ປີ 2015 ແມ່ນປີທີ່ສຳຄັນສຳລັບການພັດທະນາຂອງອາຊຽນ

ໃນປີ 2015 ນີ້, ການເມືອງ ແລະ ເສດຖະກິດຂອງພາກພື້ນອາຊຽນໄດ້ມີການພັດທະນາຢ່າງໜັກແໜ້ນ, ທັງຈະປະກາດການສ້າງສຳ ເລັດປະຊາຄົມອາຊຽນ, ສະນັ້ນ, ປີ 2015 ຈຶ່ງແມ່ນປີໜຶ່ງທີ່ສຳຄັນສຳລັບການພັດທະນາຂອງອາຊຽນ.

ໃນດ້ານການເມືອງ, ມຽນມາໄດ້ດຳເນີນການເລືອກຕັ້ງທົ່ວໄປຢ່າງສະດວກ, ວຽກງານການມອບອຳນາດລັດຊຸດເກົ່າໃຫ້ຊຸດໃໝ່ກຳລັງ ດຳເນີນໄປຢ່າງສະດວກ; ສິງກະໂປກໍໄດ້ດຳເນີນການເລືອກຕັ້ງທົ່ວໄປຢ່າງສະດວກພາຍຫຼັງທ່ານລີກວນຢູ, ນາຍົກລັດຖະມົນຕີ ຄົນທຳອິດຂອງສິງກະໂປໄດ້ເຖິງແກ່ອະສັນຍະກຳ. ມາເລເຊຍ ໄດ້ດຳເນີນການປະກອບສ້າງລັດຖະບານຄືນໃໝ່, ໂດຍໄດ້ປ່ຽນລັດຖະມົນຕີ ວ່າການແລະຊ່ວຍວ່າການຫຼາຍທ່ານ. ນອກນີ້ ອິນໂດເນເຊຍ, ໄທ ແລະ ກຳປູເຈຍກໍຢູ່ໃນສະພາບທີ່ມີຄວາມໝັ້ນທ່ຽງດ້ານການເມືອງ ຂອງປະເທດຕົນ.

ໃນດ້ານເສດຖະກິດ, ເນື່ອງຈາກເສດຖະກິດໂລກໂດຍລວມມີການຟື້ນຕົວຢ່າງອ່ອນເພຍ, ເສດຖະກິດຈີນໄດ້ເຂົ້າສູ່ໄລຍະທີ່ເຕີບໂຕ ໃນລະດັບສູງ ຫຼື ລະດັບປານກາງ, ເສດຖະກິດອາຊີຕາເວັນອອກມີການເຕີບໂຕໄວກວ່າໝູ່ ແຕ່ກໍປະເຊີນກັບຄວາມກົດດັນອ່າວໃຫຍ່ທີ່ ເສດຖະກິດເຕີບໂຕຊ້າລົງ ແລະ ການປັບປຸງໂຄງປະກອບເສດຖະກິດ, ການຄາດໝາຍກ່ຽວກັບການປັບຂຶ້ນດອກເບ້ຍຂອງທະນາຄານກາງ ອາເມລິກາ ກໍເຄີຍເຮັດໃຫ້ຕະຫຼາດການທະນາຄານຂອງບາງປະເທດອາຊີຕາເວັນອອກສຽງໃຕ້ມີການປັ່ນປ່ວນ.

ນັກວິຊາການເຫັນວ່າ, ຜູ້ນຳບັນດາປະເທດອາຊຽນໄດ້ຮ່ວມກັນລົງນາມໃນຖະແຫຼງການຮ່ວມຂອງກອງປະຊຸມສຸດຍອດອາຊຽນທີ່ຈັດຂຶ້ນ ຢູ່ນະຄອນຫຼວງກົວລາລຳເປີຂອງມາເລເຊຍໃນວັນທີ 22 ພະຈິກຜ່ານມານີ້, ໂດຍປະກາດວ່າຈະສ້າງສຳເລັດປະຊາຄົມອາຊຽນຢ່າງເປັນ ທາງການໃນວັນທີ 31 ທັນວາປີນີ້, ເຊິ່ງເປັນຈຸດເດັ່ນທີ່ສຸດຂອງພາກພື້ນອາຊຽນໃນປີນີ້.

ປີ 2015 ນີ້, ປະເທດອາຊຽນໄດ້ແກ້ໄຂບັນຫາຫຍຸ້ງຍາກຈຳນວນໜຶ່ງໂດຍຜ່ານການປຶກສາຫາລືກັນ. ເອກະສານຄາດຫວັງຕໍ່ອະນາຄົດ "ອາຊຽນ 2025: ເກາະແຂນກັນກ້າວເດີນໄປໜ້າ" ທີ່ຜູ້ນໍາປະເທດອາຊຽນໄດ້ຮັບຮອງໃນກອງປະຊຸມສຸດຍອດອາຊຽນນັ້ນ ໄດ້ເປັນການຊີ້ ທິດທາງໃຫ້ແກ່ການພັດທະນາໃນ 10 ປີຂ້າງໜ້ານີ້

ບົດຄວາມໃຫມ່ໆ