ປີຜ່ານມາ ມີນັກທ່ອງທ່ຽວ ເຂົ້າມາທ່ຽວລາວ 4ລ້ານກວ່າຄົນ

ໃນປີທີ່ຜ່ານມາ ມີນັກທ່ອງທ່ຽວgເຂົ້າມາທ່ຽວລາວ 4,1ລ້ານກວ່າຄົນ ເມື່ອທຽບໃສ່ປີ2013 ເພີ່ມ ຂື້ນ10% ໃນນັ້ນຕົວເລກທີ່ພົ້ນເດັ່ນຄືຈໍານວນນັກທ່ອງທ່ຽວຈາກສປ ຈີນ ທີ່ເດີນທາງມາທ່ຽວລາວ ເພີ່ມຂື້ນທົບເທົ່າ

ທ່ານ ຈະເລີນ ວາລີນທະລາສັກ ລັດຖະມົນຕີຊ່ວຍວ່າການກະຊວງຖະແຫລງຂ່າວວັດທະນະທໍາແລະທ່ອງທ່ຽວກ່າວວ່າ : ການຮ່ວມມືລະຫວ່າງປະຊາຊົນສອງຊາດລາວ-ຈີນພວກເຮົາແມ່ນມີເງື່ອນໄຂອໍານວຍຄວາມສະດວກ ໃຫ້ແກ່ການໄປມາຫາສູ່ກັນຫຼາຍດ້ານ,ໂດຍສະເພາະແມ່ນທາງພາກເໜືອຂອງ ສປປ ລາວ ທີ່ມີຊາຍແດນເຊື່ອມຈອດກັບ ສປ ຈີນ 540ກິໂລແມັດ, ມີດ່ານສາກົນ 3 ແຫ່ງ ພ້ອມທັງເສັ້ນທາງເຊື່ອມຕໍ່ທັງທາງບົກ,ທາງນ້ໍາແລະທາງອາກາດ

,ມີສາຍການບິນໂດຍກົງ5ເສັ້ນທາງຂອງສາຍການບິນ, ຍ້ອນເປີດເສັ້ນທາງບິນຫຼາຍເສັ້ນທາງຄື ດັ່ງກ່າວນັ້ນ ໄລຍະທີ່ຜ່ານມາຈໍານວນນັກທ່ອງທ່ຽວຈາກປະເທດຈີນ ທີ່ເດີນທາງເຂົ້າມາ ສປປ ລາວ ຈື່ງນັບມື້ນັບເພີ່ມຂື້ນເລື້ອຍໆ ຄື : ປີ 2012 ມີ 199.000ກວ່າຄົນ ແລະປີ 2013 ມີ 245.000ກວ່າຄົນ ແລະປີ 2014ມີ 422.000ກວ່າຄົນ ໄດ້ເພີ່ມຂື້ນ72% ທຽບໃສ່ປີ2013 ຈໍານວນນັກທ່ອງທຽວຈີນເປັນອັນດັບ3 ຂອງນັກທ່ອງທ່ຽວຕ່າງປະເທດທີ່ເຂົ້າມາທ່ຽວລາວ ຖັດຈາກນັກທ່ອງທ່ຽວປະເທດໄທແລະຫວຽດນາມ.

ທີ່ມາ CRI-FM93