ປືນເລັງທຸ່ມ 18.3 ລ້ານປອນດຶງ ໂບຣໂຊວິດເສີມທັບ

 

ສື່ປ່ອຍຂ່າວ ອາເຊນອນ ວາງແຜນເທກອງເງິນປະມານ 18.3 ລ້ານປອນ ຫວັງທີ່ຈະດຶງ ມາເຊໂລ ໂບຣໂຊວິດ ກອງກາງທີມຊາດ ໂຄຣເອເຊຍ ມາຮ່ວມທັບຊ່ວງເດືອນມັງກອນຫຼັງຈາກທີ່ນັກເຕະບໍ່ມີສ່ວນຮ່ວມກັບ ອິນເຕີ ມິລານ ສະໂມສອນຕົ້ນສັງກັດ.

 

ອາເຊນອນ ສະໂມສອນຍັກໃຫຍ່ຈາກ ພຣີເມຍລີກ ອັງກິດ ຕົກເປັນຂ່າວວ່າ ໄດ້ຍື່ນຂໍ້ສະເໜີຈຳນວນ 18.3 ລ້ານປອນເພື່ອດຶງໂຕ ມາເຊໂລ ໂບຣໂຊວິດ ກອງກາງໂຕຢືມ ອິນເຕີ ມິລານ ທີມດັງຈາກ ກັນໂຊ ຊີຣີ ອາ ອີຕາລີ ມາເສີມທັບໃນຊ່ວງເປີດຕະຫຼາດນັກເຕະເດືອນມັງກອນນີ້.

 

ກອງກາງ ໂຄຣເອເຊຍ ຍ້າຍຈາກ ດີນາໂມ ຊາເກຣັບ ມາຫຼິ້ນໃຫ້ “ເນຣັດຊູຣີ” ແບບຢືມໂຕເມື່ອເດືອນກໍລະກົດປີທີ່ແລ້ວ ແລະ ກຽມໂຕຍ້າຍມາຟາດແຄ່ງໃນຖິ່ນ ຈູເຊັບເປ ເມອັດຊາ ແບບຖາວອນໃນອີກບໍ່ເທົ່າໃດມື້ ຢ່າງໃດກໍຕາມ “ລາ ລີພັບບິກາ” ສື່ແດນກະໂລນີ ຕີຂ່າວວ່າ ອາເຊນອນ ທຸ່ມເງິນດັ່ງກ່າວຫວັງດຶງ ໂບຣໂຊວິດ ມາຮ່ວມທັບ ຂະນະທີ່ “ງູໃຫຍ່” ອິນເຕີ ອາດຈະຕັດສິນໃຈປ່ອຍນັກເຕະອອກຈາກສະໂມສອນ ເນື່ອງຈາກເຂົາບໍ່ໄດ້ແມ່ນນັກເຕະໂຕຫຼັກແຕ່ຢ່າງໃດ.

 

ສຳລັບ ອາເຊນອນ ຈໍ່ທີ່ຈະດຶງໂຕ ໂມຮະເມັດ ເອວເນນີ ກອງກາງໂຕຮັບ ເອຟຊີ ບາເຊວ ມາເສີມທັບເຕັມທີ່ ຫຼັງຈາກທີ່ນັກເຕະຜ່ານການກວດຮ່າງກາຍຮຽບຮ້ອຍແລ້ວ ໂດຍທີ່ເຫຼືອພຽງແຕ່ຂັ້ນຕອນຂໍໃບອະນຸຍາດເຮັດວຽກໃນອັງກິດເທົ່ານັ້ນ.