ປືນເລັງດຶງນຽງເສີມຄັມແດນໜ້າ

 

ອາເຊນອນ ຫວັງເພີ່ມຄວາມດຸດັນໃນເກມບຸກໂດຍຫຼ້າສຸດມີຂ່າວວ່າຈ້ອງດຶງ ເອັມບາຍ ນຽງ ຫົວຫອກຂອງ ເອຊີ ມິລານ ມາຮ່ວມທັບ ແລະ ອາດຈະພະຍາຍາມປິດການເຈລະຈາໃນຊ່ວງເດືອນມັງກອນນີ້ເລີຍ.

 

ອາເຊນອນ ສະໂມສອນຍັກໃຫຍ່ຂອງ ພຣີເມຍລີກ ກຳລັງໃຫ້ຄວາມສົນໃຈທີ່ຈະເຊັນສັນຍາກັບ ເອັມບາຍ ນຽງ ກອງໜ້າເລືອດນຳ້ຫອມຂອງ ເອຊີ ມິລານ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ອີຕາລີຕາມການລາຍງານຈາກ ກັນໂຊແມຄາໂຕ້ເວັບ ສື່ຊັ້ນນຳແດນກະໂລນີເມື່ອວັນພະຫັດທີ່ຜ່ານມາ.

 

ລະດູການນີ້ນັກເຕະເຊິ່ງເຄີຍເປັນເປົ້າໝາຍຂອງ ປາຣີ ແຊັງ-ແຊັກແມັງ ໂຊຟອມໄດ້ຢ່າງໂດດເດັ່ນໂດຍຍິງໄປ 3 ປະຕູກັບ 2 ແອັດຊິດຈາກການລົງຫຼິ້ນເກມລີກ 7 ເກມຈົນມີກະແສຂ່າວວ່າ ອາແຊນ ເວນເກີ ຜູ້ຈັດການທີມ ປືນໃຫຍ່ ຢາກຈະໄດ້ໂຕມາຖິ່ນ ເອມິເຫຼດ ສະເຕດຽມ.

 

ນອກຈາກນີ້ສື່ເຈົ້າເກົ່າຍັງລະບຸວ່າ ເວນເກີ ຫວັງທີ່ຈະປິດດິວການດຶງໂຕ ນຽງ ມາຮ່ວມທີມໃນຊ່ວງຕະຫຼາດນັກເຕະຮອບສອງເດືອນມັງກອນເລີຍແຕ່ກໍພ້ອມທີ່ຈະຖ້າເຖິງຊ່ວງຊຳເມີປີໜ້າເຊັ່ນກັນ.

 

ທັງນີ້ ນຽງ ຍ້າຍາຈາກ ກັອງ ມາຮ່ວມທັບ “ຜີສາດແດງ-ດຳ” ເມື່ອຊ່ວງຊໍາເມີປີ 2012 ແຕ່ເຮັດໄດ້ພຽງປະຕູດຽວເທົ່ານັ້ນຈາກການລົງຫຼິ້ນ 38 ນັດທຳອິດໃຫ້ທີມ.