່າເປັນຜົນເສຍຢ່າງຮ້າຍແຮງຂອງ “ປືນໃຫຍ່” ເພາະ ໂກເກິແລັງ ເປັນມິດຟິວໂຕດີຂອງທີມ ເຊິ່ງຄວາມຈິງແລ້ວ ອາແຊນ ເວນເກີ ນາຍໃຫຍ່ກໍເຄີຍຖືກຕຳນິມາແລ້ວທີ່ບໍ່ຍອມເຊັນກອງກາງໂຕຕັດເກມມາຮ່ວມທີມເມື່ອຊ່ວງພັກລະດູການທີ່ຜ່ານມາ.

...................................................................................................................................................