ປືນມີຫວັງ!ຊຸດຂາວກຽມເລເບັນເຊມາ 50 ລ້ານປອນ

 

ເງິນໜາລະມາໂລດ!! ອາເຊນອນ ມີໂອກາດສົງຫວັງກັບການດຶງ ຄາຣິມ ເບັນເຊມາ ມາຮ່ວມທັບໃນລະດູການໜ້າຫຼັງຈາກທີ່ມີຂ່າວວ່າ ເຣອັນ ມາດຣິດ ກຽມຂາຍເລດາວຍິງເລືອດນຳ້ຫອມຊ່ວງຊຳເມີນີ້ ໂດຍມີ ເຊວຊີ ທີ່ໝາຍຕານັກເຕະເຊັ່ນກັນ.

 

ເຣອັນ ມາດຣິດ ທີມດັງຂອງ ລາ ລີກາ ສະເປນພ້ອມຂາຍ ຄາຣິມ ເບັນເຊມາ ກອງໜ້າຕົວເກັ່ງດ້ວຍຄ່າຕົວ 50 ລ້ານປອນໃນຊ່ວງຊຳເມີນີ້ ໂດຍມີ ອາເຊນອນ ຕົກເປັນຂ່າວວ່າໃຫ້ຄວາມສົນໃຈມາຢ່າງດົນນານຈາກການລາຍງານຂອງ ເດິຊັນ ສື່ອັງກິດເມື່ອວັນຈັນທີ່ຜ່ານມາ.

 

ອາແຊນ ເວນເກີ ນາຍໃຫຍ່ “ປືນໃຫຍ່” ມັກຕົວນັກເຕະ ແລະ ຫວັງດຶງມາເສີມທັບເກມບຸກມາຕະຫຼອດປີ ໂດຍຫຼ້າສຸດລາຍງານລະບຸວ່າ “ລາຊາຊຸດຂາວ” ກຽມປ່ອຍນັກເຕະອອກຈາກ ຊານຕິເອໂກ ເບີນາເບວ ຂະນະທີ່ ເບັນເຊມາ ເຊິ່ງປະສົບບັນຫາຟອມຕົກ ແລະ ຍິງບໍ່ໄດ້ໃນ 5 ເກມຫຼັງອາດຈະຕັດສິນໃຈເບິ່ງຫາຕົ້ນສັງກັດໃໝ່ຊ່ວງໜ້າຮອນນີ້ ຫຼັງຖືກແຟນບານ ມາດຣິດ ສົ່ງສຽງໂຫ່ໃສ່.

 

ຂະນະດຽວກັນກໍມີລາຍງານວ່າ ເຊວຊີ ສົນໃຈດຶງຕົວອະດີດຫົວຫອກ ໂອລິມປິກ ລີຢົງ ໄປເສີມແດນໜ້າເຊັ່ນກັນ ຫຼັງຈາກທີ່ມີຂ່າວວ່າ ດີເອໂກ ຄອສຕາ ກອງໜ້າທີມຊາດສະເປນກຽມລາ ສະແຕມຝອດ ບຣິດ ໄປຮັບຊັບກ້ອນໃຫຍ່ໃນ ໄຊນິສ ຊູເປີລີກ ຫຼັງຈົບລະດູການນີ້.

 

ບົດຄວາມໃຫມ່ໆ