ປືນມີຂ່າວຮ້າຍ!! ຊານເຊດ ສົນໄປຢູ່ກັບ ເສືອໃຕ້

 

ຂ່າວຮ້າຍສຳລັບແຟນບານ “ປືນໃຫຍ່” ຫຼ້າສຸດມີຂ່າວວ່າ ອະເລັກຊິດ ຊານເຊດ ຫົວຫອກຂອງ ອາເຊນອນ ເລືອກແລ້ວທີ່ຈະຍ້າຍໄປຮ່ວມທີມ ບາເຢິນ ມິວນິກ ຊ່ວງຊຳເມີນີ້ເຖິງວ່າໄດ້ຮັບຄວາມສົນໃຈຈາກ ເຊວຊີ ເຊັ່ນກັນ.

 

ອະເລັກຊິດ ຊານເຊດ ກອງໜ້າຄົນສຳຄັນຂອງ ອາເຊນອນ ສະໂມສອນດັງຂອງ ພຣີເມຍລີກ ຕ້ອງການທີ່ຈະຍ້າຍໄປຮ່ວມທັບ “ເສືອໃຕ້” ບາເຢິນ ມິວນິກ ສະໂມສອນລູກໜັງຂອງ ບຸນເດສລີກາ ເຢຍລະມັນ ຊ່ວງຊຳເມີນີ້ ຕາມການລາຍງານຂອງ ເດິ ທາມ ສື່ຊັ້ນນຳຂອງເມືອງຜູ້ດີ ເມື່ອວັນພຸດທີ່ຜ່ານມາ.

 

ດາວເຕະທີມຊາດຊີລີອາຍຸ 28 ປີຕົກເປັນຂ່າວກ່ຽວກັບເລື່ອງການຍ້າຍທີມມາຕະຫຼອດລະດູການ 2016-2017 ແລະ ເບິ່ງວ່າຕອນນີ້ເຂົາໄດ້ຕັດສິນອະນາຄົດຂອງຕົວເອງຮຽບຮ້ອຍ ເພາະວ່າຫຼ້າສຸດ ເດິ ທາມ ລະບຸວ່າ ອະເລັກຊິດ ມີຄວາມປະສົງທີ່ຈະຍ້າຍທີມ ແລະ ຕ້ອງການຍ້າຍໄປຢູ່ກັບ “ເສືອໃຕ້” ເຖິງວ່າມີຂ່າວກຳລັງໄດ້ຮັບຄວາມສົນໃຈຈາກ ເຊວຊີ ຢູ່ກໍຕາມ.

 

ສຳລັບລະດູການຫຼ້າສຸດ ອະເລັກຊິດ ຍິງໄດ້ເຖິງ 30 ປະຕູກັບອີກ 13 ແອັດຊິດ ຈາກການລົງຫຼິ້ນໃຫ້ “ປືນໃຫຍ່” ລວມທຸກລາຍການ 51 ນັດ.